11-Jun-2026

ବଲାଙ୍ଗୀର(ପ୍ରେରଣା ଖବର) ଆଜି ଭୋର ୫ଟା ସମୟରେ ବଲାଙ୍ଗୀର ସହରର ବିଶିଷ୍ଟ ଔଷଧ ବ୍ୟବସାୟୀ ରମେଶ ଅଗ୍ରୱାଲ (ରାମୁ ) ଙ୍କ  ହୃଦଘାତରେ ପରଲୋକ ହୋଇଯାଇଛି। ମୃତ୍ୟୁ ସମୟରେ ତାଙ୍କୁ ୫୨ ବର୍ଷ ହେଉଥିଲା।ଛାତିରେ ଯନ୍ତ୍ରଣା ଅନୁଭବ କରିବରୁ ରମେଶଙ୍କୁ ଭୀମ ଭୋଇ ମେଡିକାଲ ରେ ଭର୍ତ୍ତି କରାଯାଇଥିଲା। ତେବେ ଆଜି ଭୋର ୫ଟା ରେ ରମେଶ ଙ୍କ ମୃତ୍ୟୁ ଘଟିଛି। ରମେଶଙ୍କ ପତ୍ନୀ  ଡଲି ଅଗ୍ରୱାଲ ଗତ ୨ ବର୍ଷ ପୂର୍ବରୁ କୋଭିଡ ସମୟରେ ମୃତ୍ୟୁବରଣ କରିଥିବା ବେଳେ ବର୍ତମାନ ତାଙ୍କର ଗୋଟିଏ ପୁଅ ରାଜ ଓ ଗୋଟିଏ ଝିଅ ଦୃଷ୍ଟି ରହିଛନ୍ତି। ରମେଶ ଜଣେ ସରଳ ଓ ସାଧାସିଧା ମଣିଷ ଥିଲେ। ଆଜି ମତ୍ୟୁ ଖବର ପ୍ରଚାର ହେବା ପରେ ରମେଶ ଙ୍କ ରାଧାରାଣୀପଡା ବାସଭବନ ରେ ଆତ୍ମୀୟ ସ୍ୱଜନମାନଙ୍କ ଭିଡ଼ ଜମିଥିଲା।ରମେଶଙ୍କ ଅକାଳ ବିୟୋଗରେ ବଲାଙ୍ଗୀର ସାଂସଦ ସଂଗୀତା ସିଂହ ଦେଓ, ଉପମୁଖ୍ୟମନ୍ତ୍ରୀ କନକବର୍ଦ୍ଧନ ସିଂହଦେଓ, ବିଜେପି ଜିଲ୍ଲା ସଭାପତି ଶ୍ରୀବତ୍ସ ବେହେରା, ମଣ୍ଡଳ ସଭାପତି  ଲଳିତ ଶର୍ମା, ବରିଷ୍ଠ ବିଜେପି ନେତା ଗୋପାଳଜୀ ପାଣିଗ୍ରାହୀ  ପ୍ରମୁଖ ଗଭୀର ଶୋକପ୍ରକାଶ କରିଛନ୍ତି।