25-May-2026

ଜାମସେଦପୁର(ଝାଡ଼ଖଣ୍ଡ):ଝାଡ଼ଖଣ୍ଡ ରାଜ୍ୟର ଜାମସେଦପୁର ସହରର  ଜାମ ସେଦପୁର ମହିଳା ବିଶ୍ୱବିଦ୍ୟାଳୟରେ  IGNOU BEd ପ୍ରଥମ ବର୍ଷର ୧୨ଦିନିଆ କାର୍ଯ୍ୟଶାଳା-୧ ମେ ୧୧ ରୁ ମେ ୨୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଯାଇଛି। କାର୍ଯ୍ୟଶାଳା ସଂଯୋଜିକା ଡ଼ା ତ୍ରିପୁରା ଝା ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ବିଷୟ ବିଶାରଦମାନଙ୍କ ଅଧ୍ଯକ୍ଷତାରେ ଅତ୍ୟନ୍ତ କୁଶଳତାର ସହିତ ସମାପନ ହୋଇଥିଲା ।ଉକ୍ତ କର୍ମଶାଳାରେ ଓଡ଼ିଶାରୁ ୧୧ଜଣ ବିଇଡି ଶିକ୍ଷାର୍ଥୀ  ରାଜେଶ ସୁନା, ଲଳିତ 

ମୋହନ ନାଗ, ଦିଲିପ କୁମାର ନାଗ, ମନୋରଞ୍ଜନ ମଲିକ, ରାଜୀବଲୋଚନ ଦନ୍ତା, ରଞ୍ଜିତ୍ ପଟେଲ, ଦୁଷ୍ମନ୍ତ ମାଝୀ, ହୃଷିକେଶ ତନ୍ତୀ, ଫିରୋଜ ମାହାତୋ ଓ ଗୋବର୍ଦ୍ଧନ ସୁନା ଆଦି ଯୋଗଦେଇ ସଫଳତାର ସହିତ କାର୍ଯ୍ୟଶାଳାକୁ ସମାପନ କରି ଥିଲେ। ଡଃ ତ୍ରିପୁରା ଝାଙ୍କ ନେତୃତ୍ୱରେ ତୁଳସୀ ଭବନରେ ଝାଡ଼ଖଣ୍ଡର ସ୍ୱାଧୀନତା ସଂଗ୍ରାମୀ  ଭଉଣୀ "ଫୁଲୋ ଜାନୋ"ଙ୍କ ସ୍ମୃତିରେ ଏକ ରକ୍ତଦାନ ଶିବିର ମଧ୍ୟ ଅନୁଷ୍ଠିତ ହୋଇଥିଲା, ଯେଉଁ ଥିରେ ଓଡିଶା ପ୍ରତିଭାଗୀମାନେ ଉତ୍ସାହର ସହିତ

ରକ୍ତଦାନ କରିଥିଲେ । ସମ୍ମାନିତ ଅତିଥି ସ୍ଥାନୀୟ ବିଧାୟକ ତଥା ବହୁ ମାନ୍ୟଗନ୍ୟ ବ୍ୟକ୍ତି ଉପସ୍ଥିତ ରହି ଉତ୍ସାହିତ କରି ଥିଲେ। ଅନ୍ୟମାନଙ୍କ ମଧ୍ଯରେ ବିଶିଷ୍ଟ ଶିକ୍ଷାବିତ୍ ତଥା ଗୁରୁଜନ ମାନେ ଶିକ୍ଷାଦାନ ସହ ଆଶୀର୍ବାଦ କରି ଭଲ କାମ କରିବାକୁ ପରାମର୍ଶ ଦେଇଥିଲେ। ଏହି ଅବସରରେ ବିଦାୟକାଳୀନ ସଭା ଅନୁଷ୍ଟିତ ହୋଇଥିଲା  ଏବଂ ଛାତ୍ରଛାତ୍ରୀ ମାନଙ୍କ ତରଫରୁ ରିସୋର୍ସ ପର୍ସନଙ୍କୁ  ଉପହାର ପ୍ରଦାନ କରା ଯାଇଥିଲା। କାର୍ଯ୍ୟକ୍ରମ ପରିଚାଳନାରେ ବିଜେତା ମେମ୍, ପ୍ରିୟଙ୍କା ମେମ୍, ଇନ୍ଦୁ ମେମ୍ ଓ ସଞ୍ଜିବନୀ ମେମ୍  ଓ ଛାତ୍ରଛାତ୍ରୀ ସହଯୋଗ କରିଥିଲେ।