19-Mar-2021

ବଲାଙ୍ଗିର(ପ୍ରେରଣା ଖବର): ଜବରଦଖଲ ଉଚ୍ଛେଦକୁ ନେଇ ପୌରସଂସ୍ଥାର ନିର୍ବାହୀ ଅଧିକାରୀ ଶ୍ବିପିନ ଦିପଙ୍କୁ ତାଙ୍କ ଅଫିସରେ ସାକ୍ଷାତ କରି ଆଲୋଚନା କରି ବିସ୍ଥାପିତଙ୍କ ଉଚିତ ଥଇଥାନ କରାଯାଉ ଏବଂ ଆଗାମୀ ଦିନରେ ଉଛେଦ ହେବା ଅଞ୍ଚଳର ବାସିନ୍ଦାଙ୍କୁ ପ୍ରଥମେ ଥଇଥାନ କରାଯାଉ ବୋଲି ବିସ୍ତୃତ ଆଲୋଚନା କରିଛନ୍ତି ବଲାଙ୍ଗିର ଯୁବନେତା ତଥା ୨୦୧୯ ବିଜେଡିର ବିଧାୟକ ପ୍ରାର୍ଥୀ ଅର୍କେଶ ନାରାୟଣ ସିଂହଦେଓ 

ବଲାଙ୍ଗିର ସହରରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ପାଇଁ ଜବର ଦଖଲ ଉଚ୍ଛେଦ କରାଯାଇଛି । ଯାହାକି ବଲାଙ୍ଗିରର ବହୁ ଗରିବ ଶ୍ରେଣୀର ଲୋକମାନଙ୍କ ଜୀବନ ଜୀବିକାକୁ ପ୍ରଭାବିତ କରିବା ସହିତ ଧନସମ୍ପଦ ର ମଧ୍ଯ କ୍ଷତି ହୋଇଛି  କାରଣ ଉଛେଦ ହୋଇଥିବା ବା ହେବାକୁଥିବା ଅଞ୍ଚଳ ରେ ଦିର୍ଘ ୪୦ ୫୦ ବର୍ଷ ଧରି ଲୋକେ ବସବାସ କରୁଥିଲେ ତେଣୁ ଏତେବର୍ଷର ବାସଗୃହ କୁ ଉଛେଦ କରିବା ହେତୁ ଲୋକଙ୍କ ଜୀବନ ଧାରାରେ ଅହେତୁକ କ୍ଷତି ହୋଇଛି । ଏହି ପରିପ୍ରେକ୍ଷିରେ ଅର୍କେଶ ଶ୍ରୀ ଦିପ ଙ୍କୁ ରାଜ୍ଯ ସରକାରଙ୍କ " ଜାଗା ମିଶନ " ଯୋଜନାରେ ଅନ୍ତର୍ଭୁକ୍ତ ବିସ୍ଥାପିତ ମାନଙ୍କୁ ଖୁବଶୀଘ୍ର ଜମି ପଟ୍ଟା ପ୍ରଦାନ କରାଯାଇ ତାଙ୍କୁ ସ୍ଥାୟୀ ବାସିନ୍ଦା ର ଦରଜା ଦିଆଯାଉ ।  ବଲାଙ୍ଗିର ସହରରେ ଏହି ଯୋଜନାରେ ଅନ୍ତର୍ଭୁକ୍ତ ହୋଇଥିବା ସମସ୍ତ ହିତାଧିକାରୀମାନଙ୍କ ତାଲିକା ପ୍ରସ୍ତୁତ କରି ସେମାନଙ୍କୁ ଉଛେଦ ଆଗରୁ ସମୟ ଦେଇ ପଟ୍ଟା ବଣ୍ଟନ କରାଇବା ବ୍ଯବସ୍ଥା କରାନ୍ତୁ ଆମେ ସହଯୋଗ କରିବା ପାଇଁ ପ୍ରସ୍ତୁତ ଅଛୁ ବୋଲି କହିଥିଲେ । ଆହୁରି କହିଥିଲେ ଯେ ବଲାଙ୍ଗିର ର ବିକାଶ ରାଜ୍ଯ ସରକାରଙ୍କ ଦ୍ଵାରା ହିଁ ହେଉଛି ବଲାଙ୍ଗିର ର ବିକାଶ ର କଥା ଯେତେବେଳ ଉଠିଛି ଆମେ ସବୁବେଳେ ସହଯୋଗ କରିଆସିଛୁ କିନ୍ତୁ ବିକାଶ କାର୍ଯ୍ୟରେ ବଲାଙ୍ଗିର ଜନସାଧାରଣ ଙ୍କ ଧନଜୀବନ ଯେଭଳି ନଷ୍ଟ ନହୁଏ ଓ ସାଧାରଣ ଜନତା ଯେପରି ଉଚିତ ଥଇଥାନ ହୋଇ ହଇରାଣ ନହେବେ ସେଥିପ୍ରତି ଧ୍ୟାନ ଦେବେବୋଲି ଯୁକ୍ତିବାଢିଥିଲେ ଯୁବନେତା ଅର୍କେଶ  । ଏହି ଆଲୋଚନା ରେ ପୌର ନିର୍ବାହୀ ଯନ୍ତ୍ରୀ କହିଛନ୍ତି ଯେ ସେ ବଲାଙ୍ଗିର ଜିଲ୍ଲାପାଳଙ୍କ ସହିତ ଆଲୋଚନା କରି ବଲାଙ୍ଗିର ସହର ରେ " ଜାଗା ମିଶନ " ଯୋଜନାରେ ବା ଉସା ସର୍ଭେ ରେ ଅନ୍ତର୍ଭୁକ୍ତ ଥିବା ହିତାଧିକାରୀ ମାନଙ୍କୁ ସରକାରଙ୍କ ନିୟମ ଅନୁଯାୟୀ ଜମି ପଟ୍ଟା ପ୍ରଦାନ କରାଯିବ ବୋଲି ପ୍ରତିଶୃତି ଦେଇଥିଲେ  । ଆଜିର ଏହି ଆଲୋଚନାରେ ବଲାଙ୍ଗିର ବିଜେଡିର ପୁର୍ବତନ କାଉନସିଲର ମୁନ୍ନା ଖାନ, ସମ୍ଭୁ ନାଗ , ଅଶ୍ବିନୀ ପଟେଲ, ରାମ ନାଏକ ଓଙ୍କାର ନାୟକ , ଧୃବ ଜୁଏଡ କୈଳାଶ ମହାନ୍ତି , ଶିବ ପ୍ରସାଦ ବେହେରା , ନରସିଂହ ବାଗ, ବିନୁ ସତପଥି , ସତ୍ଯ ନାଏକ , ବିଭୁତି ଭୁଷଣ ମିଶ୍ରଙ୍କ ସମେତ ଅନେକ କର୍ମକର୍ତ୍ତା ଉପସ୍ଥିତ ଥିଲେ  ।