04-Jun-2026

କଟକ (ତପନ ମହାନ୍ତି)କଟକ ପୂର୍ତ୍ତ ବିଭାଗ ୧ ରେ ଦୀର୍ଘ ବର୍ଷ ଧରି ଇଂଜିନିୟର ମାନେ ଆଧିପତି ଭଳି ମାଡି ବସି ରହି ସାଙ୍ଘାତିକ ଦୁର୍ନୀତି ଚଳାଇଛନ୍ତି । ବିଶେଷ କରି ପୂର୍ତ୍ତ ବିଭାଗ ଡିଭିଜନ -୧ ଅଧୀନରେ ଥିବା ବୋଷ ସେକ୍ସନ, ବିଡାନାସୀ ସେକ୍ସନ-୧ ସେକ୍ସନ-୨, ତୁଳସୀପୁର ସେକ୍ସନରେ ସାଙ୍ଘାତିକ ଦୁର୍ନୀତି ଚାଲିଛି । ଇଲେକ୍ଟ୍ରିକାଲ ବିଭାଗ କଥା ନ କହିବା ଭଲ । ଜିଡି ସେକ୍ସନ-୧ରେ ଇଂଜିନିୟରଙ୍କ ବାରମ୍ବାର ବଦଳି ଆଦେଶ ବାହାରି ଥିଲେ ମଧ୍ୟ ଏପଟେ ନେତା ମନ୍ତ୍ରୀକୁ ଧରି କ୍ୟାନସେଲ କରିବାରେ ବ୍ୟସ୍ତ । ଇଲେକ୍ତି କାଲ ଇଂଜିନିୟରଙ୍କୁ ବାରମ୍ବାର ବଦଳି ହୋଇଥିଲେ ବି କାହାରିକୁ ଖାତିର କରୁନାହାନ୍ତି । ବଦଳି ଆଦେଶକୁ ବାରମ୍ବାର କ୍ୟାନ୍ ସେଲ କରି ପୁନର୍ବାର ସେହି ସ୍ଥାନରେ ରହୁଛନ୍ତି । ତୁଳସୀପୁର ସେକ୍ସନରେ କୋଟି କୋଟି ଟଙ୍କାର ଟେଣ୍ଡର କାମକୁ ଭଙ୍ଗାଯାଇ ନିର୍ଦ୍ଦିଷ୍ଟ କିଛି ଠିକାଦାରଙ୍କୁ ଏଫ୍ -୨ କାଗଜ କରାଯାଇଥିବାର ଦେଖୁବାକୁ ମିଳିଛି । ଜଣକା ୭୦ । ୮୦ ଲକ୍ଷ ଟଙ୍କାର ଏଫ୍ -୨ କାମ କରି ପେମେଣ୍ଟ କରାଯାଇଥିଲେ ମଧ୍ୟ ଉପରୁ ତଳ ପର୍ଯ୍ୟନ୍ତ ସମସ୍ତେ ମୁହଁ ବନ୍ଦ କରି ବସିଛନ୍ତି । ସୂଚନା ଅଧିକାରରେ ତଥ୍ୟ ମାଗିଲେ ତଥ୍ୟ ମିଳୁନାହିଁ । ଠିକାଦାର ମାନେ କାକୁତି ମିନତି ନେହୁରା ହୋଇ ଗୋଡ଼ହାତ ଧରିଲେ ଲକ୍ଷ ଟଙ୍କାର ସ୍ପିଟପ୍ କାମ ପାଉନଥିଲା ବେଳେ କିଛି ଠିକାଦାର ଯନ୍ତ୍ରୀକୁ ପଚୁର ମାତ୍ରାରେ ମହୁଚେଟେଇ ଜଣକା ୭୦/୮୦ ଲକ୍ଷ ଟଙ୍କାର ସ୍ପିଟପ୍ କାମ କରୁଥିବା ଜାଣିବାକୁ ମିଳେ । ବିଜେପି ଡବଲ ଇଞ୍ଜିନ ସରକାର ଥାଇ ତୁଳସୀପୁର, ବିଡାନାସୀ ସେକ୍ସନ ୧, ଏବଂ ୨ ସେକ୍ସନରେ ଦୁର୍ନୀତି କିପରି ଚାଲିଛି ବୋଲି ଅନ୍ୟ ଠିକାଦାର ମାନେ ପ୍ରଶ୍ନ କରୁଛନ୍ତି । ବୋଷ ସେକ୍ସନ ଦାଇତ୍ବରେ ଥିବା ଇଂଜିନିୟର ୪ଥର ଟ୍ରାନ୍ସଫର ହେଲେଣି ଇଆଇସିକୁ ମୋଟା ଅଙ୍କର ଅର୍ଥ ଦେଇ କ୍ୟାନସେଲ କରି ମାଡିବସି ରହିଛନ୍ତି ଏଠି ଅଭିଯୋଗ କରିବା କାହାକୁ ଶୁଣିବ ବା କିଏ? ଜନୈକ ଇଂଜିନିୟର କେଉଁ କେଉଁ ଠିକାଦାର ମାନଙ୍କୁ କେତେ କେତେ ଟଙ୍କାର ଏଫ୍-୨ କାମ ବାଣ୍ଟିଛନ୍ତି । ପ୍ରତେକ କାମ ହୋଇଛି ନା ନାହିଁ ସର୍ବୋଚ୍ଚ ଯନ୍ତ୍ରୀ, ଭିଜିଲାନ୍ସ ଦ୍ୱାରା ତଦନ୍ତ ହେବାକୁ ବୋଷ କଲେଜର କିଛି କର୍ମ ଚାରୀ ନିଜ ନାମକୁ କୁ ଗୋପନୀୟ ରଖି ଏହା କହିଛନ୍ତି । ସେହିପରି ତୁଳସୀପୁର, ବିଡାନାସୀ ସେକ୍ସନ ୧ଏବଂ୨ ଏସସିବି ମେଡିକାଲ ଜିଡି ସେକ୍ସନ ଅଧୀନରେ ହୋଇଥିବା ପ୍ରତେକଟି କାମକୁ ଭିଜିଲାନ୍ସ ଦ୍ବାରା ତଦନ୍ତ ହେବାକୁ ଦାବି ହେଉଛି ।