08-Feb-2021

ମୁମ୍ବାଇ(ପ୍ରେରଣା ଖବର ବ୍ୟୁରୋ): ବଲିଉଡର ବୋଲ୍ଡ ଅଭିନେତ୍ରୀ ତଥା ବେବି ଡଲ୍ ଭାବରେ ଲୋକପ୍ରିୟ ସନ୍ନି ଲିଓନୀଙ୍କ ପାଇଁ ସମସ୍ତେ ଦିଓ୍ବାନା । ସେ ତାଙ୍କର ଲୁକ୍ସକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି । ନିକଟରେ ପୁଣି ଥରେ ସନ୍ନି ଲିଓନୀ ଚର୍ଚ୍ଚାର ବିଷୟ ପାଲଟିଛନ୍ତି କିନ୍ତୁ ଏଥର ଏହାର ପଛର କାରଣ ଅଭିନେତ୍ରୀଙ୍କ ଉପରେ ଲାଗିଥିବା ଠକାମୀର ଅଭିଯୋଗ । ଏହି ମାମଲା ସାମ୍ନାକୁ ଆସିବା ପରେ କ୍ରାଇମବ୍ରାଞ୍ଚ ସନ୍ନି ଲିଓନୀଙ୍କୁ ଘଣ୍ଟାଘଣ୍ଟା ଧରି ପଚରାଉଚରା କରିଛି ।

ସୂଚନା ଅନୁସାରେ, ଜଣେ ବ୍ୟକ୍ତି ସନ୍ନି ଲିଓନୀଙ୍କ ଉପରେ ୨୯ଲକ୍ଷ ଟଙ୍କାର ଠକେଇ କରିଥିବା ଅଭିଯୋଗ ଆଣିଛନ୍ତି । ପେରୁ ମବରୁରରେ ରହୁଥିବା ଆର ଶ୍ରେୟସ ନାମକ ଜଣେ ବ୍ୟକ୍ତି ସନ୍ନି ଲିଓନଙ୍କ ବିରୋଧରେ ଏହି ଅଭିଯୋଗ କରିଛନ୍ତି । ଏବେ ସନ୍ନି ଲିଓନୀ କେରଳରେ ରହି ଛୁଟି ଉପଭୋଗ କରୁଛନ୍ତି । ଆର ଶ୍ରେୟସ ମାମଲାରେ ଦର୍ଶାଇଛନ୍ତି ଯେ, ସନ୍ନି ଲିଓନୀ ତାଙ୍କଠାରୁ ୨୯ଲକ୍ଷ ଟଙ୍କାର ଠକେଇ  କରିଛନ୍ତି ।

ଶ୍ରେୟସ ତାଙ୍କ ଅଭିଯୋଗ ରେ କହିଛନ୍ତି ସେ ସନ୍ନିଙ୍କୁ ଦୁଇଟି ଇଭେଣ୍ଟ ପାଇଁ ଏହି ଟଙ୍କା ଦେଇଥିଲେ । କିନ୍ତୁ, ସେ ଇଭେଣ୍ଟକୁ ଆସିବାକୁ ମନା କରିଦେଇଥିଲେ । ପରେ ଟଙ୍କା ମଧ୍ୟ ଫେରାଇନଥିଲେ । ଯାହାଫଳରେ ବାଧ୍ୟ ହୋଇ ଉକ୍ତ ବ୍ୟକ୍ତିଜଣକ ଥାନାରେ ମାମଲଶ ରୁଜୁ କରିଥିଲେ । ଯାହାଫଳରେ କ୍ରାଇମ ବ୍ରାଞ୍ଚ ସନ୍ନି ଲିଓନୀଙ୍କୁ ଏହି ମାମଲାରେ ପଚାର ଉଚରା କରିଛି ।

ସନ୍ନି ଲିଓନୀଙ୍କ କହିବା କଥା କରୋନା ମହାମାରୀ କାରଣରୁ ସେ କିଛି ଇଭେଣ୍ଟସ୍ର ଭାଗିଦାରୀ ହୋଇ ପାରିନଥିଲେ । ଅଭିନେତ୍ରୀ ଆହୁରି ମଧ୍ୟ କହିଛନ୍ତି, ଯେ ଆୟୋଜକମାନେ ଏହି ସୋକୁ ପାଞ୍ଚଥର ବାତିଲ କରିଛନ୍ତି ଏବଂ କାର୍ଯ୍ୟସୂଚୀ ଅନୁଯାୟୀ ସୋ ସ୍ଥିର କରାଯାଇ ନାହିଁ । ଅନ୍ୟପକ୍ଷରେ କ୍ରାଇମ୍ ବ୍ରାଞ୍ଚର ଅଧିକାରୀମାନେ କହିଛନ୍ତି, ଯଦି ଅନ୍ୟ ଦିନ ପାଇଁ ଆୟୋଜକମାନେ କାର୍ଯ୍ୟକ୍ରମ ସ୍ଥିର କରିବେ, ତେବେ ସେ ସେହି କାର୍ଯ୍ୟକ୍ରମକୁ ଯିବାକୁ ପ୍ରସ୍ତୁତ ଅଛନ୍ତି । ତଥାପି ଏବେ ବି ଏହି କଥାକୁ ନେଇ ସନ୍ନି ଏବଂ ଅଭିଯୋଗକାରୀ ଙ୍କ ମଧ୍ୟରେ କଥାବାର୍ତ୍ତା ଜାରି ରହିଛି ।

ଯଦି କାମ କଥା କୁହାଯାଏ ତେବେ ସନ୍ନିଙ୍କୁ ଶେଷ ଥର ପାଇଁ ୱେବ୍ ସିରିଜ୍ ‘ବୁଲେଟ୍’ ରେ ନଜର ଆସିଥିଲେ । ଏହି ୱେବ୍ ସିରିଜ୍ ରେ ତାଙ୍କ ସହିତ ଅଭିନେତ୍ରୀ କରିସ୍ମା ତନ୍ନା ମଧ୍ୟ ନଜର ଆସିଥିଲେ ।ଏବେ ସନ୍ନି ୱେବ୍ ସିରିଜ୍ ‘ଅନାମିକା’ ରେ ନଜର ଆସିବେ ।