07-Apr-2021

ବଲାଙ୍ଗିର,(ସନ୍ତୋଷ କୁମାର ଠାକୁର)- ବଲାଙ୍ଗୀର ସଦର ବ୍ଲକ ଚନ୍ଦନଭାଟି ଗାଁ ଛବି ପଟେଲ ପ୍ରଧାନମନ୍ତ୍ରୀ ଆବାସ ଯୋଜନାରେ ସମିଲ ହୋଇଥିଲେ । ଗତ ଜାନୁୟାରୀ ମାସରେ ତାଙ୍କ ଘରକୁ ଜିଓଟେକ୍ କର୍ମଚାରୀ ମାନେ ଆସି କାଗଜପତ୍ର ଭେରିଫିକେସନ୍ କରିଥିଲେ । ତେବେ ସେମାନେ ଘର ଭାଙ୍ଗୀ ନିହ ଖୋଳିବା ପାଇଁ ଛବିକୁ କହିବା ପରେ ସରକାରୀ ଟଙ୍କା ମିଳିଲେ ନୂତନ ଘର ନିର୍ମାଣ ଆଶାରେ ପୁରୁଣା ଘରକୁ ଭାଙ୍ଗି ଦେଇଥିଲେ । ତେବେ ଆଜି ପର୍ଯ୍ୟନ୍ତ ଛବି ପଟେଲଙ୍କୁ ଆବାସ ଯୋଜନା ବାବଦକୁ ଅର୍ଥ ମିଳିପାରି ନାହିଁ । ଦିନ ମଜୁରିଆ କାମ କରୁଥିବା ଛବି ଅର୍ଥ ଅଭାବରୁ ନିଜ ଭାଙ୍ଗିଯାଇଥିବା ଘରକୁ ସଳଖାଇ ମଧ୍ୟ ପାରୁନଥିବା ବେଳେ ଖରା, ବର୍ଷା ଓ ଶୀତରେ ଖୋଲା ଆକାଶ ତଳେ ରହୁଛନ୍ତି । ଏପରିକି ଛବି ଆବାସ ଯୋଜନା କରାଇ ଦେବା ପାଇଁ ଜିଓଟେକ୍ କର୍ମଚାରୀଙ୍କ ୫ଶହ ଟଙ୍କା ଓ ବ୍ଲକ କର୍ମଚାରୀ ମାନଙ୍କୁ ୫ହଜାର ଟଙ୍କା ହାତଗୁଞ୍ଜାଦେଇ ସାରିଛନ୍ତି । ଦୀର୍ଘ ୪ ମାସ ହେଲା ବ୍ଲକ ଓ ପଂଚାୟତକୁ ଦୌଡି ଦୌଡି ହିତାଧିକାରୀ ଜଣକ ନୟାନ୍ତ ହୋଇଗଲେଣି ।  ଏବେ ବିଚରା ଛବି ଅବାସ ଯୋଜନାରେ ଘର ଖଣ୍ଡିଏ କେବେ ମିଳିବ, ତାହାକୁ ଚାତକ ପରି ଚାହିଁ ବସିଛନ୍ତି ।