07-May-2026

ବିନିକା(ହିମାଂଶୁ ଶେଖର ପୁଟେଲ) "ପ୍ରେମ ମାନେ ନାହିଁ ଜାତି କି ଅଜାତି l ପ୍ରେମ ମାନେ ନାହିଁ ବାଧା ବିଘ୍ନ l ସ୍ବପ୍ନ ଦେଖିଥିଲେ ଦୁହେଁ ଏକାଠି ରହିବେ l ହେଲେ ବିଧିର ବିଧାନ ଥିଲା ଅଲଗା ପ୍ରକାର l ଦୁହେଁ କେତେ ସ୍ବପ୍ନ ଦେଖିଥିଲେ ସୁନାର ସଂସାର ଗଢିବା ପାଇଁ l ହେଲେ ସବୁ ଚୁର ମାର ହୋଇଗଲା l ଘର ଓ ପରିବାର ଲୋକେ ବିବାହ ପାଇଁ ଦେଲେନାହିଁ ସ୍ୱୀକୃତି l ବରଗଛରେ ଝୁଲିଗଲେ ପ୍ରେମୀଯୁଗଳ" । ଘଟଣା ଟି ଘଟିଛି ବିନିକା ଅଞ୍ଚଳରେ ।ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ଗୁଲୁଣ୍ଡା ସିଲାଟି ରାସ୍ତାରେ ଏକ ବରଗଛ ଡାଳରେ ଯୁବକ ଯୁବତୀଙ୍କ ଝୁଲନ୍ତା ଶରୀର ଦେଖିବାକୁ ମିଳିଥିଲା। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା।  ପରେ ପରେ ବଲାଙ୍ଗୀରରୁ ସାଇଣ୍ଟିଫିକ୍ ଟିମ୍ ଆସି ଘଟଣା ସ୍ଥଳରେ ପହଂଚି ତନ୍ନ ତନ୍ନ କରି ଅନୁଧ୍ୟାନ କରିଥିଲେ l ପରେ ପରେ ଝିଅଙ୍କ ପରିବାର ଲୋକେ ଓ ପୁଅଙ୍କ ପରିବାର ଲୋକେ ପହଞ୍ଚିଥିଲେ।  ଯୁବକ ଜଣକ ହେଲେ ସୁବର୍ଣ୍ଣପୁର ଜିଲ୍ଲା ଲଚ୍ଛିପୁର ଥାନା ରେଙ୍ଗାଲି ପଞ୍ଚାୟତ ଅନ୍ତର୍ଗତ ବାଜୀଖୋଲ ଗ୍ରାମର ରିତେଶ ଝାଙ୍କର (୨୨)ଓ ଝିଅ ଜଣକ ବିନିକା ବ୍ଲକ୍ ମେଘଳା ପଞ୍ଚାୟତ କଅଁରଡେରାର ଝରଣା ଧରୁଆ(୧୪) ପିତା ଭୀମ ଧରୁଆ । ରିତେଶଙ୍କ ଗ୍ରାମ ବାଜିଖୋଲରେ ଝରଣାଙ୍କ ସମ୍ପର୍କୀୟ ଘର ଥିବାରୁ ଝରଣା ସେହି ଗାଁ କୁ ଯାଇଥିବା ବେଳେ ଉଭୟଙ୍କ ମଧ୍ୟରେ ପ୍ରେମ ସମ୍ପର୍କ ଗଢ଼ିଉଠିଥିଲା। ଉଭୟ ବିବାହ ହେବାକୁ ଯାଉଥିବା ବେଳେ ଝିଅର ବୟସ କମ୍ ଥିବାରୁ ପୁଅ ଘର ରାଜି ହୋଇନଥିଲେ ତେଣୁ ଦୁଇ ପ୍ରେମୀ ଯୁଗଳ ତାମିଲନାଡୁ ପଳେଇ ଯାଇଥିଲେ । ଗତକାଲି ସେମାନେ ତାମିଲନାଡୁରୁ ଆସିଥିବାବେଳେ ପୁଅ ଘର ଲୋକ ଉଭୟଙ୍କୁ ଝିଅ ଘର ମେଘଳାକୁ  ନେଇ ଝିଅକୁ ମା ଘରେ ଛାଡିବାକୁ କହିଥିଲେ ମାତ୍ର ପ୍ରେମୀଯୁଗଳ ଏଥିରେ ରାଜି ନହୋଇ ରାତିରେ ପଳେଇ ଆସି ବରଗଛରେ ଆତ୍ମହତ୍ୟା କରିଥିବା ପରିବାର ଲୋକେ ଜଣାଇଥିଲେ l