13-Mar-2021

କଳାହାଣ୍ଡି,କୋକସରା(ତ୍ରିନାଥ ଵେଶ୍ରା): କୋରୋନା ମହାମାରୀ ସାରା ବିଶ୍ୱରେ ଆତଙ୍କ ସୁଷ୍ଟି କରୁଥିବା ସମୟରେ  ନିଜ କର୍ତ୍ତବ୍ୟ ସମ୍ପାଦନ କରିଆସୁଛନ୍ତି କୋରୋନା ଯୋଦ୍ଧା ମାନେ  l ଆଜି ମଧ୍ୟ ସେମାନେ ନିଜ ଯୁଦ୍ଧରେ ହାରି ନାହାନ୍ତି l କେବେ ଘର ବୁଲି କୋରୋନା ସର୍ଭେ କରିବା ତ କେବେ ସ୍କେନିଂ କରିବା କାମ ତୁଲାଇ ଆସୁଛନ୍ତି ଜିଲ୍ଲାର ବହୁ ସ୍ବାସ୍ଥ୍ୟ କର୍ମୀ, ଅଙ୍ଗୱାଡ଼ି ଦିଦି, ଆଶା ଦିଦି ମାନେ l ଗ୍ରାମାଞ୍ଚଳରେ ଓଡିଶା ସରକାରଙ୍କ  ଦ୍ଵାରା ପ୍ରଦତ୍ତ ମଶାରୀ ବଣ୍ଟନ କାଯ୍ୟକ୍ରମ ରେ ସାମିଲ ହୋଇ ଏମାନେ ନିଜ ଅଞ୍ଚଳକୁ  ମେଲେରିଆ ମୁକ୍ତ କରିପାରୁଛନ୍ତି l  କଳାହାଣ୍ଡି ଜିଲ୍ଲା କୋକସରା ବ୍ଲକ ଅନ୍ତର୍ଗତ ଆମପାଣି, ବଡପୋଡ଼ା ଗୁଡା, ଡୁଡୁକା ଠେଙ୍ଗା ଗ୍ରାମ ପଞ୍ଚାୟତ ଅଧୀନ ପ୍ରତି ଗ୍ରାମରେ ପ୍ରଥମ ପର୍ଯ୍ୟାୟରେ ମଶାରୀ ବଣ୍ଟନ କରି ଥିବା ଦେଖିବାକୁ ମିଳିଛି l

କୋକସରା ବ୍ଲକ ଶିଶୁ ବିକାଶ ତତଫରୁ ମହିଳା ପରିଦର୍ଶୀକl ସୁଶ୍ରୀ ସୋରୋଜ ଲତା ଦେଇ ଓ ସୋନିଆ ହେମ୍ରମ ମଶାରୀ ବଣ୍ଟନ କରୁଥିବା ସମୟରେ ପ୍ରତ୍ୟେକ ସେଣ୍ଟର୍ ବୁଲି ଦେଖି ଥିଲେ lମଶାରୀ ବଣ୍ଟନ କରୁଥିବା ରୁ ଗ୍ରାମ ର ଲୋକମାନେ ମଶା ମାନଙ୍କ ଠାରୁ ମୁକ୍ତି ମିଳିବା ସହ ମେଲେରିଆ ରୋଗରୁ ରକ୍ଷା ପାଇବେ ବୋଲି ମତପ୍ରକାଶ କରିଥିଲେ  l