26-Feb-2021

ବଲାଙ୍ଗୀର (ପ୍ରେରଣା ଖବର): ଗତକାଲି ବଲାଙ୍ଗୀର  ସିଡ଼ିଏମଓ କାର୍ଯ୍ୟଳୟ ପରିସରରେ  ଶତାଧିକ ମହିଳା ସ୍ବାସ୍ଥ୍ୟ କର୍ମୀ ସ୍ଥାୟୀ ନିଯୁକ୍ତି ଦାବିରେ ସିଡ଼ିଏମଓ ଡ଼. ଭୀମ ସାହୁଙ୍କୁ ଦାବିପତ୍ର ପ୍ରଦାନ ସହ ଧାରଣା ଦେଇଛନ୍ତି। ତେବେ ସୂଚନା ଅନୁସାରେ ବଲାଙ୍ଗୀର ଜିଲ୍ଲାରେ ଏକ ହଜାର ତିନିସହ ଏକ ଜଣ ଏନଏଚଏମ ସ୍ବାସ୍ଥ୍ୟ କର୍ମୀ ନିଷ୍ଠା ର ସହ କାମ କରି ଆସୁଛନ୍ତି l ଏମାନେ ଦୀର୍ଘ ବର୍ଷରୁ ନିୟମିତ ଭାବେ ନିଜ କାର୍ଯ୍ୟ ସୁଚାରୁରୂପେ ତୁଲାଇ ଆସୁଥିବା ସତ୍ୱେ ଏଯାବତ୍ ଏହି ସ୍ଵସ୍ଥ୍ଯ କର୍ମୀ ମାନେ ସ୍ଥାୟୀ କର୍ମଚାରୀ ଭାବେ ନିଯୁକ୍ତି ପାଇପାରି ନାହାନ୍ତି l  ଗତ ବର୍ଷ ୧୯. ୧୧,୨୦୨୦ ରେ  ଅର୍ଡର ନ ୨୬୭୨୪ ରେ ଏମାନଙ୍କ ସ୍ଥାୟୀ ନିଯୁକ୍ତି ହେବା ପାଇଁ ଚିଠି ଆସିଥିବା ବେଳେ ଏହାର ଠିକ ଗୋଟେ ମାସ ତଥା ୨୧,୧୨,୨୦୨୦ରେ ଏକ ହଜାର ୩୦୧ ଜଣ ସ୍ବାସ୍ଥ୍ୟ କର୍ମୀ ଙ୍କ ସମସ୍ତ ପ୍ରକାର ଭେରୀଫିକେସନ ସରି ଥିବା ବେଳେ ଏମାନଙ୍କ ମଧ୍ୟରୁ ୧୨୦ଜଣ ସ୍ଥାୟୀ ନିଯୁକ୍ତି ତଥା ରେଗୁଲାର ହେବା ପାଇଁ ମନୋନୀତ ହୋଇଥିଲେ । ସରକାରୀ ନିର୍ଦେଶନାମାନୁସାରେ ସରକାରୀ ଅର୍ଡର ର ସାତ ଦିନ ମଧ୍ୟରେ ଏମାନଙ୍କ ପୋଷ୍ଟିଙ୍ଗ ହେବା କଥା ଯାହା ଏମାନଙ୍କ କ୍ଷେତ୍ରରେ ଲାଗୁ ହୋଇନାହିଁ ବୋଲି ସ୍ୱାସ୍ଥ୍ୟ କର୍ମୀ ମାନେ ଅଭିଯୋଗ କରିଛନ୍ତି l ତେବେ ଦୀର୍ଘ ଦିନ ପରେ ମଧ୍ୟ କୌଣସି ପ୍ରକାର ଏମାନଙ୍କ ସ୍ଥାୟୀ ନିଯୁକ୍ତି ପାଇଁ ପଦକ୍ଷେପ ନେବାରୁ ଅସନ୍ତୁଷ୍ଟ  ସ୍ୱାସ୍ଥ୍ୟ କର୍ମୀ ମହିଳା ମାନେ ଗତକାଲି ବଲାଙ୍ଗୀର ସିଡିଏମଓ ଙ୍କୁ ସ୍ଥାୟୀ ନିଯୁକ୍ତି ସମ୍ବନ୍ଧୀୟ ବିଷୟରେ ଆଲୋଚନା କରିଥିଲେ। ସିଡ଼ିଏମଓ ଶ୍ରୀ ସାହୁ ଏମାନଙ୍କ ସ୍ଥାୟୀ ନିଯୁକ୍ତି ଏବେ ହୋଇପାରିବ ନାହିଁ ଏବଂ ଦୁଇ ମାସ ପରେ ସମସ୍ତ ପୋଷ୍ଟିଙ୍ଗ କରାଯିବ ବୋଲି ପ୍ରତିଶ୍ରୁତି ଦେଇଥିବା ଏନଏଚଏମ ସ୍ବାସ୍ଥ୍ୟ କର୍ମୀ ମାନେ ଆମ ପ୍ରେରଣା ପ୍ରତିନିଧିଙ୍କୁ କହିଛନ୍ତି l ତେବେ ନିଜ ଦାୟିତ୍ୱ ସହ ନିଜ କାର୍ଯ୍ୟକୁ ସୁଚାରୁ ରୁପେ ତୁଲାଉଥିବା ସତ୍ୱେ ଉଚ୍ଚପଦସ୍ଥ ଅଧିକାରୀଙ୍କ  ଏଭଳି ବୈମାତୃକ ମନୋଭାବକୁ ସ୍ଵlସ୍ଥ୍ଯ କର୍ମୀ ମାନେ ଦୃଢ ନିନ୍ଦା କରିଛନ୍ତି l ଜିଲ୍ଲା ପ୍ରଶାସନର ବୈମାତୃକ ମନୋଭାବ ପ୍ରତିବାଦରେ ଆସନ୍ତା  ଫେବୃଆରୀ  26 ତାରିଖରୁ ଏନ୍ ଏଚ୍ ଏମ୍.  ସ୍ଵlସ୍ଥ୍ଯ କର୍ମୀ ମାନେ  ସମ୍ପୁର୍ଣ୍ଣ କାର୍ଯ୍ୟ ବନ୍ଦ ଡାକରା ଦେବା ପାଇଁ ନିଷ୍ପତ୍ତି ନେଇଛନ୍ତି ।