05-Apr-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ସହିଦ ଯବାନଙ୍କ ଆତ୍ମାର ଶାନ୍ତି ଓ ସତଗତି ନିମନ୍ତେ ପଶ୍ଚିମାଞ୍ଚଳ ଏକତା ମଞ୍ଚ ବଲାଙ୍ଗିର ଜିଲ୍ଲା ପକ୍ଷରୁ ଏକ ଶ୍ରଦ୍ଧାଞ୍ଜଳି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସୂଚନା ଅନୁଯାୟୀ ଛତିଶଗଡ଼ର ସୁକମାରେ ସୁରକ୍ଷାକର୍ମୀ ଓ ମାଓବାଦୀ ଗୁଳି ବିନିମୟ ବେଳେ ମାଓବାଦୀଙ୍କ ସହ ଲଢ଼ି ୨୨ ଜଣ ଯବାନ ସହିଦ ହୋଇଛନ୍ତି । ଆଜି ସ୍ଥାନୀୟ ଭୀମ ଭୋଇ ମେଡିକାଲ୍ ଛକ ଠାରେ ମଞ୍ଚର ସଦସ୍ୟ ମାନେ ସନ୍ଧ୍ୟାରେ ଏକତ୍ରିତ ହୋଇ ଦୀପ ପ୍ରଜ୍ବଳନ କରି ପୁଷ୍ପଗୁଚ୍ଛ ଦେଇ ଥିଲେ । ପରେ ବୀର ଶହୀଦ ଯବାନଙ୍କ ଆତ୍ମାର ଶାନ୍ତି ଓ ସତଗତି ପାଇଁ ନିରବ ପ୍ରାର୍ଥନା କରିଥିଲେ ।

        ମଞ୍ଚର ବଲାଙ୍ଗିର ଶାଖା ସଂଯୋଜକ ଅଜୟ ନାଗଙ୍କ ନେତୃତ୍ୱରେ ହୋଇଥିବା ଆଜିର କାର୍ଯ୍ୟକ୍ରମରେ ରାମନାରାୟଣ ଦାସ, ଜୟଦେବ ଜାଲ୍, ସନ୍ତୋଷ କର୍ମୀ,,ରବି ଖମାରି,ସୁମେସ୍ ଡାଂଗ,ସୁରେଶ କମ୍ପ,ଇସ୍ରାଏଲ୍ ଛତ୍ରିଆ, ରାଜା ମିଶ୍ର, ଦିଗାମ୍ବର ବନଛୋର୍,ମୁନା ନାଗ, ସନ୍ତୋଷ ଠାକୁର ପ୍ରମୁଖ ଉପସ୍ଥିତ ଥିଲେ ।