01-Apr-2021

ବଲାଙ୍ଗିର (ପ୍ରେରଣା ଖବର) : ବଲାଙ୍ଗିର ଜିଲ୍ଲା ପୁଇଁତଳା ବ୍ଳକ ଅନ୍ତର୍ଗତ ବିଚ୍ଛୁ ପାଳି ଠାରେ ସରକାରଙ୍କ ପ୍ରସ୍ତାବିତ ଟୋଲ ଗେଟ ଫିଜ ଆଦାୟକୁ ବିରୋଧ କରାଯାଇଛି l ଜିଲ୍ଲା ଘରୋଇ ବସ ମାଲିକ ସଂଘ ପକ୍ଷରୁ ଅନୁଷ୍ଠିତ ଏହି ବିକ୍ଷୋଭ ସଭାରେ ଜିଲ୍ଲାର ଶତାଧିକ ସାମାଜିକ ଓ ରାଜନୈତିକ ଅନୁଷ୍ଠାନ ର କର୍ମକର୍ତ୍ତା ମାନେ ସାମିଲ ହୋଇଥିଲେ l ଆଜିର ଏହି ବିକ୍ଷୋଭ

ସଭା ଓ ଆନ୍ଦୋଳନ    ଯୋଗୁଁ ବଲାଙ୍ଗିର - ସୋନପୁର ରାସ୍ତାରେ ଶହ ଶହ ଗାଡି ମୋଟର ଅଟକି ରହିଥିଲା l ଟୋଲ ଗେଟ ଇଉଜରସ୍ ଏସୋସିଏସନ୍ ଆନୁକୁଲ୍ୟରେ ଅନୁଷ୍ଠିତ ଏହି ଧାରଣା ଓ ବିକ୍ଷୋଭ ସମାବେଶ ରେ ଜିଲ୍ଲା ଓକିଲ ସଂଘ ନେତୃତ୍ୱ ନେଇଛି l ଆଜିର ଏହି ସମାବେଶରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ଘରୋଇ ବସ ମାଲିକ ସଂଘ ର ସଭାପତି ହେମନ୍ତ ପଣ୍ଡା, ସଂଘ ର ଅନ୍ୟ କର୍ମକର୍ତ୍ତା, ଜିଲ୍ଲା ଓକିଲ ସଂଘ ର ସଭାପତି ପ୍ରବିଣ ମିଶ୍ର, ପ୍ରତାପ ରଥ, ମନୋରଞ୍ଜନ ସାହୁ, ଜୟରାମ ମିଶ୍ର, ବିନୋଦ କାଲସାଏ, ଜିଲ୍ଲା ଟ୍ରକ ମାଲିକ ସଂଘ ର କର୍ମକର୍ତ୍ତା ଓ ଅନ୍ୟ କର୍ମକର୍ତ୍ତା ମାନେ ସାମିଲ ହୋଇଥିଲେ l ପରେ ସାମାଜିକ ଅନୁଷ୍ଠାନ ବିଙ୍ଗ୍ ହ୍ୟୁମାନ୍ ର ସଭ୍ୟ ମାନେ ଆନ୍ଦୋଳନରେ ସାମିଲ ହୋଇ ଆନ୍ଦୋଳକୁ ଆହୁରି ଜୋରଦାର୍ କରାଯିବ ବୋଲି ଚେତାବନୀ ଦେଇଛନ୍ତି l ଆଜିର ଏହି ଆନ୍ଦୋଳନ କୁ ବିଜେଡି ଓ କଂଗ୍ରେସ ସମର୍ଥନ କରିଛନ୍ତି l