14-Mar-2021

ଉଲୁଣ୍ଡା (ଗୌରଚନ୍ଦ୍ର ପରିଛା)- ଖରାର ପ୍ରକୋପ ଦିନକୁ ଦିନ ବଢିବାରେ ଲାଗିଛି । ଆଉ କିଛି ଦିନ ପରେ ଘରୁ ବାହାରିବା ମୁସ୍କିଲ ହୋଇପଡିବ । ପାଣି ପାଗର ସୂଚନା ଅନୁସାରେ ଚଲିତ ବର୍ଷ ଖରାର ପ୍ରକୋପ ସର୍ବାଧିକ ହେବାଦ୍ୱାରା ଜଳ ସଂକଟ ମଧ୍ୟ ଦେଖା ଦେବାର ଆଶଙ୍କା ରହିଛି । ଫଳରେ ଲୋକେ ତଥା ଜଙ୍ଗଲୀ ପଶୁ ପକ୍ଷୀ ଡହଲ ବିକଲ ହେବା ସ୍ୱାଭାବିକ ।  ଏଭଲି ସ୍ଥିତିରେ ଜଙ୍ଗଲର ପକ୍ଷୀ ତଥା କୀଟ ପତଙ୍ଗ ଯେଭଲି ପାଣି ପାଇଁ ଡହଲ ବିକଲ ନହୁଅନ୍ତି ସେଥିପାଇଁ ବୀର ସୁରେନ୍ଦ୍ର ସାଏ ଶାଖା ତରଫରୁ ଭିନ୍ନ ପ୍ରୟାଶ କରାଯାଇଛି । ଜଙ୍ଗଲର ବିଭିନ୍ନ  ସ୍ଥାନରେ ପ୍ଲାଷ୍ଟିକ ବୋତଲ ଗଛର ଶାଖା ମାନଙ୍କରେ ଲଗାଇ ପାଣି ବ୍ୟବସ୍ଥା କରିଛନ୍ତି । ଯାଦ୍ୱାରା ପକ୍ଷୀ ମାନେ ପାଣି ପିଇ  ଶୋଶ ମେଂଟାଇ ପାରିବେ । ପ୍ରକାଶ ଯେ ଜଙ୍ଗଲରେ ପକ୍ଷିମାନେ ପାଣି ପିଇବା ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇନାହିଁ । ଫଳରେ ପକ୍ଷୀ ମାନେ  ଅଂଶୁଘାତର ଶିକାର ହୋଇଥାନ୍ତି । ଏପରିକି ପାଣି ଟୋପାଏ ପାଇଁ  ଗାଁ ମୁହାଁ ହୋଇ ଶିକାରୀ ହାବୁଡାରେ ପଡିଯାଇ ମୃତ୍ୟୁ ବରଣ କରିଥାନ୍ତି । ଏହାକୁ ଦୃଷ୍ଟିରେ ରଖି ଆଜି  ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ମାଟୁପାଲି ଗ୍ରାମର ସ୍ୱେଚ୍ଛାସେବୀ ସମ୍ଭୁରାଜ କର୍ଣ୍ଣ, ଗୋବିନ୍ଦ ଭୋଇ, ଗଙ୍ଗାଧର ବାଗ ପକ୍ଷୀଙ୍କ ପାଇଁ ଦେବଦୂତ ସାଜି ଜଙ୍ଗଲକୁ ଯାଇ ବିଭିନ୍ନ ସ୍ଥାନରେ ପ୍ଲାଷ୍ଟିକ ବୋତଲ ଗଛରେ ଲଗାଇ ପାଣି ବ୍ୟବସ୍ଥା କରିଛନ୍ତି । ତେବେ ଗ୍ରୀଷ୍ମ ରୂତୁ ଶେଷ ହେବା ପର୍ଯ୍ୟନ୍ତ ପକ୍ଷୀ ମାନଙ୍କୁ ପାଣି ଯୋଗାଇ ଦିଆଜିବ ବୋଲି ସ୍ୱେଚ୍ଛାସେବୀ ମାନେ ପ୍ରକାଶ କରିଛନ୍ତି । ଏଭଲି ଏକ ପଦେକ୍ଷପକୁ ପ୍ରାଣୀପ୍ରେମୀ ତଥା ବୃଦ୍ଧିଜୀବି ମହଲରେ