28-Mar-2021

ନୟାଗଡ଼(ପ୍ରଦୀପ କୁମାର ପଣ୍ଡା) : ଜଗନ୍ନାଥ ସଂସ୍କୃତି ରେ ବାରମାସ ର ତେର ପର୍ବ ମଧ୍ୟରେ ଦୋଳ ପୁର୍ଣିମା ପର୍ବ ଟି ବହୁତ ଆମୋଦଦାୟକ ପର୍ବ ଭାବେ ପରିଗଣିତ | ଦୋଳ ବେଦିରେ ରାଧା କୃଷ୍ଣ ଙ୍କ ପ୍ରତିମୂର୍ତ୍ତି ଙ୍କୁ ଦୋଳି ରେ ଝୁଲାଇ ସେବକ ମାନେ ଆମ୍ବକସି ଏବଂ ନୂଆ ଚଣା ଖଜା ର ଭୋଗ  ସହିତ ଅବିର ବଣ୍ଟନ କରନ୍ତି ଭକ୍ତ ମାନଙ୍କୁ | ସେହି ଅବିର କୁ ଭକ୍ତ ମାନେ ନିଜ ନିଜ ଭିତରେ ବୋଳି ହୋଇ ଭାଇଚାରା ଏବଂ ବନ୍ଧୁତ୍ୱ ଆଦାନ ପ୍ରଦାନ ର ଏକ ଆନନ୍ଦାତ୍ମକ ମାହୋଲ ସୃଷ୍ଟି କରିଥାନ୍ତି ଦୋଳ ବେଦୀ ନିକଟରେ | ଆବାହମାନ କାଳରୁ ନୟାଗଡ଼ ଜିଲ୍ଲା ଖଣ୍ଡପଡା ବ୍ଲକ ର କୁମ୍ଭାରପଡା ପଞ୍ଚାୟତ ର ଶ୍ରୀ ଶ୍ରୀ ଲଡ଼ୁକେଶ୍ୱର ମହାଦେବ ଙ୍କ ମନ୍ଦିର ପ୍ରାଙ୍ଗଣରେ ଥିବା ଦୋଳବେଦୀ ରେ ହରପାର୍ବତୀ ଏବଂ ରାଧାକୃଷ୍ଣ ଙ୍କ ପ୍ରତିମା ଙ୍କୁ ବିରାଜିତ କରାଯାଇ ସମସ୍ତ ପ୍ରକାର ନୀତିକାନ୍ତି କରାଯାଇ ଆସୁଅଛି | ଆଖପାଖ ଅଂଚଳ ରୁ ହଜାର ହଜାର ସଂଖ୍ୟାରେ ଭକ୍ତ ଏହି ପର୍ବ ରେ ସାମିଲ ହୋଇ ଥାନ୍ତି | କିନ୍ତୁ ବିଶ୍ୱ ମହାମାରୀ କରୋନା ର ପ୍ରଭାବ ଏବଂ ସରକାର ଙ୍କ କୋଭିଡ ଗାଇଡ଼ଲାଇନ ପାଇଁ ଗତ ବର୍ଷ ଏବଂ ଚଳିତ ବର୍ଷ କେବଳ ସେବକ ମାନଙ୍କ ଦ୍ୱାରା ସମସ୍ତ ନୀତି କାନ୍ତି କରାଯାଇଥିବା ଦେଖିବାକୁ ମିଳିଛି | ଭକ୍ତ ଶୂନ୍ୟ ଦୋଳବେଦୀ ତଥା କୁମ୍ଭାରପଡା ଗ୍ରାମ ଦୋଳ ପୂର୍ଣ୍ଣିମା ରେ ଆଜି ଖାଁ ଖାଁ ଲାଗୁଛି |