08-Feb-2021

ନୟାଗଡ଼(ପ୍ରଦୀପ କୁମାର ପଣ୍ଡା): ସାହିତ୍ୟ ସମାଜ ଗଠନରେ ମୁଖ୍ୟ ଭୂମିକା ଲିଭାଇଥାଏ | ସାହିତ୍ୟ ଭରି ଦେଇଥାଏ ଜୀବନ ର ଚଲା ପଥରେ ସୁଖଦୁଃଖ ର ଆସର | ସାହିତ୍ୟ ସୃଷ୍ଟି କରିଥାଏ ପ୍ରେମ | ସାହିତ୍ୟ ଯୋଡି ଦିଏ ଭଙ୍ଗା ହୃଦୟ | ସାହିତ୍ୟ ହିଁ ସତ୍ୟ, ଶିବ ଏବଂ ସୁନ୍ଦର | ନୟାଗଡ ଜିଲ୍ଲାର ପ୍ରଥମ "ସାହିତ୍ୟ ଉତ୍ସବ" ଦଶପଲ୍ଲା କୁଆଁରୀଆ ଜଳ ଭଣ୍ଡାର ନିକଟରେ ଅନୁଷ୍ଠିତ ହୋଇଥିବା ବେଳେ ଉଚ୍ଚ ଶିକ୍ଷା ମନ୍ତ୍ରୀ ଡ଼. ଅରୁଣ କୁମାର ସାହୁ ଉଦଘାଟକ ଭାବେ ଯୋଗ ଦେଇଥିଲେ | ସାହିତ୍ୟ ଜୀବନରେ ମହୁ ଭରିଦିଏ, ମଣିଷ ଭିତରେ ମଣିଷପଣିଆ କୁ ଉଜ୍ଜୀବିତ କରେ ସାହିତ୍ୟ, ସାହିତ୍ୟ ବିପ୍ଳବ କରେ, ହୃଦୟ କୁ ଯୋଡିବାକୁ ସାହିତ୍ୟ ମୁଖ୍ୟ ଭୂମିକା ଗ୍ରହଣ କରିଥାଏ ବୋଲି କହିଛନ୍ତି ଉଚ୍ଚ ଶିକ୍ଷା ମନ୍ତ୍ରୀ ଶ୍ରୀଯୁକ୍ତ ସାହୁ | ଏହି ଉଦଘାଟନୀ ଉତ୍ସବ ରେ ମୁଖ୍ୟ ଅତିଥି ବିଶିଷ୍ଠ କବି ଓ ଚିନ୍ତକ ହର ପ୍ରସାଦ ଦାଶ କହିଲେ ରାଜନୀତି ଏବଂ ସାହିତ୍ୟ ଭିତରେ ଅଛି ଏକ କ୍ଷୁଦ୍ର ସମ୍ପର୍କ | ମୁଖ୍ୟବକ୍ତା ବରିଷ୍ଠ କଥା ଶିଳ୍ପୀ ଏବଂ ଶିଶୁ ସାହିତ୍ୟିକ ଡ଼. ଦାଶ ବେନୁହର କହିଲେ ଅତୀତ କୁ ବର୍ତମାନ ସହିତ ଯୋଡି ଭବିଷ୍ୟତ ର କଥା କହିଥାଏ ସାହିତ୍ୟ | ସମ୍ମାନିତ ଅତିଥି ଦଶପଲ୍ଲା ବିଧାୟକ ତଥା ନୟାଗଡ ଜିଲ୍ଲା ବିଜେଡି ସଭାପତି  ରମେଶ ଚନ୍ଦ୍ର ବେହେରା ନିଜ ନିର୍ବାଚନ ମଣ୍ଡଳୀରେ ଏହି ଉତ୍ସବ ଅନୁଷ୍ଠିତ ହୋଇଥିବାରୁ  ଖୁସି ବ୍ୟକ୍ତ କରିଥିଲେ |  ଉଦଘାଟନୀ ସଭାରେ ଅଧକ୍ଷତା  କରିଥିଲେ କଥାକାର ତଥା ତ୍ରୟମାସିକ ପତ୍ରିକା "ଅକ୍ଷ " ର ସମ୍ପାଦକ ହାଡିବନ୍ଧୁ ମହାକୁଡ଼ | ପେନ ଇନ ବୁକ୍ସ ଅଧ୍ୟକ୍ଷ ତଥା କଥାକାର ଶୁଭ୍ରାଂଶୁ ପଣ୍ଡା ସ୍ୱାଗତ ଭାଷଣ ଏବଂ ଧନ୍ୟବାଦ ଅର୍ପଣ କରିଥିଲେ | ଉକ୍ତ ଉତ୍ସବରେ ବିଭିନ୍ନ ଆଲୋଚନା  ଏବଂ ପ୍ରଶ୍ନ ଉତ୍ତର ଅଧିବେଶନ  ତଥା "ସାହିତ୍ୟ ର ସୀମା" "ଓଡ଼ିଆ ନାଟକ ର ମରୁଡି" "ସାହିତ୍ୟ ର ଆଧାର ବ୍ୟକ୍ତି ନା ବିଶ୍ୱ" "ନୟାଗଡ଼ ର ସାହିତ୍ୟ" ଶୀର୍ଷକ କୁ ନେଇ ସମପାନ ଓ ପରେ ବ୍ୟଙ୍ଗ କବିତା ଆସର ଶେଷ ମଞ୍ଚ ବେଶ ମନ ମୁଗ୍ଧକର ପରିବେଶ ସୃଷ୍ଟି କରିଥିଲା | ଏହି ଉତ୍ସବରେ ପ୍ରାୟ ଚାରିଶହରୁ ଉର୍ଦ୍ଧ କବି ଏବଂ ଲେଖକ  ଯୋଗ ଦେଇଥିଲେ | ଏହି ଉତ୍ସବ ରେ ତ୍ରୟମାସିକ ପତ୍ରିକା "ଅକ୍ଷ", ବ୍ୟଙ୍ଗ ପତ୍ରିକା "ଉତ୍କଳ ଘଣ୍ଟ", ଗଳ୍ପ ସଂକଳନ "କେବଳ କଥା" ସମେତ ଅନେକ ପୁସ୍ତକ ଉନ୍ମୋଚନ କରିଥିଲେ ଅତିଥି ମାନେ | କବି ଡ଼. ମୃତ୍ୟୁଞ୍ଜୟ ରଥ ମଂଚ ସଞ୍ଚାଳନ କରିଥିଲେ |