14-Oct-2020

ଦିଲ୍ଲୀ,୧୪/`୧୦-ନିଜ ସମ୍ପର୍କୀୟଙ୍କ ସହ ରାସ୍ତା ପାର୍‌ ହେଉଥିବା ୩ ଶିଶୁଙ୍କ ଉପରେ ମାଡ଼ିଗଲା କାର୍‌। ଏହି ଦୁର୍ଘଟଣାରେ ୨ ଶିଶୁଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ଅନ୍ୟ ୨ ଜଣ ଗୁରୁତର ହୋଇଛନ୍ତି। ରାଜଧାନୀ ଦିଲ୍ଲୀରେ ଜଣେ ନାବାଳକ ଦ୍ରୁତ୍‌ ଗତିରେ କାର୍‌ ଚଳାଉଥିବା ବେଳେ ଏପରି ମର୍ମନ୍ତୁଦ ଦୁର୍ଘଟଣା ଘଟିଛି।   ଦିଲ୍ଲୀ ପୋଲିସ ଏ ନେଇ ହିଟ୍ ଆଣ୍ଡ ରନ୍ ମାମଲା ରୁଜୁ କରିବା ସହ ଘଟଣାର ତଦନ୍ତ ଚଳାଇଛି। ନାବାଳକକୁ କଠୋର ଦଣ୍ଡ ଦେବା ପାଇଁ ମୃତକଙ୍କ ବାପା ଦାବି କରିଛନ୍ତି!!*ସୂଚନାଯୋଗ୍ୟ, ଦିଲ୍ଲୀ ମଡେଲ୍ ଟାଉନ ଅଞ୍ଚଳରେ  ନିଜ ସମ୍ପର୍କୀୟଙ୍କ ସହ ୩ ଶିଶୁ ରାସ୍ତା ପାର୍ ହେଉଥିଲେ। ଏହି ସମୟରେ ଜଣେ ନାବାଳକ ଦ୍ରୁତ ଗତିରେ କାର୍ ଚଳାଇ ଯାଉଥିବା ବେଳେ ସେମାନଙ୍କ ଉପରେ ମାଡ଼ି ଯାଇଥିଲା। ଏହି ଦୁର୍ଘଟଣାରେ ଜଣେ ୫ ବର୍ଷର ଶିଶୁ ଓ ଅନ୍ୟ ଜଣେ ୮ ବର୍ଷର ଶିଶୁର ଘଟଣାସ୍ଥଳରେ ମୃତ୍ୟୁ ହୋଇଛି। ଅନ୍ୟ ଜଣେ ଶିଶୁ ଓ ଜଣେ ସମ୍ପର୍କୀୟ ଗୁରୁତର ଆହତ ହୋଇଛନ୍ତି ।  ଉଭୟଙ୍କୁ ମେଡିକାଲରେ ଭର୍ତ୍ତି କରାଯାଇଛି । କାର୍ ଚଳାଉଥିବା ନାବାଳକର ବୟସ ୧୭ ବର୍ଷ ହେବ।  ତାଙ୍କ ବିରୋଧରେ କଠୋର ଦଣ୍ଡବିଧାନ କରିବାକୁ ଦାବି ହୋଇଛି!