06-Apr-2021

ଟିଟିଲାଗଡ଼ (ପ୍ରେରଣା ଖବର) :ଟିଟିଲାଗଡ ଜିଲ୍ଲା କ୍ରିୟାନୁଷ୍ଠାନ କମିଟି ତରଫରୁ ଦୀର୍ଘ ଦିନ ଧରି ହୋଇ ଆସୁଥିବା ଜିଲ୍ଲା ମାନ୍ୟତା ପ୍ରଦାନ ଦାବି ନେଇ କେବଳ ପ୍ରତିଶ୍ରୁତି ରେ ସୀମିତ ରହିଥିବା ବେଳେ ଏହି ଜିଲ୍ଲା ମାନ୍ୟତା ନେଇ ଶାସକ ଦଳର ଆନ୍ତରିକତା ର ଅଭାଵ ରହିଥିବା ନେଇ ସାଧାରଣ ରେ ଅସନ୍ତୋଷ ପ୍ରକାଶ ପାଇଆସୁଛି । ଏ ନେଇ ଆଇନ ଅନୁଯାୟୀ ସହର ର ବିଭିନ୍ନ ସ୍ଥାନରେ ଜିଲ୍ଲା ମାନ୍ୟତା ପ୍ରଦାନ ଦାବି ପୂରଣ ନେଇ ଲାଗିଥିବା ହୋଡିଂ ମାନ ଚିରିଥିବା ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ସୂଚନାଯୋଗ୍ୟ ଯେ, ଟିଟିଲାଗଡ ରେଳ ଓଭର ବ୍ରିଜ ନିର୍ମିତ ହୋଇ ସାରିଥିବା ବେଳେ ସାଧାରଣ ରେ ପ୍ରତୀକ୍ଷିତ ଏହି ବ୍ରିଜ କୁ ଆସନ୍ତା ୯ ତାରିଖରେ ଉଦଘାଟନ କରିବା ନେଇ ବେଶ ତତ୍ପରତା ପ୍ରକାଶ ପାଇଛି । ତେବେ ସ୍ଥାନୀୟ ବିଧାୟିକା ଓ ମୁଖ୍ୟମନ୍ତ୍ରୀ ଏହି ଉଦଘାଟନ ରେ ଯୋଗ ଦେବେ ନା ନାହିଁ ସେ ନେଇ କୌଣସି ସ୍ପଷ୍ଟ ସୂଚନା ମିଳି ପାରିନାହିଁ । ସେହିପରି  କୋଭିଡ କଟକଣା ସତ୍ୱେ ଇତି ମଧ୍ୟରେ ନୂଆପଡା ଜିଲ୍ଲା ପରି ଟିଟିଲାଗଡ ଆସିବେ ନା ନାହିଁ ତାହା ସୂଚନା ମିଳିପାରି ନାହିଁ । ଏହି ଉଦଘାଟନ କୁ ସାଧାରଣ ଅପେକ୍ଷା ରେ ଥିବା ବେଳେ ପ୍ରମୁଖ ଜିଲ୍ଲା ମାନ୍ୟତା ଦାବି ପ୍ରଦାନ ନେଇ ସହର ର ବିଭିନ୍ନ ସ୍ଥାନରେ ଲାଗିଥିବା ସମସ୍ତ ହୋଡିଙ୍ଗ କୁ ଚିରିଦେଇ ଥିବା ଓ ଉକ୍ତ ବ୍ରିଜ ଆଳରେ ଉକ୍ତ ଦାବି କୁ ଚପେଇଦେବା ର ହୀନ ପ୍ରୟାସ କରାଯାଉଛି ବୋଲି ଜିଲ୍ଲା କ୍ରିୟାନୁଷ୍ଠାନ କମିଟି ତରଫରୁ ତୀଵ୍ର ଅସନ୍ତୋଷ ପ୍ରକାଶ ପାଇଛି । ଆଇନ ଅନୁଯାୟୀ ମତ ପ୍ରକାଶ ସମସ୍ତ ଙ୍କ ର ଅଧିକାର ହୋଇଥିବା ବେଳେ ଉକ୍ତ ବ୍ରିଜ ଆରମ୍ଭ ବା ଉଦଘାଟନ ହେବାକୁ ଥିବା ଛକ ନିକଟରେ ଲାଗିଥିବା ହୋଡିଙ୍ଗ ଚିରିଥିବା ନେଇ କୁତ୍ସିତ ରାଜନୀତି ବୋଲି ପ୍ରକାଶ ପାଇଛି । ଜିଲ୍ଲା କ୍ରିୟାନୁଷ୍ଠାନ କମିଟିର ଏହି ହୋଡିଙ୍ଗ ଚିରିଥିବା ଅଭିଯୁକ୍ତ ମାନଙ୍କ ବିରୁଦ୍ଧରେ ଆଇନ ଅନୁଯାୟୀ ଦୃଢ଼ କାର୍ଯ୍ୟାନୁଷ୍ଠାନ ନିମନ୍ତେ ଦାବି ପ୍ରକାଶ ପାଇଛି ।