26-Feb-2021

ଟିଟିଲାଗଡ଼ (ପ୍ରେରଣା ଖବର):ବଲାଙ୍ଗୀର ଜିଲ୍ଲା ତତଲାଗଡ଼ ରୂପେ ପରିଚିତ ଟିଟିଲାଗଡ ବ୍ୟାପକ ତାପମାତ୍ରା ନେଇ ଚର୍ଚ୍ଚା ରେ ରହୁଥିବା ବେଳେ ଆଗାମୀ ଦିନରେ ଗ୍ରୀଷ୍ମପ୍ରବାହ ସହ ପାନୀୟଜଳ ବଣ୍ଟନ ର ସୁବ୍ୟବସ୍ଥା କରିବା ନେଇ ପ୍ରଶାସନିକ ଉଦାସୀନତା ଦେଖା ଦେଇଛି । ଏପରି କି ସହର ଓ ସମଗ୍ର ଉପଖଣ୍ଡରେ ଏବେ ଠାରୁ ପାଣି ପାଇଁ ଲୋକେ ସବୁବେଳେ ଡହଳ ବିକଳ ହେବା ସାରହୋଇଛି । ପ୍ରକାଶ ଯେ, ଟିଟିଲାଗଡ ଉପଖଣ୍ଡ ଜଳ ଯୋଗାଣ ବିଭାଗ ପକ୍ଷରୁ ସରକାରୀ ଭାବେ ୨୬ସହ ଗୃହକୁ ଜଳ ଯୋଗାଣ ବ୍ୟବସ୍ଥା କରାଯାଇଛି ଓ ନିୟମିତ ଟିକସ ଆଦାୟ ହୋଇ ଚାଲିଛି । ହେଲେ ସମୁଦାୟ ୧୪ ହଜାର ଗୃହକୁ ଜଳ ଯୋଗାଣ କରାଯାଇଛି । ଏଣୁ ଏହି ବିଭାଗୀୟ ଅଧିକାରୀ ଏତେ ମାତ୍ରାରେ ଜଳଯୋଗାଣ ବ୍ୟବସ୍ଥା କରିଦେଇ ଓ ଜଳ ଯୋଗାଣ ବ୍ୟବସ୍ଥା କରି ଉକ୍ତ ହିତାଧିକାରୀ ଙ୍କୁ ଜଳ ଯୋଗାଣ କେବେ କେମିତି କରି ସମ୍ପୂର୍ଣ୍ଣ କାର୍ଯ୍ୟକ୍ଷମ କରାଯାଇ ନ ଥିବା ଦର୍ଶାଇଛନ୍ତି । ଏଥି ପାଇଁ ଏହି ସମସ୍ତ ହିତାଧିକାରୀଙ୍କୁ  ପୁନଃ ଅନ୍ତର୍ଭୁକ୍ତ କରାଯିବ ବୋଲି କହିଛନ୍ତି । ତେବେ ବର୍ତ୍ତମାନ ୮/୧୦ ଦିନରେ ଥରେ ଜଳ ଯୋଗାଣ ଯୋଗୁଁ ସାଧାରଣ ଅକଥନୀୟ ଦୁର୍ଦ୍ଦଶାର ଶିକାର ହେଉଛନ୍ତି । ସରକାରୀ ନିୟମ ଅନୁଯାୟୀ ପ୍ରତିଦିନ ସମସ୍ତ ଜଳ ଯୋଗାଣ କରିଥିବା ଉପଭୋକ୍ତାଙ୍କୁ ଦୁଇ ସମୟରେ ଜଳଯୋଗାଣ କରିବା ନିୟମ ଥିବା ବେଳେ କାର୍ଯ୍ୟକାରୀ ହୋଇପାରୁ ନାହିଁ । ପ୍ରକାଶ ଯେ କେତେ ପରିମାଣର ଜଳଯୋଗାଣ ବ୍ୟବସ୍ଥା ନିଜ କାର୍ଯ୍ୟ ପରିସର ଭୁକ୍ତ କରିବା ଉଚିତ ତାହା ର ଖିଲାପ କରି ନିଜ ମନଇଚ୍ଛା ସଂଯୋଗ କରୁଥିବା ଯୋଗୁଁ ଏପରି ସମସ୍ୟ ସୃଷ୍ଟି ହୋଇଛି ।  ଜନସାଧାରଣଙ୍କ ସର୍ବନିମ୍ନ ସୁବିଧାକୁ ସରକାରୀ ଓ ବେସରକାରୀ ଭାବେ ଜଳ ସଂଯୋଗ କରିବା ଓ ପରେ କାର୍ଯ୍ୟକ୍ଷମ କରାଯିବା ପରି ବିବୃତି ପ୍ରଦାନ କରିବା ବାସ୍ତବିକ ପ୍ରଶ୍ନବାଚୀ ସୃଷ୍ଟି ହୋଇଛି । ସେହିପରି କିଛି ଲୋକଙ୍କୁ ଜଳଯୋଗାଣ କରିବା ନେଇ ବ୍ୟାପକ ଅର୍ଥ ଆଦାୟ କରାଯାଉଥିବା ପରି ଅଭିଯୋଗ ହୋଇଆସୁଛି । ଆଗକୁ ଗ୍ରୀଷ୍ମ ଋତୁକୁ ଆଗରେ ରଖି ନୁତନ ଟ୍ୟାଙ୍କର ନିର୍ମାଣ ଓ ଆବଶ୍ୟକୀୟ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ହେଉଛି  । ନିଜ ମନଇଚ୍ଛା ସଂଯୋଗ କରାଯାଇଥିବା ସ୍ଥାନ ଚିହ୍ନଟ ସହ ବିଭାଗୀୟ ଅଧିକାରୀ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଦୃଢ଼ ଦାବି ହେଉଛି ।