16-May-2026

ବରପାଲି  (ସୁଦାମ ଦୀପ )
ବରଗଡ ଜିଲ୍ଲା ବରପାଲି ପ୍ରସିଦ୍ଧ ୧୪୯ ତମ      ଶୀତଷଷ୍ଠୀ ଯାତ୍ରା ପାଇଁ ଗତ ୧୫ ତାରିଖ ଶୁକ୍ରବାର ଦିନ ସନ୍ଧ୍ୟା ୫ ସମୟରେ ପ୍ରଶାସନିକ ବୈଠକ ଅନୁଷ୍ଠିତ ହୋଇଯାଇଛି  l ବରଗଡ ଉପଜିଲ୍ଲାପାଳ ପ୍ରସନ୍ନ କୁମାର ପାଣ୍ଡେଙ୍କ ଅଧ୍ୟକ୍ଷତାରେ ତହସିଲ କାର୍ଯ୍ୟାଳୟରେ ଅନୁଷ୍ଠିତ ବୈଠକ ରେ  ଯାତ୍ରା କମିଟିର ଅଧ୍ୟକ୍ଷ ତଥା ବିଜେପୁର ବିଧାୟକ ସନତ କୁମାର ଗଡତିଆ ଯୋଗ ଦେଇଥିଲେ l ଆସନ୍ତା ମାସ ୧୫ ରୁ ୨୧ ତାରିଖ  ପର୍ଯ୍ୟନ୍ତ  ବରପାଲିର ଏହି ଯାତ୍ରା କିପରି ଶାନ୍ତି ଶୃଙ୍ଖଳାର ସହ ଅନୁଷ୍ଠିତ ହେବ ସେନେଇ ଆଲୋଚନା ହୋଇଥିଲା l ମୁଖ୍ୟ ଟ୍ରାଫିକ ନୀୟତ୍ରଣ, ପାନୀୟଜଳ ଯୋଗାଣ, ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ର, ଯାନବାହାନର ପାର୍କିଂ, ନିରବଚ୍ଛିନ୍ନ ବିଦ୍ୟୁତ ଯୋଗାଣ, ରାସ୍ତା ନିର୍ମାଣ, ନାଳ ନର୍ଦ୍ଦମା ସଫେଇ, ମିନା ବଜାର, ସମେତ ଜନ ଗହଳି ସ୍ଥାନରେ ଅସ୍ଥାୟୀ ପରିସ୍ରାଗାର, ତଥା ଟ୍ରାଫିକ ପୋଲିସ ଓ ଶାନ୍ତି ଶୃଙ୍ଖଳା ରକ୍ଷା ପାଇଁ ବ୍ୟାପକ ପୋଲିସ ମୁତୟନ ଆଦି ଉପରେ ଆଲୋଚନା ହୋଇଥିଲା l ବୈଠକ ରେ ତହସିଲଦାର ରୁକ୍ମଣ ମେହେର, ଅତିରିକ୍ତ ତହସିଲଦାର ଆଲିଶା ବାର୍ଲା, ବିଡ଼ିଓ ସୁମନ୍ତ କୁମ୍ଭାର, ନଗର ପାଲ ଦିନେଶ ଗହିର,     ଏନଏସି କାର୍ଯ୍ୟ ନିର୍ବାହ ଅଧିକାରୀ ଭୁବନ କୁମାର ଶତପଥୀ, ପୁଲିସ ଆଇଆଇସିପ୍ରମୋଦ କୁମାର ସାହୁ, ଯାତ୍ରା କମିଟିର ସଭାପତି ଆନନ୍ଦ ବାବୁ, ସଂପାଦକ ଜୟନ୍ତ ତ୍ରିପାଠୀ, ଚଳିତ ବର୍ଷର ପାର୍ବତୀ ବିବାହ କମିଟିର  ସଭାପତି, ସମ୍ପାଦକ, ଚଳିତ ବର୍ଷର କନ୍ୟା ପିତା, ବିଦ୍ୟୁତ, ସ୍ବାସ୍ଥ୍ୟ, ଜନ ସ୍ଵାସ୍ଥ୍ୟ, ଅଗ୍ନିଶମ ବିଭାଗ ଆଦି ବହୁ ଅଧିକାରୀ ଯୋଗ ଦେଇ ଥିଲେ l ଚଳିତ ବର୍ଷର ଯାତ୍ରାକୁ ଶାନ୍ତି ଶୃଙ୍ଖଳା ସହ ଅଧିକ ଆକର୍ଷଣୀୟ କରିବା ପାଇଁ ସମସ୍ତ ବିଭାଗୀୟ ଅଧିକାରୀ ତଥା ଜନସାଧାରଣଙ୍କ ସାହାଯ୍ୟ ସହଯୋଗ ପାଇଁ ବିଧାୟକ ନିବେଦନ କରିଥିଲେ l  ପ୍ରିଣ୍ଟ ମିଡିଆ, ଏଲେଲୋକ୍ଟ୍ରୋନିସ ମିଡିଆ, ଏଵଂ ବିଭିନ୍ନ ଖବକାଗଜର ପ୍ରତିନିଧି ମାନେ ଉପସ୍ଥିତ ଥିଲେ l