28-Mar-2021

ବାଙ୍ଗୀର(ପ୍ରେରଣା ଖବର): ସରକାର ଜନନୀ ଶିଶୁ ସୁରକ୍ଷା ଯୋଜନା ଜରିଆରେ ସାଧାରଣ ଲୋକଙ୍କ ପାଇଁ ବିଭିନ୍ନ ବ୍ୟବସ୍ଥା ଅନୁଯାୟୀ କୋଟିକୋଟି ଟଙ୍କାର ବ୍ୟୟବରାଦ କରିଚାଲିଥିବା ଯୋଗୁଁ ମାତୃ, ଶିଶୁ ମୃତ୍ୟୁ ଯଥେଷ୍ଟ ମାତ୍ରାରେ ହ୍ରାସ ପାଇ ପାରିଛି । ଏହି ଯୋଜନା ଅନୁଯାୟୀ ସମସ୍ତ ପ୍ରକାର ସୁବିଧା ସୁଯୋଗ ମାଗଣାରେ ପ୍ରଦାନ ବ୍ୟବସ୍ଥା କରାଯାଇଛି l ଆଦିବାସୀ ଅଧ୍ୟୁଷିତ ତଥା ଦାଦନ ପ୍ରବଣ ଅଞ୍ଚଳରେ ଲୋକଙ୍କ ସରଳତାର ସୁଯୋଗ ନେଇ କିଛି ଅସାଧୁ ସରକାରୀ କର୍ମକର୍ତ୍ତା ଓ ନିଜେ ଡାକ୍ତର ଅର୍ଥ ଲୋଭରେ ନାନା ଆଳରେ ଖୋଲାଖୋଲି ପ୍ରସୂତୀ ମହିଳାଙ୍କୁ ପ୍ରସବ ସମୟରେ ନିଜେ ନିର୍ଦ୍ଦିଷ୍ଟ ନର୍ସିଂ ହୋମ ଯିବାକୁ  ବାଧ୍ୟ କରିବା ସହ ଅସ୍ତ୍ରୋଚାର କରି ବେଶ୍ ମାଲାମାଲ ହେବା ଓ ଗର୍ଭବତୀ ମହିଳାଙ୍କ ପରିବାର ସର୍ବସ୍ବାନ୍ତ ହେଉଥିବା ଦେଖାଯାଉଛି। ବିଗତ ଦିନରେ ସରକାରୀ ଡାକ୍ତରଖାନା ଟିଟିଲାଗଡ ରେ ତୃଟିପୂର୍ଣ୍ଣ ଇଞ୍ଜେକ୍ସନ ଦେବା ଓ ଶିଶୁ ମୃତ୍ୟୁ, ଜିଲ୍ଲାର ଦେଓଗାଁ ,ତୁଷୁରା  ଅଞ୍ଚଳରେ ନର୍ସ ପ୍ରସବ କରେଇବା ଓ ମହିଳାଙ୍କ ମୃତ୍ୟୁ ପରି ଘଟଣା କ୍ରମାଗତ ଭାବେ ଦେଖା ଯାଉଛି । ସେହିପରି ବଲାଙ୍ଗୀର ଜିଲ୍ଲା ମ୍ୟାଡିକାଲ କଲେଜ ଡାକ୍ତରଖାନାରେ ଉପଯୁକ୍ତ ଚିକିତ୍ସା ଅଭାବ ନେଇ ଉତେଜନା ଲାଗି ରହିଛି । ହେଲେ ଉକ୍ତ ଗୁରୁତର ଘଟଣା ତଦନ୍ତ ନିର୍ଦ୍ଦେଶ ସତ୍ତ୍ୱେ ତଦନ୍ତ ପ୍ରକ୍ରିୟା ଜାରି ଅଛି କହି ବିଭାଗୀୟ ଅଧିକାରୀ ଦିନ ଗଡେଇବା ଦେଖାଯାଉଛି । ସେହିପରି ଜିଲ୍ଲାର ସିନ୍ଧେକେଲା ସରକାରୀ ସ୍ୱାସ୍ଥ୍ୟ କେନ୍ଦ୍ରରେ ସିନ୍ଧେକେଲା ଥାନା ଅନ୍ତର୍ଗତ ପେନଡ୍ରିପାଏନ ଗ୍ରାମ ର ଜାଜ୍ଞସେନି ନଂ(୨୫) ନାମ୍ନୀ 

 ଜଣେ ପ୍ରସୂତୀ ମହିଳାଙ୍କୁ ସିନ୍ଧେକେଲା ଡାକ୍ତର ନିଜେ ଟିଟିଲାଗଡର ଏକ ଘରୋଇ ନର୍ସିଂହୋମକୁ ନେଇ ଯାଅ ବୋଲି କହିଥିଲେ । ହେଲେ ପରିବାର ଲୋକେ ସିନ୍ଧେକେଲାରୁ ଟିଟିଲାଗଡ ଗାଡି ଭଡ଼ା କରିଯିବାକୁ ଓ ଘରୋଇ ଚିକିତ୍ସା ପାଇଁ ଅର୍ଥ ଅଭାବ ଥିବା କହିଥିଲେ । ବିନା ଅସ୍ତ୍ରୋପଚାରରେ ସାଧାରଣ ଭାବେ ଶିଶୁ ଜନ୍ମ ହେବ ବୋଲି ଉକ୍ତ ଡାକ୍ତରଖାନା ଅନ୍ୟ କର୍ମଚାରୀ ଓ ଡାକ୍ତର କଥା ହେଉଥିବା ମହିଳାଙ୍କ ପରିବାର ଲୋକେ ଶୁଣିଥିଲେ । ପରେ ଡାକ୍ତର ବିଭିନ୍ନ ଆଳ 

ଦେଖେଇ ତୁରନ୍ତ ନର୍ସିଂ ହୋମ ନିଅ କହିଥିଲେ । ଉକ୍ତ ଡାକ୍ତର ଖାନା ରୁ ଟିଟିଲାଗଡ ଆମ୍ବୁଲାନ୍ସ ରେ ମାଗଣାରେ ଯାଅ ଓ ଟଙ୍କା ବ୍ୟବସ୍ଥା କର କହିବାରୁ ଅନ୍ୟ  ଉପାୟ ନ ପାଇ ଟିଟିଲାଗଡ ଡାକ୍ତରଖାନାରେ ପହଞ୍ଚିଥିଲେ । ହେଲେ ରାତି ୧ ରେ ତମେ କାହିଁକି ଆସିଲ ଆଉ ଏମିତି କେଶ ଆମେ ରଖିବୁନି  କହି ଉକ୍ତ ଆଶା କର୍ମୀ  ଯନ୍ତ୍ରଣାରେ ଛଟପଟ ପ୍ରସୂତି ମହିଳାଙ୍କୁ ଡାକ୍ତରଖାନାରୁ ଚାଲିଯିବାକୁ ବାଧ୍ୟ କରିଥିଲେ । ଶେଷରେ ବାଧ୍ୟ ହୋଇ ଟିଟିଲାଗଡ ଜୀବନ ଜ୍ୟୋତି ନର୍ସିଂ ହୋମରେ ନେଇ ଭର୍ତ୍ତି କରିବାକୁ ବାଧ୍ୟ ହୋଇଥିଲେ । ଉକ୍ତ ସିନ୍ଧେକେଲା ର ଡାକ୍ତର ସେ ନିଜେ ଆସି ଉକ୍ତ ନର୍ସିଂହୋମ ରେ ଅସ୍ତ୍ରୋପଚାର କରିଥିବା ବେଳେ ଏକ ଶିଶୁକନ୍ୟା ଜନ୍ମ ହୋଇଛି । ବର୍ତ୍ତମାନ ୨୫,୦୦୦ ଟଙ୍କା ଜମା କର ବୋଲି ନର୍ସିଂ ହୋମ କର୍ତ୍ତୃପକ୍ଷ କହୁଥିବା ବେଳେ ପରିବାର ଲୋକେ ତାଙ୍କର ଏକ ଜମି ବିକ୍ରି କରି ଟଙ୍କା ପରିଶୋଧ କରିବେ ବୋଲି କହିଛନ୍ତି । ସେହିପରି ଗତ ଗୁରୁବାର ରାତି ୨ ଟା ରେ ଡାକ୍ତରଖାନା ନିକଟରେ ପ୍ରସୂତି ମହିଳା ଙ୍କ ସୁନା ମଙ୍ଗଳସୁତ୍ର ବାଧ୍ୟ ହୋଇ  ବିକ୍ରି କରି ଉକ୍ତ ଟଙ୍କା ଦେଇ ନର୍ସିଂହୋମ ରେ ଭର୍ତ୍ତି କରିଥିବା କାନ୍ଦି,କାନ୍ଦି ପ୍ରକାଶ କରିଛନ୍ତି । ଉକ୍ତ ଆଶା ଙ୍କ ସହ ଗୁରୁତର ଭାବେ ଆସିଥିବା ପ୍ରସୂତି ଙ୍କ ପ୍ରତି ଦାଇତ୍ୱ ରେ ଥିବା ମହିଳା ଡାକ୍ତର ଙ୍କ ଏପରି ବ୍ୟବହାର କେତେ ଯୁକ୍ତିଯୁକ୍ତ ସେ ନେଇ ବିଭାଗୀୟ ମୁଖ୍ୟ ଶାସନ ସଚିବ ଦୃଷ୍ଟି ଦେବାକୁ ଜନସେବା ସଙ୍ଘ ଲିଖିତ ଭାବେ ଅଭିଯୋଗ କରିଥିବା ଜଣାଇଛନ୍ତି । ସୂଚନାଯୋଗ୍ୟ ଯେ ଇତି ମଧ୍ୟରେ ଜଣେ ଅତ୍ୟନ୍ତ ଗରିବ ବ୍ୟକ୍ତି ଙ୍କୁ ଟିଟିଲାଗଡ ଡାକ୍ତରଖାନାରେ ଭର୍ତ୍ତି କରି କରି ନ ରଖିବା ଓ ଅନ୍ୟତ୍ର ସ୍ଥାନାନ୍ତର କରିବା ଟିଟିଲାଗଡ ବିଜେପି ନଗର ସଭାପତି ପ୍ରଶାନ୍ତ ଷଡଙ୍ଗୀ  ତୀଵ୍ର ବିରୋଧ ପ୍ରତିକ୍ରିୟା ପ୍ରକାଶ କରିଥିଲେ । ଡାକ୍ତରଖାନାରେ ଗୁରୁତର ଅବସ୍ଥାରେ ଆସୁଥିବା ରୋଗୀ ଙ୍କୁ ଭର୍ତ୍ତି ବଦଳରେ ଅନ୍ୟତ୍ର ସ୍ଥାନାନ୍ତର କରି ଦାଇତ୍ୱ ସମ୍ପନ୍ନ କରା ଯାଉଥିବା ନେଇ ଜନ ଅସନ୍ତୋଷ ଜିଲ୍ଲାରେ ଦିନକୁ ଦିନ ଉଗ୍ରରୂପ ନେଉଛି । ଏହି ପ୍ରସୂତି ମହିଳା ଙ୍କୁ ନା,ନା ଆଳରେ ଭୟଭୀତ କରି ଘରୋଇ ନର୍ସିଂହୋମ  କୁ ପଠେଇ ସାର୍ବସ୍ୱ।ନ୍ତ କରୁଥିବା ଏହି ଅସାଧୁ କାର୍ଯ୍ୟକାର୍ତ୍ତ ଓ କିଛି ନିର୍ଦ୍ଦିଷ୍ଟ ଦଲାଲ ଙ୍କ ପ୍ରତି ସ୍ୱତନ୍ତ୍ର ତଦନ୍ତ କରି ଦୃଢ଼ କାର୍ଯ୍ୟାନୁଷ୍ଠାନ ଦାବୀ ହେବା ସହ ଏହି ପ୍ରସୂତି ମହିଳା ଙ୍କୁ ଉପଯୁକ୍ତ ନ୍ୟାୟ ପ୍ରଦାନ ସହ ଅଭିଯୁକ୍ତ ଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ବିଭିନ୍ନ ଉଚ୍ଚପଦସ୍ଥ ଅଧିକାରୀ ଙ୍କୁ ଲିଖିତ ଅଭିଯୋଗ ପତ୍ର ପ୍ରେରଣ କରିଛନ୍ତି l