27-Mar-2021

ବୌଦ୍ଧ,(ଶ୍ରୀବନ୍ତ ମେହେର) ଶୁକ୍ରବାର ହରଭଙ୍ଗା ବ୍ଲକର ମଥୁରା ପଞ୍ଚାୟତ ଅନ୍ତର୍ଗତ ଖଜୁରିପଡା ଦେଇ ଖୋର୍ଦ୍ଧା-ବଲାଙ୍ଗିର ବଡି ଭୋରରେ  ୫୭ନମ୍ବର ଜାତୀୟ ରାଜପଥରେ ଯାଉଥିବା ଏକ ଘରୋଇ ଯାତ୍ରୀବାହୀ ବସ ଏବଂ ଟ୍ରକ ମଧ୍ୟରେ ମୁହାଁମୁହିଁ ଧକ୍କା ଫଳରେ ବସରେ ଥିବା ୧୦ଜଣ ଯାତ୍ରୀ ଆହତ ହୋଇଥିବା ଜଣାପଡିଛି।   ମିଳିଥିବା ସୂଚନା ଅନୁଯାୟୀ ରାତି ପ୍ରାୟ ୩ ଘଣ୍ଟା ସମୟରେ ବୌଦ୍ଧ ଥାନା ଅନ୍ତର୍ଗତ ଖଜୁରିପଡା ଦେଇ ୫୭ନଂ ଏନଏଚରେ ତିରୁପତି ନାମକ ଏକ ଘରୋଇ ବସ୍‌ ଭୁବନେଶ୍ୱରରୁ ଭବାନୀପାଟଣା ଯାଉଥିଲା । ଏ ସମୟରେ ଏହି ରାସ୍ତାରେ ବୌଦ୍ଧପଟୁ ଆସୁଥିବା ଏକ ଟ୍ରକ ସହ ସାମ୍ନାସାମ୍ନି ଧକ୍କା ହୋଇଥିଲା।ଦୁର୍ଘଟଣା ଶବ୍ଦ ଶୁଣି ଆଖପାଖରେ ରହୁଥିବା ସ୍ଥାନୀୟ ଲୋକେ ଆମ୍ବୁଲାନ୍ସ ଯୋଗେ ଆହତ ଯାତ୍ରୀ ମାନଙ୍କୁ ବୌଦ୍ଧ ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ। ବୌଦ୍ଧ ଆଦର୍ଶ ଥାନା ପୋଲିସ ସୂଚନା ପାଇବା ପରେ ଘଟଣାସ୍ଥଳରେ ପହଞ୍ଚି ଦୁର୍ଘଟଣା ର କାରଣ ସମ୍ପର୍କରେ  ଅଧିକ ତଦନ୍ତ କରୁଛି । ତେବେ ସଂଯୋଗ ବସତ ଆହତ ହୋଇଥିବା ସମସ୍ତ ଯାତ୍ରୀ କଳାହାଣ୍ଡି ଜିଲ୍ଲାର ବୋଲି ଜଣାପଡିଛି।