12-Feb-2021

କଳାହାଣ୍ଡି(ସଂଜୀବ କୁମାର ଦାସ) : ବହୁ ଚର୍ଚ୍ଚିତ ଖଇରପଦର ପୀତାମ୍ବର ଶବର ହତ୍ୟା ମାମଲାରେ ଜଣେ ମହିଳାଙ୍କ ସମେତ ୪ ଗିରଫ। ଧର୍ମଗଡ ପୋଲିସ ବହୁ ତନାଘନା କରିବା ପରେ ଅଭିଯୁକ୍ତଙ୍କୁ ଗିରଫ କରିଛି। ଦୀର୍ଘ ଦିନର ଘର ଡିହ ବିବାଦକୁ ନେଇ ହତ୍ୟାକାଣ୍ଡ ଘଟିଥିଲା। ଗିରଫ ଅଭିଯୁକ୍ତ ‌ହେଲେ ଶାନ୍ତିଲତା ନାଏକ, ଲକ୍ଷପତି ନାଏକ, ପଞ୍ଚାନନ ନାଏକ ଓ ରାଜେଶ ନାୟକ। ସୂଚନାଥାଉକି  ପିତାମ୍ବରଙ୍କୁ ସଂଘବଦ୍ଧ ଭାବେ ଟାଙ୍ଗିଆ ଆକ୍ରମଣ କରି ହତ୍ୟା କରିଥିଲେ ଦୁର୍ବୃତ୍ତ।

ଗତ ୭ ତାରିଖ ଦିନ ଦ୍ବିପହରରେ ରାସ୍ତାରେ ଗୋଡେଇ ଗୋଡେଇ ତାଙ୍କୁ ହତ୍ୟା କରିଥିଲେ। ହତ୍ୟାକାଣ୍ଡର ୫ ଦିନ ପରେ ଧର୍ମଗଡ ପୋଲିସ ହତ୍ୟାକାରୀଙ୍କୁ ଗିରଫ କରିଛି। ଏହି ହତ୍ୟାକାଣ୍ଡରେ ଆଉ କେଉଁମାନଙ୍କ ସଂପୃକ୍ତି ଥାଇପାରେ ବୋଲି ଖୋଳତାଡ ଆରମ୍ଭ କରିଛି।