01-Apr-2021

ଭଞ୍ଜନଗର (ପ୍ରେରଣା ଖବର ବ୍ୟୁରୋ) : ସାତ ଜନମକୁ ସାକ୍ଷୀ ରଖି ଧରିଥିଲା ହାତ । ଆଉ ଏବେ ସେହି ହାତରେ ନେଇଗଲା ସ୍ତ୍ରୀର ଜୀବନ । ସ୍ତ୍ରୀକୁ ତଣ୍ଟି ଚିପି ସ୍ୱାମୀ ହତ୍ୟା କରିଥିବାର ଅଭିଯୋଗ ଆସିଛି । ତାହା ପୁଣି ଗଞ୍ଜାମ ଜିଲ୍ଲା ସୋରଡ଼ା ଥାନା ସୋରିଷବିଲି ଗାଁର ଘଟଣା ଏପରି ଅଭାବନୀୟ ଘଟଣା ।

ଖବର ଅନୁଯାୟୀ, ବଡ଼ଗଡ଼ ଗାଁର ରିଙ୍କି ସ୍ୱାଇଁଙ୍କ ସୋରିଷବିଲି ଗାଁର ଧରିନ୍ଦ୍ର ସ୍ୱାଇଁଙ୍କୁ ବିବାହ କରିଥିଲେ । ବିବାହକୁ ପ୍ରାୟ ଦେଢ ବର୍ଷ ବିତିଯାଇଥିଲେ ମଧ୍ୟ ସ୍ୱାମୀ ଓ ସ୍ତ୍ରୀ ମଧ୍ୟରେ ପ୍ରତିଦିନ ଝଗଡ଼ା ଲାଗିରହୁଥିଲା । ପାରିବାରିକ ସମସ୍ୟ ନେଇ କଳହ ଲାଗି ରହିଥିଲା । ଯାହାର ପରିଣତି ବୁଧବାର ବିଳମ୍ବିତ ରାତିରେ ଘଟିଛି ।

ବିଳମ୍ବିତ ରାତିରେ ଉଭୟଙ୍କ ମଧ୍ୟରେ କଳହ ଲାଗିଥିଲା । ଶେଷରେ ସ୍ୱାମୀ ନିଜ ସ୍ତ୍ରୀର ତଣ୍ଟି ଚିପି ହତ୍ୟା କରିଦେଇଛି ବୋଲି ଝିଅର ପରିବାର ଲୋକେ ଅଭିଯୋଗ କରିଛନ୍ତି । ଏନେଇ ଥାନାରେ ଏତଲା ମଧ୍ୟ କରାଯାଇଛି । ଅଭିଯୋଗ ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଂ ପଠାଇଛି । ସେପଟେ ପୋଲିସ ମୃତକଙ୍କ ସ୍ୱାମୀଙ୍କୁ ଥାନାରେ ଅଟକ ରଖି ତଦନ୍ତ ଜାରି ରଖିଛି ।