26-May-2026

ବିନିକା(ହିମାଂଶୁ ଶେଖର ପୁଟେଲ)ଚଳିତ ବର୍ଷ ଯୁକ୍ତ ଦୁଇ ବିଜ୍ଞାନ ପରୀକ୍ଷାରେ ୫୪୫ ମାର୍କ ରଖି ଜଣେ ମେଧାବୀ ଛାତ୍ରୀ ସାରା ବିନିକା ଅଞ୍ଚଳ ପାଇଁ ଗୌରବ ଆଣିଥିବାରୁ ଶିକ୍ଷକ ତଥା ସାମାଜିକ କର୍ମୀ ଦେବଦତ୍ତ ଆଜି ତାଙ୍କ ଜନ୍ମଦିନରେ ଉପହାର ଦେଇ ଜନ୍ମ ଦିନ ପାଳନ କରିଛନ୍ତି ।ବିନିକା ବ୍ଲକ ଅନ୍ତର୍ଗତ ସିନ୍ଦୂରପୁର ଗ୍ରାମର ଦିନ ମଜୁରିଆ ରଞ୍ଜିତ ବାଘ ଓ ଜୟନ୍ତୀ ବାଘଙ୍କ ଝିଅ ହରପ୍ରିୟା ବାଘ ଚଳିତ ଯୁକ୍ତ ଦୁଇ ବିଜ୍ଞାନ ପରୀକ୍ଷାରେ ସର୍ବମୋଟ ୬୦୦ରୁ ୫୪୫ ମାର୍କ ଅର୍ଥାତ ୯୦.୮୩ ପ୍ରତିଶତ ରଖି ଅଞ୍ଚଳ ପାଇଁ ଗୌରବ ଆଣିଥିବାରୁ ଆଜି ବିନିକା ସେଣ୍ଟ ଭ୍ୟାଲି ହାଇସ୍କୁଲର ଶିକ୍ଷକ ତଥା ସାମାଜିକ କର୍ମୀ ଦେବଦତ୍ତ ପଣ୍ଡା ତାଙ୍କ ଘରକୁ ଯାଇ ନୋଟ ଖାତା ଓ କଲମ ଉପହାର ପ୍ରଦାନ କରି ନିଜ ଜନ୍ମଦିନକୁ ପାଳନ କରିଛନ୍ତି ।ସୂଚନା ଯୋଗ୍ୟଯେ ଛାତ୍ରୀ ହରପ୍ରିୟା ଘରର ଆର୍ଥିକ ସ୍ଥିତିର ସୁଧାର ପାଇଁ ଓ ବାପା ମାଆଙ୍କ ମୁହଁରେ ହସ ଫୁଟାଇ ନେଇ ନିଜେ କଠିନ ପରିଶ୍ରମ କରି ପାଠ ପଢି ଏହି ସଫଳତା ଆଣିଥିବା ପ୍ରକାଶ କରିଛନ୍ତି ।ହରପ୍ରିୟାଙ୍କ ସଫଳତାରେ ଖୁସି ହୋଇ ଶିକ୍ଷକ ଦେବଦତ୍ତ ତାଙ୍କୁ ସମ୍ବର୍ଦ୍ଧିତ କରିବା ସହ ତାଙ୍କର ଉଜ୍ଜଳ ଭବିଷ୍ୟତ କାମନା କରିଛନ୍ତି।