09-Mar-2021

କଳାହାଣ୍ଡି (ସଞ୍ଜୀବ ଦାସ) ବେଦାନ୍ତ ସହ ବୁଝାମଣା ପତ୍ର ବାତିଲ କରି କଳାହାଣ୍ଡି ଜିଲ୍ଲା ଭଙ୍ଗାବାରି ଠାରେ  ପ୍ରସ୍ତାବିତ ମେଡିକାଲ କଲେଜ ନିର୍ମାଣ କୁ ରାଜ୍ୟ ସରକାର  ଅନିଶ୍ଚିତତା ମଧ୍ୟ କୁ ଠେଲି ଦେଇଛନ୍ତି ବୋଲି ଅଭିଯୋଗ କରିଛନ୍ତି ବିରୋଧୀ ଦଳ ନେତା ପ୍ରଦୀପ୍ତ କୁମାର ନାୟକ  |  ଆଦିବାସୀ ବହୁଳ କଳାହାଣ୍ଡି ବାସି ଙ୍କ ସରଳତା ର  ସୁଯୋଗ  ନେଇ ଜିଲ୍ଲା ବାସୀଙ୍କୁ ପ୍ରତାରିତ କରିଛନ୍ତି ରାଜ୍ୟ ସରକାର | ଫଳ ରେ ଜିଲ୍ଲା ବାସୀଙ୍କ ବହୁ ଦିନ ର ଆଶା ଓ ସ୍ବପ୍ନ ପୁଣି ଥରେ ଧୂଳିସାତ ହୋଇଛି ବୋଲି ଅଭିଯୋଗ କରିଛନ୍ତି ଶ୍ରୀ ନାୟକ  | ମୁଖ୍ୟମନ୍ତ୍ରୀ କେବଳ କଳାହାଣ୍ଡି ଜିଲ୍ଲା ରେ ବିଭିନ୍ନ ପ୍ରକଳ୍ପ ଉଦ୍ଘାଟନ କରି ଲୋକଙ୍କୁ ଭୁଆଁ ବୁଲାଉଛନ୍ତି ବୋଲି ଭବାନୀପାଟଣା ସର୍କିଟ ହାଉସ ଠାରେ ଏକ ସାମ୍ବାଦିକ ସମ୍ମିଳନୀ ରେ କହିଛନ୍ତି ପ୍ରଦୀପ୍ତ ନାୟକ |       ଭଗାଂବାରୀ ଠାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  ୨୦୧୮ ମସିହାରେ  ମେଡିକାଲ କଲେଜ ସ୍ଥାପନ ପାଇଁ ଭିତ୍ତିପ୍ରସ୍ତର  ଦେଇଥିଲେ । ୫ ଶହ ଶର୍ଯ୍ୟା ବିଶିଷ୍ଟ ହସ୍ପିଟାଲ ପାଇଁ ପ୍ରାଥମିକ ଆବଶ୍ୟକ ୩୫୦ କୋଟି ରୁ ରାଜ୍ୟ ସରକାର ୨୫୦ କୋଟି ତଥା ବେଦାନ୍ତ ୧୦୦ କୋଟି ପ୍ରଦାନ ପାଇଁ ଚୁକ୍ତି ରହିଥିଲା । ବର୍ତମାନ ଭଗାଂବାରୀ ଠାରେ ସରକାର ଦେଇଥିବା ଅନୁଦାନ ରେ ମେଡିକାଲ କଲେଜ ର ନିର୍ମାଣ ୬୦ ପ୍ରତିଶତ ଶେଷ ହୋଇଛି  ।  ହେଲେ ହଠାତ ସରକାର ବେଦାନ୍ତ ଦେବାକୁ ଥିବା ୧୦୦ କୋଟି ର ବିଳମ୍ବ ତଥା କାର୍ଯ୍ୟ ବିଳମ୍ବ  ଯୋଗୁଁ ଚୁକ୍ତି ବାତିଲ ନିଷ୍ପତି ମେଡିକାଲ କଲେଜ ପ୍ରତିଷ୍ଠାକୁ ନେଇ ପୁଣି ଅନିଶ୍ଚିତତା ଦେଖାଯାଇଛି । ତେଣୁ ଜିଲ୍ଲା ବାସୀଙ୍କୁ ଏହିଭଳି ପ୍ରତାରଣା ନ କରିବା ପାଇଁ ଚେତାବନୀ ଦେଇଛନ୍ତି ବିରୋଧୀଦଳ ନେତା ଶ୍ରୀ ନାୟକ  |  ପୁର୍ବରୁ କଳାହାଣ୍ଡି ର ଜାରିଙ୍ଗ ଠାରେ  ପ୍ରଥମେ  ମେଡିକାଲ କଲେଜ ପ୍ରତିଷ୍ଠା ପାଇଁ  ୨୦୦୯ ମସିହା ରେ  ତାମିଲନାଡୁ ର ସେଲଭମ ଚେରଟେବୁଲ ଟ୍ରଷ୍ଟ ଓ ପଶ୍ଚିମ ଓଡିଶା ବିକାଶ ପରିଷଦ  ପିପିପି ମୋଡ ରେ କଲେଜ ଆରମ୍ଭ ପରେ ବନ୍ଦ ହେଵା ଏଂବ ବର୍ତମାନ ଏହିଭଳି ପଦକ୍ଷେପ ଜିଲ୍ଲା ବାସୀଙ୍କୁ ମର୍ମାହତ କରିଛି ବୋଲି ସେ କହିଛନ୍ତି  । ତେବେ କେନ୍ଦ୍ର ସରକାର ଙ୍କ ସହାୟତା ରେ ଅତିଶୀଘ୍ର କଳାହାଣ୍ଡି ଜିଲ୍ଲା ରେ ମେଡିକାଲ କଲେଜ ନିର୍ମାଣ ହେବ ବୋଲି ସେ ପ୍ରତିଶୁତି ଦେଇଛନ୍ତି  | ଏହି ସାମ୍ବାଦିକ ସମ୍ମିଳନୀ ରେ ଜିଲ୍ଲା ସଭାପତି ଦେବେନ୍ଦ୍ର ମହାନ୍ତି,  ଜିଲ୍ଲା ପରିଷଦ ଅଧ୍ୟକ୍ଷା ନମିତାରାଣୀ ସାହୁ,  ଉପାଧ୍ୟାକ୍ଷ ଭବସିନ୍ଧୁ ମଙ୍ଗରାଜ,  ବ୍ଲକ ଅଧ୍ୟକ୍ଷା ସନ୍ତୋଷୀ ଦାସ,   ଉପ ସଭାପତି ବଦ୍ରି ପଟନାୟକ,  ପ୍ରଶାନ୍ତ ସାହୁ,  ସାଧାରଣ ସମ୍ପାଦକ ଯୁଗଳ ପୋଢ଼ ଜୟଶଙ୍କର ନାୟକ, ବରିଷ୍ଠ ନେତା ଭବେନ୍ଦ୍ର ପଣ୍ଡା, ରମେଶ ମାଝୀ,   ଭାନୁ ପ୍ରକାଶ ରଥ ପ୍ରମୁଖ ଉପସ୍ଥିତ ଥିଲେ |