11-May-2021

ବଲାଙ୍ଗିର (ପ୍ରେରଣା ଖବର): ମାହେଶ୍ୱରୀ ସବୁବେଳେ ନିଜ ଅଞ୍ଚଳର  ଲୋକଙ୍କ ବିଭିନ୍ନ ସମସ୍ୟାର ସମାଧାନ କରିବା ପାଇଁ ତତ୍ପରତା ପ୍ରକାଶ କରି ଆସିଛି l ବିଶେଷ କରି କରୋନା କlଳ ରେ ଗରିବ, ଅସହାୟ ରୋଗୀଙ୍କ ପଛରେ ଦୟା ଓ କରୁଣାର ମୂର୍ତ୍ତିମନ୍ତ ପ୍ରତୀକ ରୂପେ ଠିଆ ହୋଇଛି ବଲାଙ୍ଗୀରର ମାହେଶ୍ୱରୀ ସଂଗଠନ l ଏପରି ଏକ ଭୟ ଓ ଆଶଙ୍କାର ବାତାବରଣ 

 ମଧ୍ୟରେ  ଯେତେବେଳେ ସାଧାରଣ ଜ୍ୱର ହେଉଥିବା ଜାଣି ମଧ୍ୟ ବନ୍ଧୁ ପରିଜନ ପାଖ ମାଡୁ ନାହାନ୍ତି,ଏହିପରି ସମୟରେ ମାହେଶ୍ୱରୀ ସଦସ୍ୟ ମାନେ ଆନନ୍ଦ ନଗରରେ ରହୁଥିବା ଅସହାୟ ଦମ୍ପତିଙ୍କ ପାଖରେ ପହଂଚି ନିଜର ସାମାଜିକ ଦାୟିତ୍ଵ ନିର୍ବାହ କରିଥିଲେ l ସେଠାରେ ଜଣେ ଦମ୍ପତ୍ତି କୋଭିଡ ଆକ୍ରାନ୍ତ ହୋଇ  ଅମ୍ଳଜାନ ସ୍ତର 

ଅତ୍ୟନ୍ତ ତଳକୁ ଖସି ମୁର୍ମୁଶଃ ଅବସ୍ଥାରେ ଥିବା ଜାଣି ମାହେଶ୍ୱରୀ ର ସଭ୍ଯ ସଭ୍ୟା ଅମ୍ଳଜାନ ସିଲିଣ୍ଡର ପହଞ୍ଚାଇ କିଛି ସମୟ ପାଇଁ ତାଙ୍କ ଅମ୍ଳଜାନ ସ୍ତର କୁ ସାଧାରଣ ଅବସ୍ଥାକୁ ଫେରାଇ ଆଣିବାରେ ସଫଳ ହୋଇଥିଲେ l ପୁଣି ସେହି ଦମ୍ପତ୍ତିଙ୍କୁ କୋଭିଡ ହସ୍ପିଟାଲରେ ଭର୍ତ୍ତି କରି  ନିସ୍ୱାର୍ଥପର ସମାଜସେବାରେ ଏକ ବିରଳ ଉଦାହରଣ ସୃଷ୍ଟି କରିଛନ୍ତି ମାହେଶ୍ୱରୀ ସଂଗଠନର ସେବାକରି ସଭ୍ୟ ମାନେ l
ମାହେଶ୍ୱରୀ ର ହାତ ଅସହାୟଙ୍କ ସଦା  ପ୍ରସାରିତ ବୋଲି କହିଲେ ଅତ୍ୟୁକ୍ତି ହେବନାହିଁ l  ଏହି ସେବା କାର୍ଯ୍ୟକ୍ରମରେ ମାହେଶ୍ୱରୀର ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ, ସଦସ୍ୟ ରାଜ ବାଲୁଙ୍କେଶ୍ୱର ନନ୍ଦ, ଆଶିଷ ଜେନା, ବଣ୍ଟି ବେହେରା, ବାବଲୁ ସେଠ୍ ପ୍ରମୁଖ ସହଯୋଗ କରିଥିଲେ l