07-May-2021

ବଲାଙ୍ଗିର (ସନ୍ତୋଷ କୁମାର ଠାକୁର) : ଟିଟିଲାଗଡ଼ ଡ଼ିଏଭି କଲେଜର ପୂର୍ବତନ ପ୍ରାଧ୍ୟାପକ, ଜଣେ ପ୍ରଖର ବାଗ୍ମୀ, ଗାଳ୍ପିକ ତଥା ସ୍ତମ୍ବକାର ଡ଼. ଅଜାମ୍ବର ମଲ୍ଲଙ୍କ କରୋନାରେ ଆକ୍ରନ୍ତ ହୋଇ ଆଜି ସକାଳେ ଚିକିତ୍ସାଧୀନ ଅବସ୍ଥାରେ ପରଲୋକ ହୋଇଯାଇଛି l ମୃତ୍ୟୁ ସମୟରେ ତାଙ୍କୁ 74 ବର୍ଷ ହେଉଥିଲା l ଗତ କିଛିଦିନ ତଳେ କରୋନା ପଜିଟିଭ ଚିହ୍ନଟ ହେବା ପରେ ଶ୍ରୀ ମଲ୍ଲ ଙ୍କୁ ବଲାଙ୍ଗିର କିମସ୍ ହସ୍ପିଟାଲରେ ଭର୍ତି କରାଯାଇଥିଲା l କିଛି ଦିନ ଧରି ସୁସ୍ଥ ହେବା ପରେ ହଠାତ୍ ଆଜି ତାଙ୍କ ସ୍ୱାସ୍ଥ୍ୟରେ ଅବନତି ଘଟିଥିଲା l ଡାକ୍ତରଙ୍କ ସବୁ ପ୍ରକାର ଉଦ୍ୟମ ବିଫଳ ହୋଇଥିଲା l ଆଜି ସକାଳ ପ୍ରାୟ 5 ଟା ସମୟରେ ଶ୍ରୀ ମଲ୍ଲ ସମସ୍ତଙ୍କୁ ଶୋକ ସାଗରରେ ଭସାଇ ଦେଇ ଆର ପାରି କୁ ଚାଲିଗଲେ l ଡ଼. ଅଜାମ୍ବର ମଲ୍ଲ ଙ୍କ ମୃତ୍ୟୁ ଖବର ପ୍ରଚାରିତ ହେବାପରେ ବଲାଙ୍ଗିର ଓ ଟିଟିଲାଗଡ ର ବୁଦ୍ଧିଜୀବୀ ତଥା ଛାତ୍ରଛାତ୍ରୀ ମହଲରେ ଗଭୀର ଶୋକ ର ଲହରୀ ଖେଳିଯାଇଛି  l
ଜଣେ ଛାତ୍ର ବତ୍ସଳ ଅଧ୍ୟାପକ ଭବରେ ଶ୍ରୀ ମଲ୍ଲ ଜଣାଶୁଣା ଥିଲେ l ତାଙ୍କର ଉଚ୍ଚକୋଟୀର ଅଧ୍ୟାପନା ଶୈଳୀ ଏବଂ ଗୁଢ଼ ବିଷୟବସ୍ତୁ କୁ ମଧ୍ୟ ସରଲ ଭାଷାରେ ଉପସ୍ଥାପନ କରିବାର କଳା ତାଙ୍କୁ ଚିର ଦିନ ଅମର କରି ରଖିଥିବ l
   ସୂଚନାଯୋଗ୍ୟ, ଶ୍ରୀ ମଲ୍ଲ ପ୍ରଥମେ ଭଦ୍ରକ କଲେଜ ରେ ଓଡିଆ  ବିଭାଗର ଅଧ୍ୟାପକ ଭବରେ ନିଜର ବୃତ୍ତିଗତ ଜୀବନ ଆରମ୍ଭ କରିଥିଲେ l ପରବର୍ତ୍ତୀ ସମୟରେ ବଲାଙ୍ଗିର ସରକାରୀ ମହିଳା ମହାବିଦ୍ୟାଳୟ ଓ ରାଜେନ୍ଦ୍ର କଲେଜରେ ଓଡ଼ିଆ ଅଧ୍ୟାପକ ଭବରେ ଛାତ୍ରଛାତ୍ରୀ ମହଲରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି  କରିପାରିଥିଲେ l 2007 ମସିହରେ ଟିଟିଲାଗଡ଼ ଡିଏଭି କଲେଜରେ ଓଡିଆ ବିଭାଗର ପ୍ରାଧ୍ୟାପକ ଭବରେ ସେ ଅବସରଗ୍ରହଣ କରି ସାହିତ୍ୟ ସାଧନାରେ ନିଜକୁ ନିମଗ୍ନ କରିଦେଇଥିଲେ l ଟିଟିଲାଗଡ଼ ଭାଟି ପଡା ରେ ନିଜର ପରିବାର ସହ ଅବସ୍ଥାନ କରୁଥିଲେ ଶ୍ରୀ ମଲ୍ଲ l  ଶ୍ରୀ ମଲ୍ଲ ଙ୍କ ବିୟୋଗ ବଲାଙ୍ଗିର ର ଶିକ୍ଷା କ୍ଷେତ୍ରରେ ଏକ ଅପୂରଣୀୟ କ୍ଷତି ବୋଲି ମତପ୍ରକାଶ ପାଇଛି l ଶ୍ରୀ ମଲ୍ଲ ଜିଲ୍ଲା ଲେଖକ  ପରିଷଦ ର ପ୍ରତିଷ୍ଠାତା ସଭ୍ୟ ରହିବା ସହିତ ଓଡିଶ ସାହିତ୍ୟ ଏକାଡେମୀ ପକ୍ଷରୁ ପୁରସ୍କୃତ ମଧ୍ୟ ହୋଇଥିଲେ l ଟିଟିଲାଗଡ଼ ର ଏକାଧିକ ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ସହ ଜଡିତ ଥିବା ଶ୍ରୀ ମଲ୍ଲ ଙ୍କ ବିଭିନ୍ନ୍ ସଭାସମିତିରେ ଓଜସ୍ଵିନୀ ଭାଷଣ ପ୍ରକୃତରେ ପ୍ରେରଣାଦାୟୀ ଥିଲା l ଶ୍ରୀ ମଲ୍ଲ ଙ୍କ ପରି ଜଣେ ଆଦର୍ଶ ଅଧ୍ୟାପକ ପ୍ରଚଣ୍ଡ ବାଗ୍ମୀ ଆଉ ସର୍ବୋପରି ଜଣେ ଭଲ ମଣିଷ କୁ ଆଜି ବଲାଙ୍ଗିର ଝୁରି ହେଉଛି l ଶ୍ରୀ ମଲ୍ଲ ଙ୍କ ତିନୋଟି ପୁଅ ଓ ଗୋଟିଏ ଝିଅ ରହିଛନ୍ତି l