11-Mar-2021

କୋଲକାତାା(ପ୍ରେରଣାଖବର ବ୍ୟୁରୋ):  ନନ୍ଦି ଗ୍ରାମରେ ଏବେ ହାଇଭୋଲଟେଜ ଲଢେ଼ଇ ଚାଲିଛି  । ଗୋଟିଏ ପଟେ ମମତା ବାନାର୍ଜୀ ଓ ଅପରପକ୍ଷରେ ତାଙ୍କର ଅନୁଗତ ଶୁଭେନ୍ଦୁ ଅଧିକାରୀ ନିର୍ବାଚନ ମଇଦାନକୁ ଓହ୍ଲାଇଛନ୍ତି  । ଉଭୟ ଜିତିବା ପାଇଁ ପ୍ରାଣମୂର୍ଚ୍ଛା ଉଦ୍ୟମ କରିଥିବାବେଳେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ସୁପ୍ରିମୋ ମମତା ବାନାର୍ଜୀ ସଂଗୀନ ଅଭିଯୋଗ ବାଢ଼ିଛନ୍ତି  । ନିର୍ବାଚନ ପ୍ରଚାର ବେଳେ ତାଙ୍କୁ ଦୁର୍ବୃତ ଆକ୍ରମଣ କରିଛନ୍ତି ବୋଲି ମମତା କହିଛନ୍ତି  ।

ଗଣମାଧ୍ୟମକୁ ମମତା କହିଛନ୍ତିଯେ, ତାଙ୍କ ଉପରେ କେତେକ ଲୋକ ଆକ୍ରମଣ କରିଛନ୍ତି  । ସେ କାର ଭିତରେ ଥିବାବେଳେ କେତେକ ଲୋକ ତାଙ୍କ କାର ଡୋରକୁ ବଳପୂର୍ବକ ବନ୍ଦ କରିବାକୁ ଚେଷ୍ଟା କରିଥିଲେ  । ଏହା ପଛରେ ଏକ ଷଡ଼ଯନ୍ତ୍ର ରହିଛି  । ସେହି ସମୟରେ କୌଣସି ପୁଲିସ ମଧ୍ୟ ଉପସ୍ଥିତ ନଥିଲେ । ଏହି ଘଟଣାରେ ତାଙ୍କ ଗୋଡ଼ ଆଘାତପ୍ରାପ୍ତ ହୋଇଛି  । ସେହିପରି ତାଙ୍କର ଛାତିବିନ୍ଧା ମଧ୍ୟ ହେଉଛି  । ଆକ୍ରମଣ ଘଟଣା ସଂକ୍ରାନ୍ତରେ ସେ ନିର୍ବାଚନ କମିଶନଙ୍କୁ ଅବଗତ କରାଇବେ ବୋଲି ମମତା ପ୍ରକାଶ କରିଛନ୍ତି  ।