18-Oct-2020

 ସମ୍ବଲପୁର,18/10(ସଞ୍ଜିବ ପାଣିଗ୍ରାହୀ ଙ୍କ ରିପୋର୍ଟ): ପବିତ୍ର ଶାରଦୀୟ ନବରାତ୍ରୀ ପୂଜା ରେ ଚଳିତ ବର୍ଷ  ଓଡିଶା ସରକାର ଙ୍କ ଦ୍ଵାରା ଜାରି କରାଯାଇଥିବା ନିର୍ଦ୍ଦେଶାବଳୀ ରେ ପୂଜା ଓ ଉତ୍ସବ ପାଇଁ ଉଲ୍ଲେଖ କରାଯାଇଛି ବିଭିନ୍ନ ନିୟମାବଳୀ ଓ ସର୍ତ୍ତାବଳୀ । କରୋନା ସଂକ୍ରମଣ କୁ ରୋକିବା ଓ ରୋଗ ର ଭୟାବହାତା କୁ ଆଖି ଆଗରେ ରଖି ସରକାର ଙ୍କ ଦ୍ଵାରା ଜାରି କାରାଯାଇଥିବା ସର୍ତ୍ତାବଳୀ କୁ ବିଭିନ୍ନ ମନ୍ଦିର କମିଟି ଓ ମଣ୍ଡପ ପୂଜା ଆୟୋଜକ ରାଜି ଥିଲେ ମଧ୍ୟ ଗୋଟିଏ ସର୍ତ୍ତ ଉପରେ ଦୁଃଖିତ ମର୍ମାହତ ଓ ଚିନ୍ତିତ l ଓଡିଶା ସରକାର ଙ୍କ ଦ୍ଵାରା ଜାରି କରାଯାଇଥିବା ସରକାରୀ ନିର୍ଦ୍ଦେଶାନାମାରେ ଉଲ୍ଲେଖିତ ସର୍ତ୍ତାବଳୀ ରେ ମନ୍ଦିର ଓ ପୂଜା ମଣ୍ଡପ ଗୁଡିକରେ ସଙ୍ଗୀତ ଓ ମନୋରଞ୍ଜନ କାର୍ଯ୍ୟକ୍ରମ ପାଇଁ ବାରଣ କରାଯାଇଛି । କିନ୍ତୁ ସ୍ଥାନୀୟ ପ୍ରଶାସନ ପାରମ୍ପରିକ ବାଦ୍ୟ ପରିବେଷଣ ପାଇଁ ମଧ୍ୟ ବାରଣ କରାଯାଇଛି ବୋଲି ମତବ୍ୟକ୍ତ କରିଛନ୍ତି ଓ ଅନୁମତି ଦେବାକୁ ମନା କରୁଛନ୍ତି । ଏହାକୁ ନେଇ ବହୁ ମନ୍ଦିର କମିଟି ଓ ଆୟୋଜକ ବିରୋଧ ର ସ୍ୱର ଉତ୍ତୋଳନ କରିଛନ୍ତି । ଏଭଳି କିଛି ଅଭିଯୋଗ ପାଇଲା ପରେ ସମ୍ବଲପୁର ବିଜେପି ଜିଲ୍ଲା ସଭାପତି ଗିରିଶ ପଟେଲ ପ୍ରସାନିକ ଅଧିକାରୀ ଓ ପୋଲିସ ଅଧିକାରୀ ଙ୍କ ସହିତ ଆଲୋଚନା କରିଥିଲେ ଓ ସେମାନେ ମଧ୍ୟ ସେଇ ଅନୁରୂପ ମତ ପ୍ରଦାନ କରିଥିଲେ । ରାଜ୍ୟ ସରକାର ଙ୍କ ଏଭଳି ସର୍ତ୍ତାବଳୀ କୁ ସମ୍ବଲପୁର ଜିଲ୍ଲା ବିଜେପି ପକ୍ଷରୁ ନିନ୍ଦା କରାଯିବା ସଙ୍ଗେ ସଙ୍ଗେ ଏହି ସର୍ତ୍ତ କୁ ବିରୋଧ ମଧ୍ୟ କରିଛି । ସମ୍ବଲପୁର ବିଧାୟକ ଜୟ ନାରାୟଣ ମିଶ୍ର, ରେଙ୍ଗାଲି ବିଧାୟକ ନାଉରି ନାଏକ,  ସମ୍ବଲପୁର ବିଜେପି ଜିଲ୍ଲା ସଭାପତି ଗିରିଶ ପଟେଲ, ବିଜେପି କ୍ଷେତ୍ରିୟ ପ୍ରବକ୍ତା ତଥା ଗଣମାଧ୍ୟମ ସଂଯୋଜକ ମାନସ ରଞ୍ଜନ ବକ୍ସି ଏକ ପ୍ରେସ ବିବୃତ୍ତି ରେ  କୋଭିଡ ନିୟମ ନାଁ ରେ ସରକାର ଙ୍କର ଏଭଳି ଧର୍ମବିରୋଧୀ ନିୟମାବଳୀ ର ନିର୍ଦ୍ଦେଶ ଦେବୀ ଙ୍କ ପୂଜା ବିଧିରେ ଏକ ବଡ଼ ବାଧକ ଓ  ଧର୍ମ ବିରୋଧୀ । ତେଣୁ ରାଜ୍ୟ ସରକାର ଦେବୀ ପୂଜା ରେ ଏହି ପାରମ୍ପରିକ ବାଦ୍ୟ ପରିବେଷଣ ର ବାରଣ ସର୍ତ୍ତ କୁ ଖାରଜ କରି ରାଜ୍ୟ ର ସମସ୍ତ ମନ୍ଦିର ଓ ପୂଜା ମଣ୍ଡପରେ ଏହାର ପରିବେଷଣ ପାଇଁ ଅନୁମତି ପ୍ରଦାନ କରନ୍ତୁ ବୋଲି ଦାବୀ କରିଛନ୍ତି ।