12-May-2026

ବରଗଡ଼(ତୁଳସୀ ଚରଣ ଦାଶ):  ଭାରତ ର ସ୍ଵାଧୀନତା ସଂଗ୍ରାମ ରେ ବରଗଡ଼ ମାଟିର ଗୁରୁତ୍ବପୂର୍ଣ୍ଣ ଭୂମିକା ରହିଥିବା ବେଳେ ବିଦ୍ୟାଳୟ ଓ ଗଣ ଶିକ୍ଷା ବିଭାଗ ଓଡ଼ିଶା ସରକାରଙ୍କ ଦ୍ଵାରା  ୭ ସପ୍ତମ ଶ୍ରେଣୀ ପାଇଁ ପ୍ରକାଶିତ " ପାଠ୍ୟ ପୁସ୍ତକ ସାହିତ୍ୟ ସୁମନ"ରେ ବିପ୍ଳବୀ ତଥା ସ୍ଵାଧିନତା ସଂଗ୍ରାମୀ ମାଧୋ ସିଂ ଓ ତାଙ୍କ ପରିବାର ବର୍ଗ ଙ୍କ ବଳିଦାନ ଓ ଜୀବନୀ ଉପରେ ଭୁଲ ତଥ୍ୟ ଉଲ୍ଲେଖ ରହିଥିବା ଘଟଣାକୁ ବରଗଡ଼ ଜିଲ୍ଲା ବିଜେଡି ପକ୍ଷରୁ ଦୃଢ଼ ନିନ୍ଦା କରାଯିବା ସହିତ ଏହି ବିଷୟକୁ ତୁରନ୍ତ ସଂଶୋଧନ କରାଯାଉ ବୋଲି ଦାବି କରିଛି ।ଏଥି ସହିତ ଆମ ଅଞ୍ଚଳ ର ମହାନ୍ ବିପ୍ଳବୀ ଶହୀଦ ମାଧୋ ସିଂ ଙ୍କ ଐତିହାସିକ ତଥ୍ୟ ସମ୍ବନ୍ଧ ରେ ଅବଗତ ଥିବା ଐତିହାସିକ ବ୍ୟକ୍ତି ବିଶେଷ ଙ୍କ ସହ ଯୋଗସୂତ୍ର ରକ୍ଷା କରି ଛାତ୍ର ଛାତ୍ରୀ ଙ୍କ ପାଠ୍ୟ ପୁସ୍ତକ ରେ ନିର୍ଭୁଲ ତଥ୍ୟ  ସ୍ଥାନିତ କରନ୍ତୁ ବୋଲି ଉଲ୍ଲେଖ କରିଛି ।ତେବେ ରାଜ୍ୟ ସରକାର ସହିଦ ଙ୍କ ଜୀବନୀ ସମ୍ବନ୍ଧ ରେ ଭୁଲ ତଥ୍ୟ ପ୍ରଦାନକରି ସହିଦ ଙ୍କୁ ଅପମାନିତ କରିଥିବାରୁ ସର୍ବ ସମ୍ମୁଖ ରେ କ୍ଷମା ପ୍ରାର୍ଥନା କରନ୍ତୁ ବୋଲି ମଧ୍ୟ ଦାବି କରିଛି ।ଏହି ଅବସର ରେ ବରଗଡ଼ ଜିଲ୍ଲା ବିଜେଡି ସଭାପତି ସୁଶାନ୍ତ ମହାପାତ୍ର, ପୂର୍ବତନ ମନ୍ତ୍ରୀ ରୀତା ସାହୁ,ପୂର୍ବତନ ବିଧାୟକ ଦେବେଶ ଆଚାର୍ଯ୍ୟ,ପୌର ଅଧ୍ୟକ୍ଷା କଳ୍ପନା ମାଝୀ, ଉପାଧ୍ୟକ୍ଷ ରାଜେଶ ଅଗ୍ରୱାଲ,ବରିଷ୍ଠ ବିଜେଡି ନେତା ଗୌର ହରି ମିଶ୍ର, କିଶୋର ମିଶ୍ର,ସୁବ୍ରତ ସିଂ,ପ୍ରଦ୍ୟୁମ୍ନ ତ୍ରିପାଠୀ,ବିକ୍ରମ ସିଂ ଅନୁପ ଶତପଥୀ, ପ୍ରଫୁଲ୍ଲ କୁମାର ନାଏକ ,ଗଣତନ୍ତ୍ର ପ୍ରଧାନ,ଦୟାନିଧି ପଟେଲ,ସୁନନ୍ଦା ପଣ୍ଡା,ଦିଲ୍ଲୀପ ପ୍ରଧାନ,ଆନନ୍ଦ ଖମାରୀ,ମଧୁ ପ୍ରଧାନ,ରୋଷନ୍ ପ୍ରଧାନ,ଜନକ ଅଗ୍ରୱାଲ,ଉମାଚରଣ ରାଉତ,କରନ ସିକନ୍ଦର, ଟିକେତ ମହତ୍ତମ୍,ଏମ ଡି ଜମିର,ସମୀର ବାରିକ ,ଦୟାନିଧି ପଟେଲ
ପ୍ରମୁଖ ବିଜେଡି ପ୍ରତିନିଧି ମଣ୍ଡଳୀ  ବରଗଡ଼ ଜିଲ୍ଲାପାଳ ଙ୍କ ଜରିଆରେ ମୁଖ୍ୟ ମନ୍ତ୍ରୀ ମୋହନ ଚରଣ ମାଝି ଙ୍କ ଉଦ୍ଦେଶ୍ୟ ରେ ଏହି ମର୍ମ ରେ ଦାବି ପତ୍ର ପ୍ରଦାନ କରିଛନ୍ତି ।ତେବେ ବିଦ୍ୟାଳୟ ଗଣ ଶିକ୍ଷା ବିଭାଗ ସପ୍ତମ ଶ୍ରେଣୀ ପାଠ୍ୟ ପୁସ୍ତକ ରେ ସହିଦ ମାଧୋ ସିଂ ଙ୍କ ଜୀବନୀ ରେ ରହିଥିବା ତ୍ରୁଟି କୁ ତୁରନ୍ତ ସଂଶୋଧନ କରି ସଠିକ୍ ତଥ୍ୟ ସ୍ଥାନୀତ କରନ୍ତୁ ।ତ୍ରୁଟି ଯଦି ନ ସୁଧରାନ୍ତି ତାହେଲେ ଆଗାମୀଦିନ ରେ ବିଜେଡି ପକ୍ଷରୁ ଆନ୍ଦୋଳନ କୁ ଆହୁରି ତୀବ୍ରତର କରାଯିବ ବୋଲି ବିଜେଡି ପକ୍ଷରୁ ଚେତାବନୀ ଦିଆ ଯାଇଛି । 
        --------×××--------