27-Apr-2021

ବ୍ରହ୍ମପୁର(ପ୍ରେରଣା ଖବର): ଚଟାଣରେ ବସି ଅକ୍ସିଜେନ ନେଉଛନ୍ତି ରୋଗୀ । ବ୍ରହ୍ମପୁର ଏମକେସିଜି ମେଡିକାଲରୁ ସାମ୍ନାକୁ ଆସିଛି ଚିକିତ୍ସାର ବିକଳ ଚିତ୍ର । ଦୀର୍ଘ ସାଢ଼େ 6 ଘଣ୍ଟା ଚଟାଣରେ ବସାଇ ଦିଆଚାଲିଛି ଅକ୍ସିଜେନ । ବ୍ରହ୍ମପୁର ବାସିନ୍ଦା ଏ.ଶ୍ରୀନୁ ଆଚାରି । ଶ୍ରୀନୁଙ୍କ ଦେହ ଅସୁସ୍ଥ ହେବାରୁ ଗତ ଦୁଇ ଦିନ ତଳେ ଏମକେସିଜି ହସ୍ପିଟାଲକୁ ଯାଇଥିଲେ । କୋଭିଡ ଟେଷ୍ଟ ପାଇଁ ସ୍ୱାବ ମଧ୍ୟ ଦେଇଥିଲେ । ଗତକାଲି ପୁଣି ନିଃଶ୍ୱାସ ନେବାରେ କଷ୍ଟ ହେବାରୁ ଶ୍ରୀନୁ MKCG ଯାଇଥିଲେ ।

ମେଡ଼ିକାଲରେ ଶ୍ରୀନୁଙ୍କୁ ଅକ୍ସିଜେନ ଲାଗିଲା କିନ୍ତୁ ବେଡ଼ ମିଳିଲା  ନାହିଁ । ଶ୍ରୀନୁଙ୍କ କହିବା ଅନୁଯାୟୀ, ସକାଳ 10ଟାକୁ ସେ ମେଡିକାଲ ଗଲେ କିଛି ସମୟ ପରେ ତାଙ୍କୁ ଅକ୍ସିଜେନ ଦିଆଗଲା । ହସ୍ପିଟାଲ କର୍ମଚାରୀଙ୍କୁ ବାରମ୍ବାର କହିବା ସତ୍ତ୍ୱେ ଅଧିକ ରୋଗୀ ଥିବା ହେତୁ ବେଡ଼ ମିଳିଲା ନାହିଁ । ତେଣୁ ଚଟାଣରେ ବସି ଚିକିତ୍ସା ହେଉଥିବାର ଭିଡ଼ିଓ ସମ୍ନାକୁ ଆସିଛି । ଏହି ଦୃଶ୍ୟ ହିଁ ବୟାନ କରୁଛି କୋଭିଡ ପାଇଁ କେତେ ପ୍ରସ୍ତୁତ ରାଜ୍ୟ ସରକାର ।