14-Mar-2021

ଉଲୁଣ୍ଡା(ଗୌରଚନ୍ଦ୍ର ପରିଛା)-ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଅଂଚଲରେ କିଛି ଦିନ ହେବ ରକ୍ତ ମୁଖା ଦନ୍ତା ଆତଙ୍କ ଖେଲାଉଥିବା ବେଳେ ପୁଣି  ୨୦ ଟି ହାତୀ ଉଲୁଣ୍ଡା ଅଂଚଲକୁ ଆସିଥିବା ଜଣାପଡିଛି । ଗତକାଲି ରାତିରେ ବ୍ଲକର ସିଣ୍ଢୋଲ ଅଂଚଲରେ ହାତୀ ପଳ ପସି ରବି ଧାନ ଫସଲକୁ  ଦଲି ଚକଟି କ୍ଷୟକ୍ଷତି କରିଥିବା ଅଭିଯୋଗ ହେଉଛି । ସୂଚନା ଅନୁସାରେ ସିଣ୍ଢୋଲ ଗାଁର ମାଲତୀ ମେହେର, ଭଗବାନ କୁଅଁର, ବିଶି କୁଅଁର, ରମେଶ ମେହେର, ହୃଷିକେଶ ମେହେର, ଗଣେଷ ମହାଲିଙ୍ଗ, ଜଗବନ୍ଧୁ ମେହେରଙ୍କ ସମେତ ବହୁ ଚାଷୀ ରବି ଧାନ ଫସଲ କରିଥିଲେ । ଗତକାଲି ବିଲମ୍ବିତ ରାତ୍ରୀରେ ହାତୀ ପଳ ପସି ଉକ୍ତ ଚାଷୀଙ୍କ ପ୍ରାୟ ୧୦ ଏକର ଫସଲ ଦଲି ଚକଟି ନଷ୍ଟ କରିଦେଇଛନ୍ତି । ଫଳରେ ଚାଷୀଙ୍କ ଚିନ୍ତା ବଢିବାରେ ଲାଗିଛି । ଗତ ଖରିଫ ଫସଲରେ  ହୋଇଥିବା କ୍ଷୟକ୍ଷତି କ୍ଷତିପୁରଣ ପାଇନଥିବା ବେଳେ ପୁଣି ରବି ପସଲକୁ ନଷ୍ଟ କରିଦେବା ଚାଷୀଙ୍କ ଦୁଃଖ ଦ୍ୱିଗୁଣୀତ କରିଛି । ତେବେ ହାତୀ ଉପଦ୍ରବ ଯଦି  ଏଭଲି ଭାବରେ ଲାଗି ରହେ ଚାଷି ତାର ମୂଲଧନ ପାଇବା ନେଇ ଆଶା ଆଶଙ୍କା ଦେଖାଦେଇଛି । ହାତୀ ଘଉଡାଇବାରେ ବନବିଭାଗ ତତ୍ୱରତା ଦେଖାଉନଥିବାରୁ ଚାଷି ମହଲରେ ଗଭୀର ଅସନ୍ତୋଷ ଦେଖାଦେଇଛି । ଯଥାଶିଘ୍ର କ୍ଷୟକ୍ଷତିର ଆକଲନ କରି କ୍ଷତିପୁରଣ ଦେବାକୁ ଦାବି ହେଉଛି । ସେହିପରୀ ଗତକାଲି ବିଳମ୍ବିତ ରାତ୍ରୀରେ ମେଘନାଦ ଗ୍ରାମରେ ରକ୍ତ ମୁଖା ଦନ୍ତା ପସି ପ୍ରହଲ୍ଲାଦ ବାଘଙ୍କ ଘର ଭାଙ୍ଗିଦେଇଥିବା ଅଭିଯୋଗ ହେଉଛି । ସବୁଦିନ ଭଲି ପ୍ରହଲ୍ଲାଦ ପରିବାର ସହିତ ଶୋଇଥିଲେ । ଦନ୍ତାଟି ରାତୀ ପ୍ରାୟ ୩ଟା ସମୟରେ ତାଙ୍କ ଛାତ ଘର ଭାଙ୍ଗିଦେଇଥିଲା । ଏଥି ସହିତ ଦୁଇ ପାକେଟ ଚାଉଲ ଖାଇଦେବା ସହ ଗୋଟିଏ ମୋବାଇଲ ଦଲିଚକଟି ନଷ୍ଟ କରିଦେଇଥିବା ଜଣାପଡିଛି । ହାତୀ ଆସିଥିବା ଜାଣିପାରି ପରିବାର ଲୋକେ ଅନ୍ୟ ଏକ ଘରକୁ ଚାଲିଯାଇଥିବାରୁ ଅଲ୍ପକେ ବର୍ତୀ ଯାଇଥିଲେ । ପ୍ରକାଶ ଥାଉକି  ୬ ମାସ ପୁର୍ବରୁ ମଧ୍ୟ ପ୍ରହଲ୍ଲାଦଙ୍କ ଘର ହାତୀ ଭାଙ୍ଗି ଦେଇଥିଲେ ମଧ୍ୟ ତାର କ୍ଷତିପୁରଣ ମଧ୍ୟ ପାଇନଥିବା ଅଭିଯୋଗ କରିଛନ୍ତି । ଏନେଇ ଫରେଷ୍ଠର ଦିନେଶ ମାôଝଙ୍କୁ ପଚାରିବାରୁ କାଗଜପତ୍ର ସବୁ ପଠାଇ ଦେଇଛି ଯଥାଶିଘ୍ର କ୍ଷତିପୁରଣ ଦିଆଜିବ ବୋଲି ପ୍ରକାଶ କରିଥିଲେ ।