18-Oct-2020

ଖପ୍ରାଖୋଲ (ଗୋରେଖନାଥ ବରିହା) ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଳକ ଚଙ୍ଗରିଆ ପଞ୍ଚାୟତ ର ଆଦିବାସୀ କଲ୍ୟାଣ ସଂଘ ପକ୍ଷରୁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ସଂଘ ର ସଭାପତି ବିଭିଷଣ ବରିହା ଙ୍କ ଅଧ୍ୟକ୍ଷତାରେ ହୋଇଯାଇଛି । ଏଥିରେ ଗ୍ରାମାଞ୍ଚଳ ଗୁଡ଼ିକ ରେ ଆଦିବାସୀ ମାନେ ଅନେକ ସରକାରୀ ସହାୟତାରୁ ବଂଚିତ ହେଉଥିବା , ବିଧବା ଭତ୍ତା ,ଜନ ମଙ୍ଗଳ ଯୋଜନା ସହାୟତା , ପ୍ରଧାନମନ୍ତ୍ରୀ ଆବାସ, ମୋବଗିଚା , ଗାଈ ଗୁହାଳ ଆଦି ଯୋଜନାରେ ସାମିଲ ହୋଇ କିପରି ଲାଭ ଉଠେଇପାରିବା ସେନେଇ ଆଲୋଚନା କରାଯିବା ସହ ଉପସ୍ଥିତ ସରପଞ୍ଚ ଓ ସମିତି ସଭ୍ୟାଙ୍କୁ ସଂଘ ପକ୍ଷରୁ ଦୃଷ୍ଟି ଆକର୍ଷଣ କରାଯାଇଥିଲା । ବର୍ତମାନ କରୋନା ବିପତ୍ତି ମୁକାବିଲା ପାଇଁ ସରକାର ଲକ୍ ଡାଉନ୍ ସଟଡାଉନ ରେ ସ୍କୁଲ କଲେଜ , କନ୍ୟାଶ୍ରମ ସେବାଶ୍ରମ ଗୁଡିକବନ୍ଦ ରହୁଥିବା ଯୋଗୁଁ ପିଲାମାନଙ୍କୁ ଘର ପାଠପଢିବା ଯତ୍ନବାନ ହେବାକୁ ଅନୁରୋଧ କରାଯାଇଥିଲା। ଚଙ୍ଗରିଆରେ ସ୍ଥାପିତ କନ୍ୟାଶ୍ରମ କୁ ହାଇସ୍କୁଲ କରିବାକୁ ବିଭାଗ ଅଧିକାରୀ ଙ୍କ ଦୃଷ୍ଟି ଆକର୍ଷଣ କରିବା କୁ ନିଷ୍ପତ୍ତି ନିଆଯାଇଥିଲା। ହାଇସ୍କୁଲ ନିର୍ମାଣ ପାଇଁ ସରକାରୀ ଜମି ରହିଥିବା ହେତୁ ବିଭାଗିୟ ଅଧିକାରୀ ତୁରନ୍ତ ଜମି ଚିହ୍ନଟ କରି ଆବଶ୍ୟକ ପଦକ୍ଷେପ ନେବାକୁ ଆଦିବାସୀ କଲ୍ୟାଣ ସଂଘ ପକ୍ଷରୁ ଦାବି କରାଯାଇଛି।। କରୋନା କଟକଣା ହେତୁ ସମସ୍ତେ ମାସ୍କ ପିନ୍ଧି ସାମାଜିକ ଦୂରତା ରକ୍ଷା କରିଥିଲେ । ସଂଘ ର ଏକ ବୈଠକ ଗୃହ ନିର୍ମାଣ ପାଇଁ ନିଷ୍ପତ୍ତି ନିଆଯାଇଥିଲା । ଦୁନ୍ଦେଲ ଗ୍ରାମ ର ଗୈାନ୍ତିଆ ପ୍ରମୋଦ କୁମାର ବଡକା ୫ ଡିସିମିଲ ଜମି ସଂଘ କୁ ଦାନ ଦେବା କୁ ମତ ଦେଇଥିଲେ । ଆସନ୍ତା ତା ୨୫.୧୦ ରେ ସଂଘ ର ସଭା ଗୃହ ନିର୍ମାଣ ପାଇଁ ଗୈାନ୍ତିଆ ପ୍ରମୋଦ କୁମାର ବଡକା ଙ୍କ ଦାନ ଦେବା କୁ ଥିବା ଜମି ରେ ବିଜୟା ଦଶମୀ ଦିନ ଭୂମି ପୂଜା କରିବା କୁ ନିଷ୍ପତ୍ତି ନିଆଯାଇଥିଲା। ଏଥିରେ ଜଗନ୍ନାଥ ଧରୁଆ , ପ୍ରମୋଦ ଧରୁଆ,ଗଜିନ୍ଦ୍ର ବର୍ଗେ , କୁରେଶ୍ଵର ବରିହା, ଭଗବାନ ଧରୁଆ ,ବିଦ୍ୟା ବରିହା , ପ୍ରମୋଦ କୁମାର ବଡକା , ବଂଶିଧର ବୁଡ଼େକ ,ଦୁତିବାହାନ ଧରୁଆ , ଶ୍ରୀବତ୍ସ ଧରୁଆ ,ବେଲାରସେନ ବନଗୁଲା , ଥବିର ଧରୁଆ , ନରେନ୍ଦ୍ର ବରିହା ବଲଭଦ୍ର ଧରୁଆ , ବିନୋଦ ରାୟ , ପ୍ରେମରାଜ ଧରୁଆ ,ରାଜ ଧରୁଆ ପ୍ରମୁଖ ଉପସ୍ଥିତ ଥିଲେ ।ସଂଘ ସଂପାଦକ ଗୋରେଖନାଥ ବରିହା ସଭାପରିଚାଲନା କରିଥିବା ବେଳେ ଜଗନ୍ନାଥ ଧରୁଆ ଧନ୍ୟବାଦ ଅର୍ପଣ କରିଥିଲେ ।