22-May-2026

ବଲାଙ୍ଗୀର(ପ୍ରେରଣା ଖବର)-ଆଜି ପ୍ରଥମକରି ବିଶାଖାପାଟଣା ରୁ ନୂଆଦିଲ୍ଲୀକୁ ସିଧାସଳଖ ଟ୍ରେନସେବା ଆରମ୍ଭ ହେଲା। କିନ୍ତୁ ବଲାଙ୍ଗୀର ଷ୍ଟେସନରେ ଏହି ଟ୍ରେନର ଷ୍ଟପେଜ୍ ନଥିଲା। ତେଣୁ କରି ଏହାକୁ ନେଇ ବଲାଙ୍ଗୀରବାସୀଙ୍କ ମଧ୍ୟରେ ଅସନ୍ତୋଷ ଦେଖାଦେଇଥିଲା। ବିଭିନ୍ନ ସଂଗଠନ ପକ୍ଷରୁ ରେଳମନ୍ତ୍ରୀ ଓ ପ୍ରଧାନମନ୍ତ୍ରୀଙ୍କୁ ପତ୍ରଲେଖି ବଲାଙ୍ଗୀର ଷ୍ଟପେଜ୍ ପାଇଁ ଦାବି କରିଥିଲେ । ଏପରିକି ବଲାଙ୍ଗୀର ବିଧାୟକ କଳିକେଶ ନାରାୟଣ ସିଂଦେଓ କେନ୍ଦ୍ରରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ପତ୍ର ଲେଖି 

ହସ୍ତକ୍ଷେପ କରିବାକୁ ଦାବି କରିଥିଲେ। ବଲାଙ୍ଗୀରରେ ବିଶାଖାପାଟଣା-ନୂଆଦିଲ୍ଲୀ(୦୮୫୧୭) ଓ ନୂଆଦିଲ୍ଲୀ-ବିଶାଖାପାଟଣା (୦୮୫୧୮) ରହଣୀ ଦାବିନେଇ ଆଜି ଶହଶହ ସଂଖ୍ୟାରେ ଲୋକ ରେଳରୋକୋ କରିବାକୁ ରେଳ ଷ୍ଟେସନରେ ରୁଣ୍ଡ ହୋଇଥିଲେ। ବିଜୁଜନତା ଦଳର ନେତା ଓ କର୍ମୀଙ୍କ ସମେତ ବଲାଙ୍ଗୀର ରେଳ ଉପଭୋକ୍ତା ସଂଘ, ବଲାଙ୍ଗୀର ନାଗରିକ କମିଟି, ବଲାଙ୍ଗୀର ବ୍ରାହ୍ମଣସମାଜ, ବଲାଙ୍ଗୀର ସ୍ୱେଚ୍ଛାସେବୀ ସଂଗଠନ ଇତ୍ୟାଦିର ଶହଶହ କର୍ମକର୍ତ୍ତା ଆନ୍ଦୋଳନ ପାଇଁ ବଲାଙ୍ଗୀର ରେଳ ଷ୍ଟେସନରେ ପହଞ୍ଚିଲା ବେଳେ ରେଳବିଭାଗର ଅଧିକାରୀମାନେ ଏହି ଟ୍ରେନ ବଲାଙ୍ଗୀର ରେଳ ଷ୍ଟେସନରେ ୨ମିନିଟର ରହଣୀ ପାଇଁ ଅନୁମତି ପାଇଥିବା ସୂଚନା ଦେଇଥିଲେ। ଗତକାଲି ରାତିରେ ବିଧାୟକ କଳିକେଶଙ୍କ ପତ୍ରପାଇ ରେଳବିଭାଗ ଉପରମହଲକୁ ଯୋଗାଯୋଗ କରିଥିଲେ। ଶେଷରେ ଦୁଇମିନିଟର ଷ୍ଟପେଜ୍ ପାଇଁ ଅନୁମତି ମିଳିଥିଲା। ଫଳରେ ଆନ୍ଦୋଳନ ପାଇଁ ଯାଇ ଥିବା ସଂଗଠନମାନେ ମିଳିତ ଭାବରେ ବିଜୟଉତ୍ସବ ପାଳି ଥିଲେ। ବାଜାବଜାଇ, ନାଚି ଉତ୍ସବ ପାଳିଥିଲେ। ବଲାଙ୍ଗୀରବାସୀଙ୍କ ମିଳିତଦାବିକୁ ରେଳବିଭାଗ ସମ୍ମାନ ଜଣାଇ ଥିବାରୁ କୃତଜ୍ଞତା ଜଣାଇଥିଲେ। ତେବେ ବିଶାଖାପାଟଣା-ନୂଆଦିଲ୍ଲୀ (୦୮୫୧୭/୦୮୫୧୮) ଟ୍ରେନକୁ  ନୀୟମିତ ଚଳାଇବା ଓ ବଲାଙ୍ଗୀର ରେଳ ଷ୍ଟେସନରେ ଅନ୍ୟୁନ ୫ମିନିଟ ରହଣୀ କରିବାକୁ ବଲାଙ୍ଗୀର ଷ୍ଟେସନମ୍ୟାନେଜର ପି.ସି.ମିଶ୍ର ଙ୍କ ଜରିଆରେ କେନ୍ଦ୍ର ରେଳବିଭାଗକୁ ଏକ ଦାବିପତ୍ର ପ୍ରଦାନ କରାଯାଇଥିଲା। ଆନ୍ଦୋଳନ ପାଇଁ ରେଳବିଭାଗର ଇଞ୍ଜିନିୟର ମନୋଜ ଓଝା,ବଲାଙ୍ଗୀର ଆଦର୍ଶଥାନାର ଆଇଆଇସି ଅବନୀ ସାହୁ, ଆରପିଏଫ ପୋଲିସ ଉପସ୍ଥିତ ରହି ଲୋକଙ୍କ ସହିତ ଆଲୋଚନା କରିଥିଲେ। ଆଜିର ଏହି ଆନ୍ଦୋଳନରେ ବଲାଙ୍ଗୀର ବିଜୁଜନତା ଦଳର ରାଜ୍ୟ ସଂପାଦକ ଲକ୍ଷ୍ମଣ କୁମାର ମେହେର, ବଲାଙ୍ଗୀର ଜିଲ୍ଲାପରିଷଦ ସଭାପତି ଦେବକୀ ସାହୁ, ପୌରାଧ୍ୟକ୍ଷା ଲିକା ସାହୁ, ଉପାଧ୍ୟକ୍ଷା ଗାୟିତ୍ରୀ ଭୋଇ, ନଗର ସଭାପତି ଶମ୍ଭୁ ନାଗ, ବିଜେଡିଦଳର ପୂର୍ବତନ ପୌରାଧ୍ୟକ୍ଷା ଦମୟନ୍ତି ବାଗ, ବିଧୁଭୂଷଣ ତ୍ରୀପାଠୀ, ନରସିଂହ ବାଗ, ପ୍ରଦ୍ୟୁମ୍ନ ହୋତା, କାଉନସିଲରଗଣ, ଗୋଲାପ ବାଗ, ଶିବ ବେହେରା, ମୁନା ଖାନ, ବିଭୁତିଭୂଷଣ ମିଶ୍ର, ଲେଙ୍କା ସାହୁ, ଦେବଦତ୍ତ ବେହେରା, ଇରସାଦ ଆରାଖାନ, ଗଙ୍ଗାଧର ଚାନ୍ଦ, ଶତୃଘ୍ନ ନାଗ, ସନ୍ତୋଷ ଦନ୍ତା, ନାଗରିକ କମିଟିର ସଂପାଦକ ମଧୁସୂଦନ ନାଏକ,  ଗୋପବନ୍ଧୁ ପୁରୋହିତ, ପର୍ଶୁରାମ ନାଏକ, ବ୍ରାହ୍ମଣ ସମାଜର ସଭାପତି ପ୍ରାଣବଲ୍ଲଭ ତ୍ରୀପାଠୀ,ସଂପାଦକ ନରେନ୍ଦ୍ର ଆଚାର୍ଯ୍ୟ, 

କିଶୋର ପୁରୋହିତ, ରେଳଉପଭୋକ୍ତା ସଂଘର ସଭାପତି ତରୁଣ କୁମାର ମିଶ୍ର, ଦିବାକର ହୋତା, ବିମଲ ଚକ୍ରବର୍ତ୍ତି, ଶିବ ରଥ, ବଲାଙ୍ଗୀର ସ୍ୱେଚ୍ଛାସେବୀ ସଂଘର ସଭାପତି ଉପେନ୍ଦ୍ର ନନ୍ଦ, ସଂପାଦକ ଗୋବିନ୍ଦଚନ୍ଦ୍ର ଶତପଥି, ଡିଷ୍ଟ୍ରିକ୍ଟ  ସିଭିଲ ସୋସାଇଟି ର ମନୋରଞ୍ଜନ ସାହୁ,  ଇଂ.ବେଲାର ସିଂଭୋଇ, ଅରୁଣ ନାଥ, ଗୋବିନ୍ଦ ମିଶ୍ର, ହରେକୃଷ୍ଣ ପଟେଲ, ସତର୍କ ଅନୁଷ୍ଠାନର କାହ୍ନା ଶତପଥି ପ୍ରମୁଖଙ୍କ ସହିତ ଶତାଧିକ ପୁରୁଷ/ମହିଳା ସାମିଲ ହୋଇଥିଲେ। ଏହି ଅବସରରେ ବିଜୁଜନତା ଦଳ ପକ୍ଷରୁ ବିଶାଖାପାଟଣାରୁ ଆସିଥିବା ପାସେଞ୍ଜର ମାନଙ୍କୁ ଗ୍ଲୁକୋଜ ପାନୀୟ ବଣ୍ଟନ କରାଯାଇଥିଲା।