13-Mar-2021

ବଲାଙ୍ଗୀର(ସନ୍ତୋଷ କୁମାର ଠାକୁର) : ବଲାଙ୍ଗୀର ସହରରେ ଏକ ଅପ୍ରୀତିକର ଘଟଣା ବେଶ୍ ଚର୍ଚାର ବିଷୟ ହୋଇଛି । ସୂଚନା ମତେ, ରାଜସ୍ଥାନର ବାଡମେର ଜିଲ୍ଲା ମଣ୍ଡଳୀ ଥାନା ଅନ୍ତର୍ଗତ ରାଜସ୍ଥାନ ସହରରୁ ଆସିଛି  ଏପରି ଏକ ଚାଞ୍ଚଲ୍ୟକର ତଥ୍ୟ। ଗୋଟିଏ ଦେଢ଼ ବର୍ଷର ଶିଶୁକନ୍ୟାକୁ ଛାଡ଼ି ପ୍ରେମିକ ସହ ଫେରାର ମାରିଛି ମାଁ । ଚଳିତ ବର୍ଷ ମାର୍ଚ୍ଚ ୫ ତାରିଖ ରାତି ୧୨ଟାରେ ରାଜସ୍ଥାନ ର ଜାଜସ୍ଥୀ ଗାଁର ଶ୍ରବଣ(୩୫) ଙ୍କ ସହ ଗୁଡି (ହୀନା) ଫେରାର ମାରିଥିବା ସୂଚନା ରହିଛି।  ଏ ସଂକ୍ରାନ୍ତରେ ଗୁଡି (ହୀନା)ଙ୍କ ସମ୍ପର୍କିୟ ମାନେ ରାଜସ୍ଥାନ ମଣ୍ଡଳୀ ଥାନାରେ ଲିଖିତ ଅଭିଯୋଗ ମଧ୍ୟ କରିଛନ୍ତି। ଅନ୍ୟପଟେ ରାଜସ୍ଥାନ ମଣ୍ଡଳୀ ଥାନାଧିକାରୀ ଉଭୟଙ୍କ ଫୋନ ନମ୍ବର ଟ୍ରାକିଂ କରି ଫେରାର୍ ଥିବା ଦୁଇ ପ୍ରେମୀଯୁଗଳ ବଲାଙ୍ଗୀର ଅଭିମୁଖେ ବାହାରି ଥିବା ଜାଣିପାରିବା ପରେ ଏହି ଚର୍ଚା ଆହୁରି ଜୋର୍ ଧରିଛି । ପୀଡିତା ପରିବାରଙ୍କୁ ପୂର୍ଣ୍ଣ ମାତ୍ରାରେ ସହଯୋଗ କରିବାକୁ ବଲାଙ୍ଗୀର ଥାନାରେ  ନିବେଦନ କରିଛନ୍ତି ରାଜସ୍ଥାନ ପୋଲିସ । ରାଜସ୍ଥାନ ମଣ୍ଡଳୀ ଥାନାରୁ ଏକ ସ୍ବତନ୍ତ୍ର ପୋଲିସ ଟିମ ତଦନ୍ତ ପାଇଁ ବଲାଙ୍ଗୀର ପଠା ଯାଇଛି ।  ରାଜସ୍ଥାନ ମଣ୍ଡଳୀ ଥାନାରୁ ଆସିଥିବା ପୋଲିସ ଟିମ୍ ବଲାଙ୍ଗୀର ସହରର ସମସ୍ତ ଲଜ୍, ଧର୍ମଶାଳା , ହୋଟେଲ ଆଦି କୁ ଯାଇ ରେଜିଷ୍ଟରର ତନ୍ନ ତନ୍ନ କରି ତଦନ୍ତ ପ୍ରକ୍ରିୟା ଯାରି ରଖିଛି। ସେପଟେ ଡେଢ ବର୍ଷର ଶିଶୁକନ୍ୟାକୁ ଗୁଡି ଉରଫ୍ ହୀନା ଘରୁ ଛାଡି ଯାଇଥିବା ବେଳେ ଦେଢ଼ ଲକ୍ଷ ଟଙ୍କା ଓ କିଛି ସୁନା ଗହଣା ସାଙ୍ଗରେ ନେଇ ଫେରାର୍ ମାରିଥିବା ଗୁଡି ର ଡେଢ ଶଶୁର ନେମlରାମ ଚୌଧରୀ ସୂଚନା ଦେଇଛନ୍ତି। ଅନ୍ୟପଟେ ଗୁଡି ସହ ଫେରାର ଥିବା ଶ୍ରବଣ ବିବାହିତ ଥିବା ସହ ତାଙ୍କର ଭାଇ ଭଉଣୀ ମାଁ ସମସ୍ତେ ରାଜସ୍ଥାନ ଯାଜସ୍ତୀ ଗାଁ  ରେ  ରହୁଥିବା ବେଳେ ଶ୍ରବଣ ବଲାଙ୍ଗୀର ସହରରେ ଗତ କିଛି ବର୍ଷ ହେବ ଠିକାଦାର ଭାବେ କାର୍ଯ୍ୟ କରି ଆସୁଥିବା ସୂଚନା ରହିଛି। ତେବେ ଏହି ଘଟଣା ଲୋକଲୋଚନକୁ ଆସିବା ପରେ ଲୋକଙ୍କ ଭିନ୍ନ ଭିନ୍ନ ମତ ପ୍ରକାଶ ପାଇଛି l ଗୋଟିଏ  କୋମଳମତି ଶିଶୁ କନ୍ୟାକୁ ଛାଡି ଯୌବନ  ଲାଳସାରେ ମାଁ ପଳାୟନ କରିଥିବା ଘଟଣାକୁ ସବୁ ମହଲରେ ନିନ୍ଦା କରିବା ସହ ଚର୍ଚ୍ଚା ଜୋର୍ ଧରିଛି।