09-Mar-2021

ବଲାଙ୍ଗିର (ସନ୍ତୋଷ କୁମାର ଠାକୁର): ଯାଇଥିଲେ ବରଯାତ୍ରୀ ହୋଇ, ହେଲେ ଘଟିଗଲା ଅଘଟଣ । କନିଆଁ ଘର ନିକଟରେ ଥିବା ଏକ ଡ୍ରେନ୍‌ରେ ପଡି ଜଣେ ଯୁବକଙ୍କ ମୃତ୍ୟୁ ହୋଇଛି । ମୃତକ ବଲାଙ୍ଗୀର ବ୍ଲକ ଖଇରିପାଲି ଗାଁର ନିରୋଦ ଜୁଏଡ଼ ବୋଲି ଜଣାପଡିଛି ।

ଖବର ଅନୁଯାୟୀ, ବଲାଙ୍ଗୀର ଜିଲ୍ଲା ଖଇରିପାଲିରୁ ଏକ ବର ତୁଷୁରା ଚେମରାମୁଣ୍ଡା ଯାଇଥିଲା । ଉକ୍ତ ବରଯାତ୍ରୀରେ ନିରୋଦ ମଧ୍ୟ ଯାଇଥିଲେ । ଭୋଜି ଖାଇଗାଡ଼ି ପାଖକୁ ଆସୁଥିବା ବେଳେ କନିଆଁ ଘଟ ନିକଟରେ ଥିବା ଏକ ଡ୍ରେନ୍‌ରେ ପଡିଯାଇଥିଲେ । ଯାହାଫଳରେ କି ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା । ଶେଷରେ ତାଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଯାଇଥିଲା । ଏହାପରେ ତାଙ୍କୁ ସେଠାରୁ ଉଦ୍ଦାର କରି ଭୀମଭୋଇ ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି । ସେଠାରେ ତାଙ୍କ ଶବ ବ୍ୟବଚ୍ଛେଦ ପାଇଁ ମୃତଦେହ ରଖାଯାଇଛି । ତେବେ ଉକ୍ତ ବରଯାତ୍ରୀରେ ଗଣ୍ଡଗୋଳ ହୋଇଥିବା ପୋଲିସ ସନ୍ଦେହ କରୁଛି ।