26-Jul-2026

ଲୋଇସିଂହା, (ପ୍ରେରଣା ଖବର) ସୂଚନା ରୁ ପ୍ରକାଶ ଯେ ଆଜି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଉପରଵାହାଲ ପଂଚାୟତ ଓ ସରଗାଡ଼ ପଂଚାୟତ ରେ ପ୍ରବଳ ବର୍ଷl ଯୋଗୁଁ ଘର ଗୁଡିକରେ ଆଣ୍ଠୁଏ ପାଣି ପଶିବା ସହ ଘର ଗୁଡିକ ର ଆସବପାତ୍ର ସବୁ ନଷ୍ଟ ହେବାରେ ଲାଗିଛି l ଏହାର ମୁଖ୍ୟକାରଣ ସରଗଡ଼ ଗ୍ରାମର ସରଗାଡ଼ ମାହାରପାଳି ମଧ୍ୟରେ ଥିବା ରାସ୍ତା ଓ ବ୍ରିଜ ସଂକୀର୍ଣ୍ଣ ହେବାଦ୍ବାରା ପାଣି ରାସ୍ତା ଉପରୁ ମାଡିଯାଇ ରାସ୍ତା କଡ଼ରେ ଥିଵା ଘର କୁ ପ୍ରବେଶ କରିଛି l

ଏହାସହ ଉପରବାହାଲ ପଂଚାୟତ ର କେତୋଟି ଗ୍ରାମ ରେ ପାଣି ପଶିଵା ଦ୍ୱାରା ମାଟିଘର ଭୁଶୁଡି ଯାଇଛି l ଆଜି ସରଗଡ଼ ପଂଚାୟତ ର ସମାଜସେବୀ ତଥା ସମିତିସଭ୍ୟ ବୀରେନ୍ଦ୍ର ସାହୁ ଓ ସରପଞ୍ଚ ସରୋଜ ବେହେରା ପାଣି ପ୍ରବେଶ କରିଥିବା ଘର କୁ ଯାଇ ତଦାରଖ କରିଥିଲେ l ପ୍ରଶାସନ ଏ ଦିଗରେ ହସ୍ତକ୍ଷେପ କରି ରାସ୍ତା ଓ ବ୍ରିଜ ଓସାରିଆ କଲେ ପାଣି ନିଷ୍କାସନ ହେବା ସହ ଲୋକ ଙ୍କ ସୁବିଧା ହେବ ବୋଲି ଗ୍ରାମବାସୀ ଦାବୀ କରିଛନ୍ତି l