18-Oct-2020

ସମ୍ବଲପୁର,୧୭/୧୦(ସଞ୍ଜିବ ପାଣିଗ୍ରାହୀ ଙ୍କ ରିପୋର୍ଟ): ସମ୍ବଲପୁର ସହର ଅନ୍ତର୍ଗତ ବୁଢାରଜା ପୋଷ୍ଟଅଫିସ ଉପରେଥିବା ନବୋଦୟ କ୍ଳାସେସ କୋଚିଙ୍ଗ ର ୪ ଜଣ ଛାତ୍ର ସର୍ବଭାରତୀୟ ନିଟ(ୟୁଜି) ମେଡିକାଲ ପ୍ରବେଶିକା ପରିକ୍ଷା ରେ ସଫଳତା ର ସହ ଉତ୍ତୀର୍ଣ ହୋଇଛନ୍ତି l ଏହି ଉପଲେକ୍ଷେ ଅନୁଷ୍ଠାନ ପକ୍ଷରୁ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ସାମାଜିକ ଦୂରତା ରକ୍ଷା କରି ଅନୁଷ୍ଠିତ ହୋଇଥିଲା l ଅନୁଷ୍ଠାନ ର ନିର୍ଦେଶକ ତଥା ପ୍ରତିଷ୍ଠାତା ଖିରେଶ୍ଵର ମେହେର ଏବଂ ଅନୁଷ୍ଠାନ ର ପରାମର୍ଶଦାତା ତଥା ସମାଜସେବୀ ରମେଶ ଚନ୍ଦ୍ର ସାହୁ, ଛାତ୍ର ରାହୁଲ ପଟେଲ ଏବଂ ତାଙ୍କ ଅଭିଭାବକଙ୍କୁ ଅନୁଷ୍ଠାନ ପକ୍ଷ ରୁ ୨୫ ହଜାର ଟଙ୍କା ଚେକ, କୁପନ ତଥା ପୁଷ୍ପମାଳା ଦେଇ ସମ୍ବର୍ଦ୍ଧନ ଜ୍ଞାପନ କରିଥିଲେ l ୨ ବର୍ଷ ପୂର୍ଵ ରୁ ଆରମ୍ଭ ହେଇଥିବା ପଶ୍ଚିମ ଓଡିଶା ର ଏହି ଅଗ୍ରଣୀ ମେଡିକାଲ ତଥା ଇଂଜିନିରିଂଗ କୋଚିଂଗ ଅନୁଷ୍ଠାନ,ପ୍ରତେକ ବର୍ଷ "ସୁପର ୩0" ମାଧ୍ୟମ ରେ ଗରିବ ପିଲା ମାନଂକୁ ମନୋନୀତ କରି, ମାଗଣା ତଥା ସୁଲଭ ମୂଲ୍ୟ ରେ ପ୍ରବେଶିକା ପରୀକ୍ଷା ପାଇଁ ସୁଯୋଗ ଦେଇ ଆସୁଛନ୍ତି l ଚଳିତ ଦୁଇ ବର୍ଷ ଓୟୁଏଟି ତଥା ନିଟ (ୟୁଜି) ରେ ସଫଳତାର ସହ ଛାତ୍ରଛାତ୍ରୀ ଉତ୍ତୀର୍ଣ ହୋଉଥିବା ବେଳେ ଆଗାମୀ ବର୍ଷ ଆଉ ଅଧିକ କେମିତି ଏହି ପଶ୍ଚିମ ଓଡିଶା ର ଛାତ୍ର ଛାତ୍ରୀ ସଫଳତା ପାଇବେ, ତାହା ମତ ବ୍ୟକ୍ତ କରିଛନ୍ତି ଜେନୟୁ (ନିଉ ଦିଲ୍ଲୀ )ର ପୂର୍ବତନ ଛାତ୍ର ତଥା ଅନୁଷ୍ଠାନ ର ଜୀବବିଜ୍ଞାନ,ଅଧ୍ୟାପକ ଖିରେଶ୍ଵର ମେହେର l ଏହି ଅବସରରେ ଅନୁଷ୍ଠାନ ର ଶ୍ୟାମ ସୁନ୍ଦର ସାହୁ, ସମାପିକା ଦାଶ, ରାଖୀ ମେହେର ଓ ସରସ୍ବତୀ ପଣ୍ଡା ପ୍ରମୁଖ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ସମ୍ବଲପୁର ଡାକ ମଣ୍ଡଳ ର ସଭାପତି ତଥା ଜେନୟୁ (ନିଉ ଦିଲ୍ଲୀ )ର ପୂର୍ବତନ ଛାତ୍ର ରମେଶ ଚନ୍ଦ୍ର ସାହୁ ଛାତ୍ର ଛାତ୍ରୀ ମାନଙ୍କ ମଙ୍ଗଳ କାମନା କରି, ଧନ୍ୟବାଦ ଜ୍ଞାପନା କରିଥିଲେ l