10-Mar-2021

ଉଲୁଣ୍ଡା (ଗୋରଚନ୍ଦ୍ର ପରିଛା)-ଉଲୁଣ୍ଡା ବ୍ଲକ ସିଣ୍ଢୋଲ କଲେଜ ଠାରେ   ସୋନପୁର ନେହେରୂ ଯୁବକେନ୍ଦ୍ର ପକ୍ଷରୁ ଜଲ ସଂରକ୍ଷଣ ପାଇଁ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ଜଳ ମନ୍ତ୍ରଣାଲୟ ଭାରତ ସରକାର ତତ୍ୱାବଧାନରେ ହୋଇଥିବା ଏହି କାର୍ଯ୍ୟକ୍ରମରେ ଅଧ୍ୟକ୍ଷ ଗିରିଷ ଦାସ ମୁଖ୍ୟ ଅତିଥି ଭାବରେ ଯୋଗଦେଇ ଉଦଘାଟନ କରିବା ସହ ଅହେତୁକ ଭାବରେ ନଷ୍ଟ ହେଇଯାଉଥିବା  ଜଳକୁ କିପରି ଠିକ ଭାବରେ ବିନିଯୋଗ କରାଯାଇ ପାରିବ ସେଉପରେ ଆଲୋକପାତ କରିଥିଲେ । ଏହି ଅବଶରରେ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ନେଇ ଜଳକୁ ଭିତିକରି କୁଇଜ ପ୍ରତିଯୋଗୀତା କରାଇଥିଲେ । ଏଥିରେ ପ୍ରଥମ ଭାବରେ ଅଶୋକ ଷଣ୍ଢ, ଦ୍ୱିତୀୟ ଭାବରେ ସୁମନ୍ତ ଦେହେରୀ, ତୃତୀୟ ଭାବରେ ଆଶିଷ ଭୁକ୍ତାଙ୍କୁ ପୁରସ୍କୃତ କରାଯାଇଥିଲା । ଶେଷରେ ସାମୁହିକ ଶପଥ ପାଠ କରାଯାଇଥିଲା । ସ୍ୱେଚ୍ଛାସେବୀ ଶମ୍ଭୁରାଜ କର୍ଣ୍ଣ କାର୍ଯ୍ୟକ୍ରମ ପରିଚାଲନା କରିଥିଲେ । ଅଧ୍ୟାପକ ଦିଲ୍ଲିପ ଦଲାଇ, ସରୋଜ ଆଚାର୍ଯ୍ୟ, ଶଷିନ୍ଦ୍ର ଭୁକ୍ତା, ନାରାୟଣ ବଗର୍ତୀ, ପିଂଟୁ ମେଲ୍ଲି, ରଘୁନାଥ ପଟ୍ଟନାଏକ ପ୍ରମୁଖ ସହଯୋଗ କରିଥିଲେ ।