11-May-2026

କଟକ(ତପନ ମହାନ୍ତି) ରାଜ୍ୟରେ ଘଟି ଚାଲିଥିବା ଗୋଟିଏ ପରେ ଗୋଟିଏ ଲୋମହର୍ଷଣକାରୀ ଭିଡ଼ ହତ୍ୟା ଓ ନାରୀ ନିର୍ଯାତନା ଘଟଣା ଅତ୍ୟନ୍ତ ଉଦବେଗ ଜନକ ପରିସ୍ଥିତି ସୃଷ୍ଟି କରିଛି। ୨୦୧୪ ମସିହାରେ କେନ୍ଦ୍ରରେ ବିଜେପି ସରକାର କ୍ଷମତାସୀନ ହେବାପରେ , ବିଶେଷ କରି ଗତ ନିର୍ବାଚନରେ ରାଜ୍ୟରେ ଡବଲ ଇଞ୍ଜିନ ବିଜେପି ସରକାର ପ୍ରତିଷ୍ଠା ହେବା ପରେ ପରିକଳ୍ପିତ ଓ ଯୋଜନାବଦ୍ଧ ଭାବରେ ଶାସକ ଦଳ ଦ୍ୱାରା  ଘୃଣା ଓ ହିଂସା ର ପ୍ରଚାର କରାଯାଉଛି। ଏହା ଫଳରେ ସମଗ୍ର ସମାଜର ଦ୍ରୁତ  ଅପରାଧିକରଣ ଘଟୁଛି। ଏହାର

ଫଳଶ୍ରୁତିରେ ହିଁ ସମ୍ପ୍ରତି ରାଜ୍ୟରେ ଗୋଟିଏ ପରେ ଗୋଟିଏ ବିଭତ୍ସ ହତ୍ୟାକାଣ୍ଡ ଓ ନାରୀ ନିର୍ଯାତନା ଘଟଣା ଘଟି ଚାଲିଛି। ନିଜ ଭିଟାମାଟି ଏବଂ ଚାଷ ଜମିକୁ ରକ୍ଷା କରିବାପାଇଁ ଲଢେଇ କରୁଥିବା ସଧାରଣ ଲୋକ , ବିଶେଷ କରି ଆଦିବାସୀ ପ ଦଳିତ ମାନଙ୍କ ଉପରେ ପୋଲିସ ପ୍ରଶାସନ ଓ ରାଜ୍ୟ ସରକାର ଅକଥନୀୟ ଅତ୍ଯାଚାର କରୁଥିବା ବେଳେ ଏହି ଧରଣର ଅପରାଧ ରୋକିବା କ୍ଷେତ୍ରରେ ସଂପୂର୍ଣ୍ଣ ନିଷ୍କ୍ରିୟ । ବରଂ ଅପରାଧୀମାନେ ପୋଲିସ ପ୍ରଶାସନ ଓ ଶାସକ ଦଳର ପୃଷ୍ଠ ପୋଷାକତା ଲାଭ କରୁଛନ୍ତି।  ଶାସକ ବିଜେପି ଦଳ ଦ୍ୱାରା ସୃଷ୍ଟି କରାଯାଉଥିବା ବିଷାକ୍ତ ସାମାଜିକ ପରିବେଶରେ ମହିଳା ମାନଙ୍କ ଉପରେ ନିର୍ଯାତନା ଦ୍ରୁତ ବଢ଼ି ଚାଲିଛି।  ଏହା ବିରୁଦ୍ଧରେ ଆଜି ଏସୟୁସିଆଇ ( କମ୍ୟୁନିଷ୍ଟ) କଟକ ଜିଲ୍ଲା କମିଟି ଉଦ୍ୟୋଗରେ ଜିଲ୍ଲାପାଳ ଅଫିସ ସମ୍ମୁଖରେ ବିକ୍ଷୋଭ

ପ୍ରଦର୍ଶନ କରାଯାଇଛି। ପାର୍ଟି ଜିଲ୍ଲା ସମ୍ପାଦକ ବିଶ୍ୱାବସୁ ଦାସ ଙ୍କ ନେତୃତ୍ୱରେ ଅନୁଷ୍ଟିତ ବିକ୍ଷୋଭରେ ଖଗେଶ୍ବର ସେଠୀ, ରାଜକିଶୋର ମଲ୍ଲିକ, ବବି ବଳବନ୍ତରାୟ, ବସନ୍ତ ନାୟକ, ସିଦ୍ଧାର୍ଥ ରଥ, ଦୀପକ୍ ଦାସ, ବିନୋଦ ସେଠୀ,ତରୁଣସେନ୍ ନାୟକ, ଇଶା ଧର, ଶିବାନୀ ସାହୁ, ଶୁଭସ୍ମିତା ସାହୁ, ପ୍ୟାଭେଲ ପ୍ରିୟଦର୍ଶନ, ସ୍ୱାଧୀନ ବେହେରା, ସିପ୍ରା ମହାନ୍ତି, ଜୋତ୍ସ୍ନାରାଣୀ ଦାସ, ଭାଗ୍ୟଶ୍ରୀ ପ୍ରଧାନ ଝରଣା ଦାସ, ସୁଜାତା ମହାପାତ୍ର ପ୍ରମୁଖ ବିକ୍ଷୋଭରେ ନେତୃତ୍ୱ ନେଇଥିଲେ। ବିକ୍ଷୋଭ ସ୍ଥଳରେ ଏକ ପ୍ରତିବାଦ ସଭା ଅନୁଷ୍ଠିତ ହୋଇଥିଲା।