11-May-2026

ବରଗଡ଼ (ପ୍ରେରଣା ଖବର )
 ବରଗଡ଼ ପୁରୁଣା ଜୀରା ବ୍ରିଜ ସ୍ଥିତ ରାଜ୍ ପୋଲି କ୍ଲିନିକ ଏବଂ ଡାଇଗନୋଷ୍ଟିକ ସେଣ୍ଟର ର ଏକ ବର୍ଷ ପୂର୍ତ୍ତି ଅବସରରେ ବିଭିନ୍ନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ସେହି ପରିପ୍ରେକ୍ଷୀରେ ରାଜ୍ ପୋଲି କ୍ଲିନିକ ଏବଂ ମହାନଦୀ ନେତ୍ରାଳୟ ଚିକିତ୍ସାଳୟ ର ମିଳିତ ଅନୁକୂଲ୍ୟ ରେ ସ୍ଥାନୀୟ କ୍ଲିନିକ ଠାରେ ମାଗଣା କମ୍ପୁଟର ଚକ୍ଷୁ ପରୀକ୍ଷା ପାଇଁ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମ ପାଇଁ ରାଜ୍ ପୋଲି କ୍ଲିନିକ ର ଡ଼ାଇରେକ୍ଟର ଶ୍ରୀ ରାଜକିଶୋର ପାଣିଗ୍ରାହୀଙ୍କ ସଭାପତିତ୍ୱ ରେ ଏକ ସଭା ଅନୁଷ୍ଠିତ ହୋଇଥିଲା । ଉକ୍ତ ମଞ୍ଚରେ ମହାନଦୀ ନେତ୍ରାଳୟର ମୁଖ୍ୟ ଡାକ୍ତର ରୋହିତ ସିଂହ,କ୍ଲିନିକ ର ଉପଦେଷ୍ଟା ଶ୍ରୀ ନବକିଶୋର ପାଣିଗ୍ରାହୀ ମଞ୍ଚରେ ମଞ୍ଚାସୀନ ଥିଲେ । ପ୍ରଥମେ ସମସ୍ତ ଅତିଥିଙ୍କୁ କ୍ଲିନିକ ର ଡ଼ାଇରେକ୍ଟର ଶ୍ରୀ ପାଣିଗ୍ରାହୀ ଉପଢୌକନ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧିତ କରି ସ୍ୱାଗତ ଭାଷଣ ପ୍ରଦାନ କରିଥିଲେ ।
 ପରେ ମହାନଦୀ ନେତ୍ର ଚିକିତ୍ସାଳୟ ର ମୁଖ୍ୟ ଡାକ୍ତର ସିଂ ଆଖି ର ବିଭିନ୍ନ ସମସ୍ୟା ବିଷୟରେ ନିଜର ମନ୍ତବ୍ୟ ପ୍ରଦାନ କରିଥିଲେ । ଆୟୋଜିତ ସଭା କାର୍ଯ୍ୟକ୍ରମ ପରେ ଡାକ୍ତର ସିଂ ରିବନ କାଟି ଚକ୍ଷୁ ପରୀକ୍ଷା ଶିବିରକୁ ଉଦଘାଟନ କରିଥିଲେ । ଆଜିର କାର୍ଯ୍ୟକ୍ରମ ରେ ପ୍ରାୟ ୧୫୦ ଜଣଙ୍କ ଚକ୍ଷୁ ପରୀକ୍ଷା କରାଯାଇଥିଲା । ଅଂଶଗ୍ରହଣ କରିଥିଲେ । ରାଜ୍ ପୋଲିକ୍ଲିନିକ ର ଏକ ବର୍ଷ ପୂର୍ତ୍ତି ଅବସରରେ କ୍ଲିନିକର ଡ଼ାଇରେକ୍ଟର ତଥା ସମସ୍ତ ଷ୍ଟାଫ ଙ୍କୁ ଶୁଭେଚ୍ଛା ଏବଂ ଅଭିନନ୍ଦନ ଜଣାଇବା ସହିତ ଏ ପ୍ରକାର କାର୍ଯ୍ୟକ୍ରମ ଆଗକୁ ମଧ୍ୟ ଜାରି ରହିବ ବୋଲି ଶ୍ରୀ ପାଣିଗ୍ରାହୀ ତାଙ୍କ ବକ୍ତବ୍ୟରେ ପ୍ରକାଶ କରିଥିଲେ । ଏକ ବର୍ଷ ମଧ୍ୟରେ ବିଭିନ୍ନ ପ୍ରକାରର ଯୋଜନା ଯଥା -ରକ୍ତଦାନ ଶିବିର, ଅନ୍ତରାଷ୍ଟ୍ରୀୟ ଯୋଗ ଶିବିର ଇତ୍ୟାଦି ଜିଲ୍ଲା ବରିଷ୍ଠ ନାଗରିକ ଙ୍କ ମିଳିତ ଆନୁକୂଲ୍ୟରେ ଆୟୋଜନ କରାଯାଇଥିଲା । ଆଗକୁ ମଧ୍ୟ ଗରିବ ଲୋକ ତଥା ବରଗଡ ର ଜନ ସାଧାରଣଙ୍କ ପାଇଁ ରାଜ୍ ପୋଲି କ୍ଲିନିକ ସଦା ସର୍ବଦା ସେବା ଜାରି ରହିବ ବୋଲି  ପ୍ରକାଶ କରିଥିଲେ । 
 ଶେଷରେ ରାଜ୍ ପୋଲି କ୍ଲିନିକ ର ଉପଦେଷ୍ଟା ଶ୍ରୀ ନବକିଶୋର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ ।