13-Feb-2021

କଳାହାଣ୍ଡି,କୋକସରା(ତ୍ରିନାଥ ଵେଶ୍ରା): କଳାହାଣ୍ଡି ଜିଲ୍ଲା ଓ ଜୁନାଗଡ ସହରର ଜନସାଧାରଣ ରାଜଧାନୀ ଭୁବନେଶ୍ଵରକୁ ଯିବା ପାଇଁ ବହୁ  କଷ୍ଟ ର ସମ୍ମୁଖୀନ ହେବାକୁ  ପଡୁଛି l ବସରେ ଅଧିକ ଟଙ୍କା ଦେଇ ଗରିବ ଲୋକମାନେ ଭୁବନେଶ୍ବର ଯିବା ସମ୍ଭବ ହେଉ ନାହିଁ । ରେଳ ସମସ୍ତଙ୍କ ନିମନ୍ତେ ଭଲ ଥିଲା। କିନ୍ତୁ ବହୁ ଦିନ ହୋଇଗଲା  କରୋନା ପାଇଁ ରେଳ ସେବାା ସମ୍ପୂର୍ଣ୍ଣ ବନ୍ଦ ଥିବାରୁ ଜନସାଧାରଣଙ୍କ ମଧ୍ୟରେ ଘୋର ନୈରାଶ୍ଯ ପ୍ରକାଶ ପାଉଛି l ଲୋକଙ୍କ ସୁବିଧା ଦୃଷ୍ଟିରୁ ଜୁନାଗଡ଼ ହିରାଖଂଡ, ଜୁନାଗଡ ରାୟପୁର ପାସେଂଜର  ଏବଂ ଜୁନାଗଡ଼ ସମ୍ବଲପୁର ପାସେଂଜର ତୁରନ୍ତ ଚଳାଚଳ କରୁ ବୋଲି  ଜନସାଧାରଣ ଦାବି  କରୁଛନ୍ତି l ବର୍ତମାନ ଜୁନାଗଡ ଷ୍ଟେସନ ଟି ଖାଁ ଖାଁ ଲାଗୁଛି। ଏଠାରେ ନା ଅଛି ଟ୍ରେନ୍  ନା ଅଛି ଜନଗହଳି l ଏପରି ପରିସ୍ଥିତିରେ ରୋଗୀଙ୍କୁ ଧରି  ବିଶାଖାପାଟଣା ହସ୍ପିଟାଲ, ଭୁବନେଶ୍ବର ହସପିଟାଲ କିମ୍ବା  ବ୍ରହ୍ମପୁର ହସପିଟାଲ ଯିବା କଷ୍ଟ ହେଉଛି। ଦେଖିବାକୁ ଗଲେ ସମସ୍ତ ଦିଗରୁ ଜନସାଧାରଣ  ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି l  ଏଣୁ ସାମୁହିକ ସ୍ଵାର୍ଥ ଦୃଷ୍ଟିରୁ ଅତିଶୀଘ୍ର  ଏଠାରୁ ହିରାଖଣ୍ଡ ଏକ୍ସପ୍ରେସ ଚଳାଚଳ କରୁ ବୋଲି ଜନମତ ପ୍ରକାଶ ପାଇଛି l