21-Mar-2021

ବଲାଙ୍ଗିର, (ପ୍ରେରଣା ଖବର) : ଜିଲ୍ଳା ରେଳ ଉପଭୋକ୍ତ ସଂଘ ତଥା ଆଉ କିଛି ସାମାଜିକ ଅନୁଷ୍ଠାନ ପକ୍ଷରୁ ଅନୁଷ୍ଠିତ ବୈଠକ ମାଧ୍ୟମରେ ବଲାଙ୍ଗିର ସାଂସଦ ଙ୍କୁ କୃତଜ୍ଞତା ଜ୍ଞାପନ କରାଯାଇଛି l ବଲାଙ୍ଗିର ନାଗରିକ କମିଟିର ସଭାପତି ତଥା ସମ୍ବଲପୁର ରେଳ ଉପଭୋକ୍ତା ସଂଘର ସଭ୍ୟ ଏବଂ ବଲାଙ୍ଗିର ରେଳ ଉପଭୋକ୍ତା ସଂଘର ମୁଖ୍ୟ ଉପଦେଷ୍ଟା ତଥା ଡିଆରୟୁସିସି ସଭ୍ୟ ବିକ୍ରମାନନନ୍ଦ ବହିଦାର,  ରେଳ ଉପଭୋକ୍ତା ସଂଘର ସଭାପତି ଧର୍ମବ୍ରତ ରଥ, ବଣିକ ସଂଘର ସଭାପତି ତଥା ସମ୍ବଲପୁର ରେଳ ଉପଭୋକ୍ତାର ସଭ୍ୟ ତ୍ରିପୁରାରି ପାଣିଗ୍ରାହୀ, ସଂପାଦକ ଗୋପବନ୍ଧୁ ପୁରୋହିତ, ଉପ-ସଭାପତି ପର୍ଶୁରାମ ନାୟକ, ବରିଷ୍ଠ ନାଗରିକ ସଂଘର ସାଧାରଣ ସଂପାଦକ ପ୍ରଭାକର ମିଶ୍ର,  ପୂର୍ବତନ ସୈନିକ ସଂଘର ସଂପାଦକ ପ୍ରତାପ ରଥ, ମାରୱାଡି ସମ୍ମେଳନର ଅଧ୍ୟକ୍ଷ ମହେନ୍ଦ୍ର ଅଗ୍ରୱାଲ, ସଂପାଦକ ମୋହନଲାଲ ଅଗ୍ରୱାଲ, ମାରୱାଡି ମହିଳା ସମିତିର ଅଧ୍ୟକ୍ଷା ନିରୁଦେବି ଅଗ୍ରୱାଲ, ପୁଇଁନ୍ତଲା ବ୍ଲକର ପୂର୍ବତନ ଅଧ୍ୟକ୍ଷ ପଙ୍କଜିନି ପଣ୍ଡା, ନାଗରିକ କମିଟିର କୋଷାଧ୍ୟକ୍ଷ ବୃନ୍ଦାବନ ବରାଳ, ତଥା ରୋଟାରୀ କ୍ଲବ, ଲାୟନ୍ସ କ୍ଲବ ଏବଂ ବିଭିନ୍ନ ସାମାଜିକ ସଂସ୍କୃତିକ ଅନୁଷ୍ଠାନ ତରଫରୁ ବଲାଙ୍ଗିର ଟିଟିଲାଗଡ କଣ୍ଟାବାଞ୍ଜି, ଲୋଇସିଂହା ଏବଂ ଦେଓଗାଁ ର ସ୍ୱାର୍ଥକୁ ଆଖି ଆଗରେ ରଖି ବଲାଙ୍ଗିରର ସାଂସଦ ସଙ୍ଗିତା ସିଂହଦେଓ ଚଳିତ ରେଳ ବଜେଟରେ ଲୋକସଭାରେ ବଲାଙ୍ଗିର ନିର୍ବାଚନ ମଣ୍ଡଳି ସମସ୍ୟା ନେଇ ଉଚିତ ଭାବରେ ଉପସ୍ଥାପନ କରିଥିବାରୁ ବଲାଙ୍ଗିର-ଖୋର୍ଦ୍ଧା ରେଳ ଲାଇନର କାର୍ଯ୍ୟ ତ୍ୱରାନ୍ୱିତ କରିବା ପାଇଁ ପଦକ୍ଷେପ ନେଇଥିବାରୁ ତାଙ୍କୁ ଧନ୍ୟବାଦ ଏବଂ କୃତଜ୍ଞତା ଜ୍ଞାପନ କରିଥିଲେ ।