10-Mar-2021

ଉଲୁଣ୍ଡା(ଗୋରଚନ୍ଦ୍ର ପରିଛା): ଉଲୁଣ୍ଡା ବ୍ଲକ କାଦୋଦର ପଂଚାୟତର ବମରାଜ ଠାରେ ଆୟୋଜିତ ହୋଇଥିବା କ୍ରିକେଟ ଟୁର୍ଣ୍ଣମେଂଟ ଉଦଯାପିତ ହୋଇଯାଇଛି । ସ୍ଥାନୀୟ କ୍ରିକେଟ ଏସୋସିଏସନ ପକ୍ଷରୁ ଆୟୋଜିତ ହୋଇଥିବା ଏହି ଟୁର୍ଣ୍ଣାମେଂଟରେ ହିଲୁଙ୍ଗକୁ ହରାଇ ସହରାପାଲି ଚାମ୍ପିଅନ ହୋଇଛି । ପ୍ରଥମେ ସମିରେ ଗୁଂଜିପାଲିକୁ ହରାଇ ସହରାପାଲି ଏବଂ ଦ୍ୱିତୀୟ ସେମିରେ ହରିଣାପଲିକୁ ହରାଇ ହିଲୁଙ୍ଗ ଦଳ ଫାଇନାଲରେ ପ୍ରବେଶ କରିଥିଲେ । ଫାଇନାଲ ଖେଲ ତିନୋଟି ଫର୍ମାଟରେ ହୋଇଥିଲା । ଏଥିରେ ସହରାପାଲି ଏବଂ ହିଲୁଙ୍ଗ ଦଲ ଗୋଟିଏ ଲେଖାଁଏ ମ୍ୟାଚ ନିଜୟୀ ହୋଇଥିବା ବେଳେ ତୃତୀୟ ଫର୍ମାଟରେ ହିଲୁଙ୍ଗ ଦଲ ସମସ୍ତ ଉଇକେଟ ହରାଇ ୧୧ ରନ କରିଥିବା ବେଳେ ସହରାପାଲି ଦଲ ୧ ଉଇକେଟ ହରାଇ ଆବଶ୍ୟକ ରନ କରି ଚାମ୍ପିଅନ ହୋଇଥିଲା । ଖେଳକୁ ମନୋଜ ପଣ୍ଡା ଏବଂ ମଦନ ଗୋପାଲ ନାଏକ ପରିଚାଲନା କରିଥିଲେ । ବିମ୍ବାଧର କର୍ଣ୍ଣ ଧାରାବିବରଣୀ ପ୍ରଦାନ କରିଥିବା ବେଲେ ପପୁନ କଲତା ସ୍କୋରର ଦାଇତ୍ୱ ତୁଲାଥିଲେ । ଆୟୋଜିତ ପୁରସ୍କାର ବିତରଣୀ ଉତ୍ସବରେ ବରିଷ୍ଠ ଆଇନଜିବୀ ରାଧାକାନ୍ତ ମହାକୁର, ଓସିଏ ଆମ୍ପାୟାର ଶ୍ୟାମ ଶୁନ୍ଦର ପଣ୍ଡା, ଘନଶ୍ୟାମ ବାଘ, ପିଇଓ ସରୋଜ ନନ୍ଦ ଅତିଥି ଭାବରେ ଯୋଗଦେଇ ବିଜେତା ସହରାପାଲି ଓ ଉପବିଜେତା ହିଲୁଙ୍ଗ ଦଳକୁ ଟ୍ରଫି ସହ ପୁରସ୍କାର ପ୍ରଦାନ କରିଥିଲେ । ପିଙ୍କୁ ଦନ୍ତା, ଶରତ ପଧାନ, ଆନନ୍ଦ ଚନ୍ଦ୍ର ଗୁରୁ, ତପନ ମହାକୁର, ମହାଦୀପ  ମହାକୁର, କିର୍ତୀ ମହାକର, ରିଙ୍କୁ ଝାଙ୍କର, ଝରିଆ ମହାକୁର, ଦେବାରଂଜନ ବଘାର, ଶିବ ବାରିକ, ଦାମୋଦର ସେଠୀ,  ସଦାନନ୍ଦ ସିଂ, ଦେବାର କର୍ଣ୍ଣ, ଦେବରଂଜନ କର୍ଣ୍ଣ ପ୍ରମୁଖ ସହଯୋଗ କରିଥିଲେ ।