11-Feb-2021

ବଲାଙ୍ଗୀର(ସନ୍ତୋଷ କୁମାର ଠାକୁର) : ସଜାଇ ହେଉଛି ବଲାଙ୍ଗୀର ସହର। ବଲାଙ୍ଗୀର ସହରର ବିଭିନ୍ନ ସରକାରୀ କାର୍ଯ୍ୟାଳୟ କଲେଜ ସ୍କୁଲ କାନ୍ଥରେ ଝଲସୁଛି ଜୀବନ୍ତ ଫଟୋଚିତ୍ର। ହେଲେ ଏବେ ତାହା ଆଉ ନାହିଁ। ଏବେ ନିର୍ଜୀବ ଏହି କାନ୍ଥ ଗୁଡିକୁ ଜୀବନ୍ତ କରିଛନ୍ତି ସ୍ଥାନୀୟ କଳା ସଂସ୍କୃତି l  ରଙ୍ଗବେରଙ୍ଗର ଚିତ୍ରକଳାରେ ଦେଖିବାକୁ ମିଳୁଛି ଜିଲ୍ଲାର ଐତିହ୍ୟ ପରମ୍ପରାର ଝଲକ। ଜିଲ୍ଲା ପ୍ରଶାସନ ଓ ପୌରପରିଷଦର ସୌନ୍ଦର୍ଯ୍ୟକରଣ କାର୍ଯ୍ୟରେ ସ୍ଥାନ ପାଇଛି ବଲାଙ୍ଗୀର ସହରର ବିଭିନ୍ନ ସରକାରୀ କାର୍ଯ୍ୟାଳୟ ସହ ସ୍କୁଲ କଲେଜ କାନ୍ଥବାଡ। ତେବେ ବହୁ କାନ୍ଥରେ କଳାକୃତି ଚିତ୍ରକଳାକୁ ବେଶ ନିଖୁଣ ଭାବରେ ଚିତ୍ରକାରମାନେ ଚିତ୍ର କରିଥିବା ବେଳେ ସହରର ସମସ୍ତ ସ୍ଥାନରେ ଏଭଳି ଦୃଶ୍ୟ ସହ ସୌନ୍ଦର୍ଯ୍ୟକରଣ କରାଯିବ ବୋଲି କହିଛନ୍ତି ପୌରପରିଷଦ ଅଧିକାରୀ। ସେପଟେ ଏଭଳି ଏକ ପଦକ୍ଷେପକୁ ଭୁରି ଭୁରି ପ୍ରସଂଶା କରିଛନ୍ତି ସହରବାସୀ।

ବଲାଙ୍ଗୀର ସହରର ସମସ୍ତ ସରକାରୀ କାର୍ଯ୍ୟାଳୟ ଓ ସ୍କୁଲ କଲେଜ କାନ୍ଥରେ ଏବେ ଏଭଳି ରଙ୍ଗବେରଙ୍କର ବିଭିନ୍ନ ପ୍ରକାର କଳା ସଂସ୍କୃତି, ଖେଳକୁଦ, ପୁରୁଣା ଇତିହାସ, ବିଜ୍ଞାନ ହଉ କି ଗଣିତ ବିଭିନ୍ନ ପାଠ୍ୟକୁ ନେଇ ତିଆରି କରାଯାଉଛି ଚିତ୍ର। ଯାହାକୁ ବେଶ ଜୀବନ୍ତ କରି ଚିତ୍ରଣ କରିଛନ୍ତି ଚିତ୍ର କଳାକାରମାନେ। ଯାହାକୁ ଦେଖି ବେଶ ପ୍ରସଂଶା କରିଛନ୍ତି ସହରବାସୀ।  

ବଲାଙ୍ଗୀର ଜିଲ୍ଲା ପ୍ରଶାସନର ଅର୍ବାନ ଡେଭଲପମେଣ୍ଟ ଓ ପୌରପରିଷଦ ନିଜସ୍ବ ପାଣ୍ଠିରୁ ଖର୍ଚ୍ଚ କରାଯିବା ସହ କରାଯାଉଛି ଏଭଳି ଚିତ୍ରକଳା ।ସହରକୁ ସୌନ୍ଦର୍ଯ୍ୟକରଣ କରିବା ସହ ଦୀର୍ଘ ଗୋଟିଏ ବର୍ଷଧରି ନିଜ ବ୍ୟବସାୟକୁ ବନ୍ଦ କରିଥିବା କଳାକାରମାନଙ୍କୁ ମଧ୍ୟ ମିଳିଛି ପ୍ରୋତ୍ସାହନ। ପ୍ଲାଷ୍ଟିକପେଣ୍ଟ ବ୍ୟବହାର କରିବା ସହ ଗୋଟିଏ ଗୋଟିଏ ଛିବିକୁ କାଟୁଛନ୍ତି ଚିତ୍ରକଳା ଶିଳ୍ପୀ। ମହାବିଦ୍ୟାଳୟ , ଉପ ଜିଲ୍ଲାପାଳଙ୍କ କାର୍ଯ୍ୟାଳୟ , ରିଜର୍ବ ପୋଲିସ ରାସ୍ତା କଡ କାନ୍ଥ ଭଳି ସ୍ଥାନରେ ଏଭଳି ଚିତ୍ରକଳା ସବୁ କରାଯାଇଥିବା ବେଳେ ଆଗାମୀ ଦିନରେ ସହରର ସମସ୍ତ ସରକାରୀ କାନ୍ଥ ଗୁଡିକୁ ଏଭଳି ଭାବରେ ସୁସଜ୍ଜିତ କରାଯିବା ଚିତ୍ରକଳା ଦ୍ବାରା ବୋଲି କହିଛନ୍ତି ଚିତ୍ର ଶିଳ୍ପୀ । ସେପଟେ ଯଉ ସବୁ ଇତିହାସମାନ ଆଜି ଭଳି ଅତ୍ୟାଧୁନିକ ଯୁଗରେ ଲୋପ ପାଇଯାଇଛି। ସେହିଭଳି ଜିନିଷ ଗୁଡିକୁ ଚିତ୍ର କଳା ମାଧ୍ୟମରେ ଚିତ୍ର କରାଯିବା ଦ୍ବାରା ଆଗାମୀ ପିଢିକୁ ଏକ ନୂଆଁ ଶିକ୍ଷା ମଧ୍ୟ ମିଳିପାରିବ ବୋଲି କହିଛନ୍ତି ସହରର ବରିଷ୍ଠ ନାଗରିକ ଓ କଳାକାର।