12-Mar-2021

ସମ୍ବଲପୁର ବୁର୍ଲା ଭୀମସାରରେ ରାଗିଂ ଅଭିଯୋଗ । ଦୁଇ ବର୍ଷ ପୂର୍ବସୁଟ ରାଗିଂ ମନରୁ ଲିଭି ନଥିବାବେଳେ ଏବେ ବୁର୍ଲା ଭୀମସାର ରାଗିଂ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଡାକ୍ତରଖାନା କର୍ତ୍ତୃପକ୍ଷଙ୍କଠାରେ ଅଭିଯୋଗ ହେବା ପରେ ଆଣ୍ଟି ରେଗିଂ ସେଲ୍ ଏହାର ତଦନ୍ତ ଆରମ୍ଭ କରିଥିବା ଜଣାପଡିଛି ।

ଖବର ଅନୁଯାୟୀ, କିଛି ଦିନ ପୂର୍ବେ ଏମ୍‌ବିବିଏସ୍‌ ଚତୁର୍ଥ ବର୍ଷର ଛାତ୍ର ଏମ୍‌ବିବିଏସ୍‌ର ୨ୟ ବର୍ଷ ଛାତ୍ରଙ୍କ ହଷ୍ଟେଲକୁ ପଶି ଗାଲିଗୁଳଜ କରିଥିଲେ । ଯାହାଫଳରେ ୨ୟ ବର୍ଷର ଛାତ୍ରମାନେ କର୍ତ୍ତୃପକ୍ଷଙ୍କୁ ଜଣାଇଥିଲେ । ତେବେ ଚତୁର୍ଥ ବର୍ଷର ଛାତ୍ରମାନେ କର୍ତ୍ତୃପକ୍ଷଙ୍କୁ କାହିଁକି ଜଣାଇଲ କହି ବୁଧବାର ବିଳମ୍ବିତ ରାତିରେ ଛାତ୍ରାବାସର ୪ ଓ ୬ ନମ୍ବରକୁ ପୁଣି ପଶିଥିଲେ ।  

ସେଠାରେ ଶୋଇଥିବାବେଳେ କିଛି ଛାତ୍ରଙ୍କୁ ଅର୍ଧନଗ୍ନ କରି ମାଡ ମାରିଥିବାର ଅଭିଯୋଗ ହୋଇଛି | ଘଟଣା ସମ୍ପର୍କରେ କର୍ତ୍ତୃପକ୍ଷଙ୍କ ନିକଟରେ ଅଭିଯୋଗ କରାଯାଇଛି । ତେବେ ମାମଲାର ତଦନ୍ତ ଆରମ୍ଭ ହୋଇଥିବା ଭୀମ୍‌ସାର ଅଧ୍ୟକ୍ଷ ଡାକ୍ତର ଜୟଶ୍ରୀ ଦୋରା କହିଛନ୍ତି ।