03-May-2026

ବରଗଡ଼/ଅତାବିରା:ରବିବାର ଅତାବିରାର ସାମ୍ବାଦିକ ମାନଙ୍କ ଦ୍ୱାରା ଦେବର୍ଷି ନାରଦଙ୍କ ଜନ୍ମ ଜୟନ୍ତୀ ଅତାବିରା ୫୩ ନମ୍ୱର୍ ଜାତୀୟ ରାଜପଥ କଡ଼ରେ ଅବସ୍ଥିତ ଅଗ୍ରସେନ୍ ଭବନ ରେ ସାମ୍ବାଦିକ ମନୀଷ  ଶର୍ମାଙ୍କ ସଭାପତିତ୍ବରେ ଅତି ଶୃଙ୍ଖଳିତ ଓ ଆଧ୍ୟାତ୍ମିକ ରୀତିନୀତି ସହ ପାଳିତ ହୋଇଯାଇଛି । ପ୍ରଥମେ ଦେବର୍ଷି ନାରଦଙ୍କ ତୈଳ ଫଟୋ ଚିତ୍ରରେ ପୂଜାର୍ଚ୍ଚନା କରାଯାଇ ଥିଲା। ଉପସ୍ଥିତ ସମସ୍ତ ସାମ୍ବାଦିକ ନାରଦଙ୍କ ସାମ୍ବାଦିକତାର କଳା ଚlତୁର୍ଯ୍ୟତା, ସମ୍ବାଦ ଗ୍ରହଣ ଓ ପ୍ରଦାନରେ  ତତ୍ପରତା ଏବଂ ସର୍ବୋପରି ବିଶ୍ବର କଲ୍ୟାଣ  ନିମନ୍ତେ ତାଙ୍କର ଖବର ଦେବତାଙ୍କ ଠାରୁ ଆରମ୍ଭ କରି ଦାନବ ଯାଏ ତିନିଲୋକରେ ସେ ପହଞ୍ଚାଉଥିଲେ, ତେଣୁ ସାମ୍ବାଦିକତା  ଜଗତର ତଥା କଲ୍ୟାଣ ଉଦ୍ଦେଶ୍ୟରେ ହେବା ବାଞ୍ଛନୀୟ ବୋଲି ସମସ୍ତେ ହୃଦବୋଧ କରିଥିଲେ।ଏହା ବ୍ୟତୀତ  ସମ୍ବାଦ ଗ୍ରହଣ ଓ ସମ୍ବାଦ ପ୍ରକାଶନରେ ନିରପେକ୍ଷତା, ନିଃସ୍ୱାର୍ଥପରତା ଓ ସଠିକତା ରହିବା ଦରକାର ବୋଲି ସମସ୍ତେ ନାରଦଙ୍କ ଜୀବନ ଦର୍ଶନରୁ ବୁଝିଥିଲେ  ଓ ତଦନୁଯାୟୀ ନିଜର  କର୍ତ୍ତବ୍ୟ ସମ୍ପାଦନ କରିବେ ବୋଲି ସଂକଳ୍ପ  ବଦ୍ଧ ହୋଇଥିଲେ।  ଉଦ୍ଦେଶ୍ୟ ଜ୍ଞାପନ କରିଥିଲେ  ସାମ୍ବାଦିକ ନବୀନ ଦାଶ, ମଞ୍ଚ ପରିଚାଳନା କରିଥିଲେ ସାମ୍ବାଦିକ ଆକାଶ ମିଶ୍ର, ଧନ୍ୟବାଦ୍ ଅର୍ପଣ କରିଥିଲେ  ଖିରୋଜ ନାୟକ। ସାମ୍ବାଦିକ ରାଜେଶ ପଣ୍ଡା, ପବିତ୍ର ମେହେର, ମୋହନ ସାହୁ, ଜନକ ରାମ ଦାଶ ପ୍ରମୁଖ ଉପସ୍ଥିତ ରହି ସକ୍ରିୟ ସହଯୋଗ କରିଥିଲେ।

(ବଲାଙ୍ଗୀରରୁ ଅନ୍ତର୍ଯ୍ୟାମୀ ସାହୁଙ୍କ ରିପୋର୍ଟ)