15-Oct-2020

ଉଲୁଣ୍ଡା୧୫ା୧୦ (ଗୌର ଚନ୍ଦ୍ର ପରିଛା)- ଭାଇଭଉଣୀର ସମ୍ପର୍କ ହେଉଛି ପବିତ୍ର ସର୍ମ୍ପକ । ଭଉଣୀ ସବୁବେଲେ ଭାଇର ଡୀର୍ଘାୟୁ କାମନା ଉପବାସ ରହି ରାକ୍ଷୀ ବାନ୍ଧିବା ସହ ଭାଇ ଜିଉଁତିଆ କରିଥାଏ । ହେଲେ ସେହି ଭଉଣୀକୁ ସମ୍ମାନ ଜଣାଇ  ଜଣେ ଯୁବକ ଦାକ୍ତରଖାନରେ ରକ୍ତ ନମିଲିବାରୁ ନିଜେ ରକ୍ତଦାନ କରି ଭଉଣୀର ଜୀବନ ବଂଚାଇଛନ୍ତି । ଏଭଲି ଜଣେ ଯୁବକ ହେଉଛନ୍ତି ଉଲୁଣ୍ଡା ବ୍ଲକ ପଂଚମହଲା ପଂଚାୟତର କୁକିଆ ଗ୍ରାମର ମଧୂସୁଦନ ବିଶ୍ୱାଲ । ସୂଚନା ଅନୁଷାରେ ମଧୂସୁଦନଙ୍କ ଭଉଣୀ ଗୋଲାପି ବିସ୍ୱାଲଙ୍କ(୧୦) ଦେହ ଅସୁସ୍ଥ ହେବାରୁ ୧୩ ତାରିଖ ଦିନ ସୋନପୁର ମୁଖ୍ୟ ଚିକିତ୍ସାଳୟରେ ଭର୍ତୀ କରିଥିଲେ । ଚିକିତ୍ସାପରେ ଦାକ୍ତର ଗୋଟିଏ ରକ୍ତର ଆବଶ୍ୟକତା ବୋଲି କହିଥିଲେ । ହେଲେ ଗୋଲାପିକୁ  ଏ ପଜିଟିଭ ରକ୍ତ ଦେବାପାଇଁ  ରକ୍ତଭଣ୍ଡାରେ ରକ୍ତ ନଥିଲା । ସେହିସମୟରେ ରକ୍ତଦାନ କରିବା ପାଇଁ କେହି ଆସିନଥିଲେ । ଶେଷରେ ନିଜର ଓଜନ କମ ଥାଇ ମଧ୍ୟ ଭଉଣିର ଜୀବନ ବଂଚାଇବା ପାଇଁ ମଧୁସୁଦନ ରକ୍ତଦାନ କରିଥିଲେ । ତେବେ ଭଉଣିର ସମ୍ମାନ ରକ୍ଷା ପାଇଁ ମଧୁସୁଦନଙ୍କ ଏଭଲି ଏକ ପଦେକ୍ଷପକୁ ସୁବର୍ଣ୍ଣପୁର ରକ୍ତଦାତା ସଙ୍ଘର ସଭାପତି ମନୋଜ ପଣ୍ଡା ସାଧୁବାଦ ଜଣାଇଛନ୍ତି ।