19-Oct-2020

ବଲାଙ୍ଗିର: ୧୯.୧୦(ସନ୍ତୋଷ ଠାକୁର)- ଆଜି ଓଡିଶାର ପ୍ରାଥମିକ ବିଦ୍ୟାଳୟ ବନ୍ଦ ଏବଂ ମିଶ୍ରଣ ବିରୁଦ୍ଧରେ ଓଡିଶା ବନ୍ଦ ବଲାଙ୍ଗିର ଜିଲ୍ଲାର ପାଟଣାଗଡ ଓ ଆଗଲପୁର ବ୍ଲକରେ ସଫଳ ରହିଛି । ଝଡଟୁପାଲି ଅଭିଭାବକ ଏବଂ ଗ୍ରାମବାସୀ ପାଟଣାଗଡ ଉପଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ସ୍କୁଲ ବନ୍ଦ କରିବା ବିରୁଦ୍ଧରେ ର‌୍ୟାଲି ସହ ବିକ୍ଷୋଭ କରି ଦୋକାନ ବଜାର ଓ ଅଫିସ ଗୁଡିକ ବନ୍ଦକରିଛନ୍ତି । ସେହିଭଳି ଖଲିଆପାଲି ପ୍ରାଥମିକ ବିଦ୍ୟାଳୟ ଅଭିଭାବକ ଓ ଗ୍ରାମବାସୀ ଆଗଲପୁର ବ୍ଲକରେ ବିକ୍ଷୋଭ ପ୍ରଦର୍ଶନ କରି ଦୋକାନ ବଜାର ବନ୍ଦ କରିଛନ୍ତି ।  ସଇଁନ୍ତଳା  ବ୍ଲକରେ ସିନାଖମନ ପ୍ରାଥମିକ ବିଦ୍ୟାଳୟ,  ଦେଓଗାଁ ବ୍ଲକରେ ଚିପାକାନୀ ପ୍ରାଥମିକ ବିଦ୍ୟାଳୟ, ଲୋଇସିଂହା ବ୍ଲକରେ ଜଟିପାଲି ପ୍ରାଥମିକ ବିଦ୍ୟାଳୟ ଅଭିଭାବକ ଏବଂ ଗ୍ରାମବାସୀ ବିଡିଓଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବୀପତ୍ର ପ୍ରଦାନ କରିଛନ୍ତି ।  ସର୍ବ ଶିକ୍ଷା ଅଭିଯାନ ତଥା ମୁକ୍ତ ଓ ବାଧ୍ୟତାମୂଳକ ସମ୍ବିଧାନିକ ମୌଳିକ ଶିକ୍ଷା ଅଧିକାର ବିରୁଦ୍ଧରେ ପ୍ରାଥମିକ ଏବଂ ଉଚ୍ଚ ପ୍ରାଥମିକ ବିଦ୍ୟାଳୟ ମିଶ୍ରଣ ନାମରେ ବଲାଙ୍ଗିର ଜିଲ୍ଲାର ୨୯୬ ବିଦ୍ୟାଳୟ ସମେତ ବୌଦ୍ଧ, ନବରଙ୍ଗପୁର, ଗଜପତି, ବରଗଡ, ଢେଙ୍କାନାଳ ଜିଲ୍ଲର ହଜାର ହଜାର ବିଦ୍ୟାଳୟଗୁଡିକୁ ବନ୍ଦ କରିବାକୁ ଗଣ ଏବଂ ସ୍କୁଲ ଶିକ୍ଷା ବିଭାଗ ନିଷ୍ପତି ନେଇଥିବା ବିରୁଦ୍ଧରେ  ବଲାଙ୍ଗିର ସମେତ ଜିଲ୍ଲାର ବିଭିନ୍ନ ବ୍ଲକ ତଥା ଗାଁ ମାନଙ୍କରେ ଅଭିଭାବକ ବନ୍ଦ ଡାକରାକୁ ସଫଳ କରାଇଛନ୍ତି । ଭାରତ ସରକାରଙ୍କ ନୀତି ଆୟୋଗଙ୍କ ନିର୍ଦ୍ଦେଶରେ ବିଦ୍ୟାଳୟର ମିଶ୍ରଣ କାର୍ଯ୍ୟକ୍ରମ ରେ ଓଡିଶାର ଗ୍ରାମୀଣ ଏବଂ ସ୍ଥାନୀୟ ବିଦ୍ୟାଳୟ ବନ୍ଦ ହୋଇଯାଉଛି । ପ୍ରଥମ କ୍ଲାସ ରୁ ୫ମ ପର୍ଯ୍ୟନ୍ତ କୁନୀ କୁନୀ ଛାତ୍ର ଛାତ୍ରୀ ଅନ୍ୟ ଗାଁ ସ୍କୁଲକୁ ଯାଇ ପାରିବେ ନାହିଁ । ବିଶେଷତଃ ଗାଁ ଲୋକେ ଚାଷୀ, ମୂଳିଆ ଓ ଶ୍ରମିକ ଶ୍ରେଣୀର ହୋଇଥିବାରୁ ନିଜ ଛୋଟ ପିଲାଙ୍କୁ ଅନ୍ୟତ୍ର ଗାଁକୁ ନେବା ଆଣିବା ପାଇଁ ବହୁ ଅସୁବିଧା ହେବ । ଯାହାଦ୍ୱାରା ଛାତ୍ର ଛାତ୍ରୀ ଶିକ୍ଷାର ମୌଳିକ ଅଧିକାର ରୁ ବଂଚିତ ହୋଇ ରହିଯିବେ । ଓଡିଶା ସରକାରଙ୍କ ଘୋଷିତ ଯାତାୟତ ଖର୍ଚ୍ଚ ବାବଦକୁ ୫୦୦ଟଙ୍କାର କୌଣସି ମୂଲ୍ୟ ନାହିଁ ।  ନିଜ ଗାଁ ରୁ ଅନ୍ୟ ଗାଁ ସ୍କୁଲ ର ଦୂରତା ୨-୫ କି.ମି ରାସ୍ତାଜନିତ ଆପଦ ଯେପରି ପଶୁ ଆକ୍ରମଣ (ଗାଇ-ଗୋରୁ, ଭାଲୁ, ବାଘ, ଗଧିଆ, ମାଙ୍କଡ) ଛୁଆଚୋର ସହ ରସ୍ତାଜନିତ ଦୂର୍ଘଟଣା ଭଳି ବିପଦସଙ୍କୁଳ ଅଟେ । ଦୀର୍ଘ ବର୍ଷ ବର୍ଷ ଧରି ନିଜ ଗାଁ ର ଚାଟଶାଳି କୁ ବନ୍ଦ କରିବା ତଥା ସେହି ସ୍ଥାନରେ ଘରୋଇ ବିଦ୍ୟାଳୟର ସ୍ଥାପନାକୁ ପ୍ରୋତ୍ସ୍ନାହନ ଦେବା ଗରୀବ ଶ୍ରେଣୀର ଜନ ସାଧାରଣଙ୍କ ପିଲାଙ୍କର ନୀତି ଓଡିଶା/ଭାରତ ସରକାର ବନାଇଛନ୍ତି । ଆଜିର ଓଡିଶା ବନ୍ଦ କାର୍ଯ୍ୟକ୍ରମରେ  ଭିଲେଜର୍ସ ଇଣ୍ଡିଆ ପାର୍ଟି ଓଡିଶା କନିଷ୍ଠ ଆଶାୟୀ ଶିକ୍ଷକ ସଂଘ, ଓଡିଶା ପ୍ରାଥମିକ ବିଦ୍ୟାଳୟ ବଂଚାଅ ସମିତି, ରାଷ୍ଟ୍ରପିତା ମହାତ୍ମା ଗାନ୍ଧୀଙ୍କ ପ୍ରତିମୂର୍ତ୍ତିରେ ଧାରଣା ଏବଂ ବଲାଙ୍ଗିର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରିଛନ୍ତି । ଆସନ୍ତା ଶିଶୁ ଦିବସ, ୧୪ ନଭେମ୍ବର ,୨୦୨୦ ଠାରୁ ଉକ୍ତ ସଂଗଠନ ସହ ଭିଲେଜର୍ସ ଇଣ୍ଡିଆ ପାର୍ଟି ଦ୍ୱାରା ଗାନ୍ଧୀ-ନେହେରୁ-ମଧୁସୂଦନ ଓଡିଶା ପ୍ରାଥମିକ ବଂଚାଅ ପଦଯାତ୍ରା ଆରମ୍ଭକରି ପ୍ରତ୍ୟେକ ବନ୍ଦ ହେବାକୁ ଥିବା ୩୦ଗୋଟି ଜିଲ୍ଲାର ପ୍ରାଥମିକ ବିଦ୍ୟାଳୟ ଗୁଡିକୁ ପଦଯାତ୍ର ପହଂଚାଇ ଭୁବନେଶ୍ୱର ରାଜଧାନୀରେ ପ୍ରାଥମିକ ବିଦ୍ୟାଳୟ ବଂଚାଅ ତଥା ବିଦ୍ୟାଳୟ ବନ୍ଦ କରିବା ନିଷ୍ପତି କୁ ଫେରେଇନେବା ପାଇଁ ଏକ ବିରାଟ ର‌୍ୟାଲିର ନିଷ୍ପତି ନିଆଯାଇଛି ।