27-Apr-2021

କଣ୍ଟାବାଞ୍ଜି (ପ୍ରେରଣା ଖବର) ବଲାଙ୍ଗୀର ଜିଲ୍ଲାର ତୁରେକେଲା ବ୍ଳକ ଏକ ମେଲେରିଆ ପ୍ରବଣ ବ୍ଳକ କହିଲେ ଅତ୍ୟୁକ୍ତି ହେବ ନାହିଁ।ବର୍ଷ ତମାମ ପ୍ରତ୍ୟେକ ଗ୍ରାମରେ ଶହସ୍ରାଧିକ ଲୋକ ମେଲେରିଆ ଜ୍ୱରରେ ଆକ୍ରାନ୍ତ ହୋଇଥାନ୍ତି।ସରକାରଙ୍କ ତରଫରୁ ବିଭିନ୍ନ ଯୋଜନା କାର୍ଯ୍ୟକାରୀ ହେଉଥିଲେ ମଧ୍ୟ ଜନ ସଚେତନତା ଅଭାବ ଯୋଗୁଁ ମେଲେରିଆ ର ସମୂଳ ନାଶ ହୋଇପାରି ନାହିଁ।ଆଜି ବିଶ୍ୱ ମେଲେରିଆ ଦିବସ ଅବସରରେ ଚଟୁଅନକା ଗ୍ରାମ ପଞ୍ଚାୟତର ମାଝିପଡା ପ୍ରାଥମିକ ବିଦ୍ୟାଳୟର ପ୍ରଧାନଶିକ୍ଷକ ପ୍ରକୃତିବନ୍ଧୁ ତଥା ଜୁନିୟର ରେଡକ୍ରସ ପରାମର୍ଶ ଦାତା ଶ୍ରୀ ବିରଞ୍ଚି ନାରାୟଣ ଦାଶଙ୍କ ନେତୃତ୍ବରେ ଶିକ୍ଷକ କିଶୋର ବରିହା ଓ ଶିକ୍ଷୟିତ୍ରୀ ଦେବକୀ ତାଣ୍ଡି ଗାଁରେ ବୁଲି ବୁଲି ଭ୍ରାମ୍ୟମାଣ ଜନ ସଚେତନତା ସଭା ମାନ କରି ମେଲେରିଆ ଜ୍ୱର ଉପରେ ଜନ ସାଧାରଣଙ୍କୁ ସଚେନତାର ବାର୍ତ୍ତା ଦେଇଥିଲେ।ବର୍ତ୍ତମାନ କରୋନାର ଦ୍ୱିତୀୟ ଲହରର ପ୍ରକୋପରୁ କିପରି ନିଜକୁ ଦୂରେଇ ରଖିବେ ଓ କରୋନା ଟିକା ନେଇ ସୁସ୍ଥ ରହିବେ ତାରି ଉପରେ ଆଲୋକପାତ କରିଥିଲେ।ସମସ୍ତେ ମାସ୍କ ପରିଧାନ କରିବା ସହିତ ସାମାଜିକ ଦୂରତା ବଜାୟ ରଖିବାକୁ ପରାମର୍ଶ ଦେଇଥିଲେ।ଅଯଥା ବାହାରେ ନବୁଲି ଘରେ ରୁହନ୍ତୁ ସୁସ୍ଥ ରୁହନ୍ତୁ ର ବାର୍ତ୍ତା ଦେବା ସହିତ ମାସ୍କ ବଣ୍ଟନ କରିଥିଲେ।