28-Feb-2021

କଣ୍ଟାବାଞ୍ଜି (ପ୍ରେରଣା ଖବର): କରୋନା ମହାମାରୀର ନିର୍ଦ୍ଦେଶ କୁ ପାଳନ ପୂର୍ବକ ସାମାଜିକ ଦୂରତା, ମାସ୍କ ପରିଧାନ ଓ ସେନିଟାଇଜେସନ ସହିତ ମାଝୀପଡା ପ୍ରାଥମିକ ବିଦ୍ୟାଳୟଠାରେ ପ୍ରତିବର୍ଷ ଭଳି ଜାତୀୟ ଵିଜ୍ଞାନ ମେଳା ପାଳିତ ହୋଇଯାଇଛି।ପ୍ରକୃତିବନ୍ଧୁ ପ୍ରଧାନ ଶିକ୍ଷକ ଶ୍ରୀ ବିରଞ୍ଚି ନାରାୟଣ ଦାଶଙ୍କ ଆହ୍ୱାନ କ୍ରମେ ଅତିଥି ଭାବରେ ଅବସର ପ୍ରାପ୍ତ ଶିକ୍ଷକ ଥମିର ଛତ୍ରିଆ, ଶିକ୍ଷକ କିଶୋର ବରିହା,ଶିକ୍ଷୟିତ୍ରୀ ଦେବକୀ ତାଣ୍ଡି, କୈଳାଶ ମାଝୀ, ଅଗସ୍ତି ମାଝୀ, ପୂର୍ଣ୍ଣ ଚନ୍ଦ୍ର ନିଆଲ ଉପସ୍ଥିତ ଥିଲେ।ବିଜ୍ଞାନ କୁ ସି.ଭି.ରମଣଙ୍କର ବିଶେଷ ଅବଦାନକୁ ସଦାସର୍ବଦା ସ୍ମୃତିଚାରଣ କରିବା ସହିତ ଶ୍ରୀ ରମଣଙ୍କୁ ସମ୍ମାନ ଜଣାଇବାକୁ ଆଜିର ଦିବସ ପାଳନ କରାଯାଇଥାଏ ବୋଲି ଶ୍ରୀ ଦାଶ ପ୍ରକାଶ କରିଥିଲେ।ବିଜ୍ଞାନ ର ଦାନ ସଦାସର୍ବଦା ସମାଜର ହିତ ସାଧନ ପାଇଁ ଏବଂ ଏହାର ଜ୍ୱଳନ୍ତ ଉଦାହରଣ ହେଉଛି କୋଭିଦ ଟୀକା ଉଦ୍ଭାବନ ବୋଲି ଅନ୍ୟ ଅତିଥି ମାନେ ନିଜ ବକ୍ତବ୍ୟ ରେ କହିଥିଲେ। କୋମଳମତି ଛାତ୍ରଛାତ୍ରୀ ମାନଙ୍କୁ ଯ କୌଣସି ଶିକ୍ଷା ଦିଆ ଯାଉଛି ତାହା ବୈଜ୍ଞାନିକ ପଦ୍ଧତିରେ ହେବା ଉଚିତ ବୋଲି ସର୍ବ ସମ୍ମତି ରେ ଉପସ୍ଥିତ ଅଭିଭାବକ ସହମତି ଦେଇଥିଲେ।ବର୍ତ୍ତମାନ କରୋନା ମହାମାରୀ ଜନ ଜୀବନକୁ ବ୍ୟତିବ୍ୟସ୍ତ କରି ସାରିଛି ତେଣୁ ତାହା ପ୍ରତି ସତର୍କ ରହିବାକୁ ସମସ୍ତଙ୍କୁ ପରାମର୍ଶ ଦିଆଯାଇଥିଲା।ଛାତ୍ରଛାତ୍ରୀ ମାନଙ୍କ ଅବଗତି ନିମନ୍ତେ ବିଦ୍ୟାଳୟ ବନ୍ଦ ଥିବା ହେତୁରୁ ଆଜିର କାର୍ଯ୍ୟକ୍ରମ ର ସବିଶେଷ ବିବରଣୀ ବିଦ୍ୟାଳୟ ର ହ୍ୱଟସଆପ ଗୃପରେ ପ୍ରେରଣ କରାଯାଇଥିଲା।